“Zirə” futbol klubu heyətini gücləndirir

“Zirə” klubu heyətini daha bir futbolçu ilə gücləndirib.Azərtac kluba istinadla xəbər verir ki, komanda yarımmüdafiəçi Orxan Əliyevlə anlaşıb. Gənc futbolçu ilə birillik müqaviləyə imza atılıb.Orxan Əliyev “Sumqayıt”, “Xəzər-Lənkəran” və “Kəpəz” klublarının formasını geyinib.xeber100.com

Beynəlxalq Velosipedçilər İttifaqının yarışlar silsiləsinə yekun vurulub

Kiyevdə Beynəlxalq Velosipedçilər İttifaqının 1.2 kateqoriyalı “Horizon Park” yarışları silsiləsinə yekun vurulub.Azərtac xəbər verir ki, 21 Pro-kontinental, kontinental və milli komandanın iştirak etdiyi 3 günlük yarış Azərbaycanın kontinental velosiped komandası “Synergy Baku”nun reytinqimizə növbəti xallar əlavə etməsi ilə yadda qalıb.Ukraynaya Elçin Əsədov, Samir Cəbrayılov, Elgün Əlizadə, Musa Mikayılzadə, Kənan Qəhrəmanlı və İsmayıl İlyasovdan ibarət heyətlə yollanan “Synergy Baku” ilk gündə 160 kilometrlik “Horizon Park Race for Peace” turunda mübarizə aparıb. Elçin Əsədovun finiş xəttini 7-ci keçməsi aktivimizə 5 reytinq xalı qazandırıb.Ümumi uzunluğu 116 kilometr olan “Horizon Park Race Maidan” turu Elçin Əsədovun 9-cu olması və 3 reytinq xalının qazanılması ilə yadda qalıb. Yarışlar silsiləsinin sonuncu günündə isə Samir Cəbrayılovun 96 kilometrdən ibarət “Horizon Park Classic”də 8-ci yeri tutması daha 3 xalla əlamətdar olub.Qeyd edək ki, yığma komandamızın üzvlərinin yarışlarda qazandıqları xallar onların öz reytinqləri ilə yanaşı, milli komandamızın da aktivinə əlavə olunub. Hazırda Beynəlxalq Velosipedçilər İttifaqının 112 ölkənin yer aldığı reytinq sıralanmasında Azərbaycan 832 xalla 38-ci yerdədir. Siyahının ilk 5 pilləsində Belçika, Kolumbiya, İspaniya, İtaliya və Fransa yer alır.xeber100.com

“Barselona” futbol klubuna yeni baş məşqçi təyin edilib

İspaniyalı mütəxəssis Ernesto Valverde İspaniyanın “Barselona” futbol klubunun yeni baş məşqçisi təyin edilib. Bunu kataloniyalıların prezidenti Xosep Bartomeu mətbuat konfransında elan edib.Komandanın mətbuat xidmətinin məlumatında deyilir ki, 53 yaşlı məşqçi ilə müqavilə müddəti daha bir mövsüm uzadılma imkanı ilə iki il müddətinə nəzərdə tutulub. E.Valverde rəsmi surətdə iyunun 1-də təqdim ediləcək.X.Bartomeu deyib: “E.Valverdedə bizə lazım olan istedad, bilik və təcrübə var. O, işləyən adamdır, oyunun fəlsəfəsini və klubumuza münasib olan iş üslubunu bilir, habelə məşqlərdə və oyunlarda yüksək texnologiyalardan istifadənin tərəfdarıdır”.E.Valverde “Barselona”nın baş məşqçisi vəzifəsində mövsüm başa çatandan sonra klubu tərk edəcəyini qabaqcadan elan etmiş Luis Enrikeni əvəzləyəcək.E.Valverde son dörd mövsümdə Bilbaonun “Atletik” klubuna hamilik edib. Onun rəhbərliyi ilə komanda ötən mövsümdə İspaniya çempionatında yeddinci yeri tutub.E.Valverde 1988-1999-cu illərdə “Barselona”nın hücumçusu olub. 2001-ci ildə “Atletik”in məşqçilər qərargahına daxil olandan sonra məşqçilik fəaliyyətinə başlayıb, sonralar bu kluba başçılıq edib. O, bu illər ərzində İspaniyanın “Espanyol”, “Vilyarreal”, “Valensiya”, habelə Yunanıstanın “Olimpiakose” klublarında müvəffəqiyyətlə çalışıb.xeber100.com

İngiltərə Premyer Liqasında sonuncu komanda müəyyənləşib

Futbol üzrə İngiltərə Premyer Liqasında növbəti mövsüm mübarizə aparacaq sonuncu komanda müəyyənləşib.Azərtac xəbər verir ki, Çempionşipin pley-off oyununda “Haddersfild” və “Ridinq” komandaları qarşılaşıblar. Əsas vaxtı qolsuz bərabərliklə nəticələnən matçın penaltilər seriyasında 4:3 hesabı ilə rəqibini məğlub edən “Haddersfild” elitaya vəsiqə qazanan sonuncu komanda olub.Bununla da, komanda 45 ildən sonra ilk dəfə yüksək liqada çıxış edəcək.Xatırladaq ki, bundan əvvəl “Nyukasl” və “Brayton” Premyer Liqada oynamaq hüququ qazanıb.xeber100.com

Stolüstü tennis üzrə dünya çempionatı keçirilir

Almaniyanın Düsseldorf şəhərində stolüstü tennis üzrə dünya çempionatı keçirilir.Azərbaycan Stolüstü Tennis Federasiyasından Azərtac-a bildiriblər ki, çempionat ərəfəsində mayın 30-da Avropa Stolüstü Tennis Birliyinin konqresi təşkil olunacaq.Konqresdə Azərbaycanı federasiyanın vitse-prezidentləri Fazil Məmmədov və Səbuhi Mehdizadə təmsil edirlər. Konqresdə idarə heyəti ilə bağlı yeniliklər, Avropa çempionatının və digər yarışlar, milli çempionatların, milli liqaların tarixləri məsələsi müzakirə olunur.Eyni zamanda, mayın 31-də Dünya Stolüstü Tennis Federasiyasının illik ümumi yığıncağı keçiriləcək. Yığıncaqda qitə federasiyalarının illik hesabatları, 2017-2020-ci illər Beynəlxalq Stolüstü Tennis Federasiyasının yeni prezidenti və icraedici orqana seçkilər keçiriləcək.Dünya çempionata iyunun 6-da yekun vurulacaq.xeber100.com

Ağır Atletika Federasiyasının məlumatı

Tailandın paytaxtı Banqkokda Beynəlxalq Ağır Atletika Federasiyasının (IWF) prezidenti vəzifəsinə seçkilər keçirilib.Azərbaycan Ağır Atletika Federasiyasından (AAAF) Azərtac-a bildiriblər ki, bu vəzifəyə əsas namizədlər macarıstanlı Tomaş Ayan və italiyalı Antonio Urso olublar.Tədbirdə Azərbaycanı AAAF-in vitse-prezidenti Tofiq Heydərov, baş katib Rizvan Rəsulov və rəyasət heyətinin üzvü Fəxri Ağayev təmsil ediblər.Seçkilərdə 86 səs toplayaraq rəqibini 25 səs qabaqlayan T.Ayan yenidən IWF-in prezidenti seçilib. On iki bu vəzifədə çalışan T.Ayan daha dörd il beynəlxalq quruma rəhbərlik edəcək.Azərbaycan Ağır Atletika Federasiyasının prezidenti Cahangir Əsgərov seçkilərdə qalib gələn Tomaş Ayanı təbrik edib, ona uğurlar arzulayıb, federasiyalar arasındakı dostluq əlaqələrinin davam edəcəyinə inamını bildirib.xeber100.com

Futbol üzrə 3×3 turniri keçirilib

AFFA-nın dəstəyi ilə “Grassroots” layihəsi çərçivəsində Bayıl stadionunda qızlar və oğlanlar arasında futbol üzrə 3x3 turniri keçirilib.Azərtac xəbər verir ki, turnirdə 2008-2010-cu il təvəllüdlü qızlardan ibarət 16, 2005-2007-ci il təvəllüdlü qızlardan ibarət 19, 2008-2010-cu il təvəllüdlü oğlanlardan ibarət 16, 2005-2007-ci il təvəllüdlü oğlanlardan ibarət 32 komanda qeydiyyatdan keçib.2008-2010-cu il təvəllüdlü qızların yarışında “Viktoriya”, 2005-2007-ci il təvəllüdlülərin mübarizəsində isə “Gömrükçü” birinci olublar.2008-2010-cu il təvəllüdlü oğlanların yarışında “Gömrükçü”, 2005-2007-ci il təvəllüdlülərin yarışında isə “Güclülər” turnirin qalibi adını qazanıblar.Yarışda 300-dən artıq futbolçu iştirak edib.xeber100.com

“Qarabağ” komandası 2016/2017-ci il mövsümündə…

Almaniya Bundesliqasının bu mövsüm qalibi olan “Bavariya” futbol klubu Ağdamın “Qarabağ” komandasını çempionluq münasibətilə təbrik edib.Azərtac xəbər verir ki, klubun idarə heyətinin sədri Karl Haynz Rummenigin “Qarabağ”a ünvanladığı məktubda deyilir: “Bavariya” klubu adından “Qarabağ”ı 2016/2017-ci il mövsümündə Azərbaycan Premyer Liqasının qalibi olması münasibətilə təbrik edirəm”.xeber100.com

Beynəlxalq Boks Federasiyasının məlumatına görə…

Kişi boksçulardan ibarət Azərbaycan milli komandasının qatılacağı Avropa çempionatı mundiala seçim xarakteri daşıyacaq.Azərtac xəbər verir ki, iyunun 14-dən 26-dək Ukraynanın Xarkov şəhərində təşkil olunacaq qitə birinciliyi dünya çempionatındakı təmsilçilərin adlarına aydınlıq gətirəcək.Avqustun 25-dən sentyabrın 3-dək Almaniyanın Hamburq şəhərində keçiriləcək dünya çempionatına seçim sisteminə əsasən “köhnə qitə”dən mundiala yollanacaq boksçular yalnız Xarkovda müəyyənləşəcək. Qaydalara görə, dünya çempionatında iştirak hüququ 5 qitənin birinciliyində veriləcək.Hamburqda 10 çəki dərəcəsinin hərəsində 28 boksçu olmaqla, ümumilikdə 280 boksçu mübarizə aparacaq. Hər çəki dərəcəsində 1 idmançı ev sahibi Almaniyanı təmsil edəcəksə, daha 1 yeri Beynəlxalq Boks Federasiyası (AİBA) müəyyənləşdirib, həmin boksçuya “wild card” verəcək. Digər 26 iştirakçı isə qitə çempionatları arasında bölüşdürülüb.Ən çox yer Avropa çempionatına verilib ki, “köhnə qitə” hər çəki dərəcəsində 8 idmançı ilə təmsil olunmaq hüququna malikdir. Bu isə o deməkdir ki, Xarkovda 1/4 finala çıxacaq hər bir boksçu mundiala vəsiqəni təmin edəcək. Yığmamızın dünya çempionatındakı iştirakçıları da Avropa birinciliyində yarımfinalın 1 addımlığınadək irəliləyəcək boksçulardan ibarət olacaq. 1/4 finala yüksəlməyən idmançılar isə “wild card”a ümid edəcəklər.Dünya çempionatındakı digər yerlər 4 qitə arasında bölüşdürülüb. Asiya və Amerikanın hərəsi hər çəkidə 6, Afrika 4 və Okeaniya 2 idmançı ilə təmsil olunacaq.Qeyd edək ki, milli komandamız Avropa çempionatına 10 boksçu ilə yollanacaq.xeber100.com

Su İdman Sarayının ərazisində təlim-məşq toplanışı keçiriləcək

İyunun 5-dən 28-dək çimərlik futbolu üzrə Azərbaycan milli komandası Su İdman Sarayının ərazisində təlim-məşq toplanışı keçirəcək.Azərtac AFFA-ya istinadla xəbər verir ki, toplanışa Vaqif Şirinbəyov, Elçin Qasımov, Renat Sultanov, Elvin Quliyev, Amid Nəzərov, Orxan Məmmədov, Asif Zeynalov, Ramil Əliyev, Sabir Allahquliyev, Əbdül Əliyev, Hikmət Bağırov, Rüfət Məmmədov, Comərd Baxşəliyev, Elgiz Kərəmli və Anar Məhərrəmov dəvət olunublar.xeber100.com