Futbol üzrə yoldaşlıq oyunu keçirilib

Tbilisidə təlim-məşq toplanışında olan futbol üzrə 17 yaşadək qızlardan ibarət Azərbaycan yığması yoldaşlıq oyunu keçirib.Azərtac AFFA-ya istinadla xəbər verir ki, Gürcüstanın U-17 komandası ilə keçirilmiş qarşılaşmada heç-heçə qeydə alınıb – 1:1.Yığmamızın qolunu Aytac Nemətova vurub.xeber100.com

Milli Gimnastika Arenasında sınaq məşqi keçirilib

Milli Gimnastika Arenasında batut gimnastikası və tamblinq üzrə dünya kuboku yarışlarının iştirakçılarının sınaq məşqi keçirilib.Azərtac xəbər verir ki, paytaxtımıza təşrif buyuracaq 85 batutçu və tamblinqçi fevralın 18-19-da 2017-ci ildə qüvvəyə minən yeni qaydalar əsasında gərgin mübarizə apararaq öz qüvvələrini sınayacaq. Yarışların ilk günü təsnifat mərhələləri, ikinci günü isə final mərhələləri baş tutacaq.Azərbaycanı batut yarışlarında fərdi və sinxron proqramda İlya Qrişunin, Oleq Piunov, Ruslan Ağamirov, Svetlana Makştarova, Veronika Zemlyanaya və tamblinq cığırında Mixail Malkin təmsil edəcəklər.xeber100.com

Formula-1 Qran-prisinə bilet satışı davam edir

Formula-1 Azərbaycan Qran-prisi üçün müxtəlif bilet seçimləri “Bakı Şəhər Halqası” Əməliyyat Şirkətinin (BŞH) rəsmi internet səhifəsi ilə yanaşı, paytaxtın böyük alış-veriş mərkəzlərində, həmçinin digər ictimai əhəmiyyətli yerlərdəki bilet satışı məntəqələrində alıcılara təqdim olunur.BŞH-dən Azərtac-a bildiriblər ki, ötən həftədən etibarən təklif olunan birgünlük və ikigünlük biletləri əldə edən şəxslər tribunalarda əyləşərək trekin müxtəlif yerlərindən yarışı izləməklə yanaşı, Dənizkənarı Milli Parkdakı Formula-1 şəhərciyində keçiriləcək bir sıra əyləncə tədbirlərində, o cümlədən yarış həftəsonunun axşamlarında əsas səhnədə konsert proqramlarında iştirak edə biləcəklər.xatırladaq ki, Formula-1 Azərbaycan Qran-prisi iyunun 23-25-də Bakıda keçiriləcək.xeber100.com

Həndbol Federasiyasının məlumatı

Qadın həndbolçular arasında “Çelenc Cup” turnirinin səkkizdəbir final mərhələsi çərçivəsində Azərbaycan təmsilçisi “ABU” ilk matçına çıxıb.Azərbaycan Həndbol Federasiyasından Azərtac-a verilən xəbərə görə, komandamız Polşanın “Kram Start Elblaq” klubu ilə qarşılaşıb. Polşada keçirilən matçda nominal ev sahibi kimi çıxış edən “ABU” klubu yerli komandaya 23:33 hesabı ilə məğlub olub.Xatırladaq ki, səkkizdəbir final mərhələsinin cavab qarşılaşması fevralın 11-də əvvəldən razılaşdırıldığı kimi Polşada baş tutacaq.xeber100.com

“Böyük dəbilqə” beynəlxalq turniri başlayıb

Fevralın 11-də Parisdə Accorhotels Arenada cüdo üzrə “Böyük dəbilqə” beynəlxalq turniri başlayıb.Azərtac xəbər verir ki, iki gün davam edəcək turnirdə 63 ölkədən 459 idmançı mübarizə aparır. Yarışın ilk günündə dörd cüdoçumuz mübarizəyə qoşulub və millimiz 3 medal qazanıb.Elxan Səfərov (60 kq), Nicat Şıxəlizadə (66 kq) və Hidayət Heydərov (73 kq) beynəlxalq turnirin bürünc medalına sahib olublar.Turnirin ilk gününün nəticələrinə görə, Azərbaycan millisi səkkizinci pillədə qərarlaşıb. Hesabında 3 qızıl, 1 gümüş və 2 bürünc medal olan Yaponiya yığması ümumi komanda hesabında birincidir. Koreya Respublikası (2-1-0) ikinci, Kosovo millisi (1-0-1) isə üçüncü pillədə yer alır.xeber100.com

Sambo üzrə ölkə çempionatına yekun vurulub

Şağan Olimpiya İdman Kompleksində sambo üzrə ölkə birinciliyi və çempionatına yekun vurulub. Yeniyetmələr, gənclər və kişilər arasında təşkil olunan yarışda gərgin idman mübarizəsi müşahidə olunub.Azərtac xəbər verir ki, “Neftçi İdman Klubu”nun samboçuları çempionatda əzmlə mübarizə apararaq, ümumilikdə 41 medala (11 qızıl, 13 gümüş, 17 bürünc) sahib olublar.xeber100.com

Dünya Güləş Birliyi yeni reytinq siyahısını açıqlayıb

Dünya Güləş Birliyi 2017-ci ilin yanvarında keçirilən yarışların nəticəsinə əsasən, güləş üzrə yeni reytinq siyahısını açıqlayıb.Azərtac xəbər verir ki, yanvarda komandalarımız heç bir rəsmi yarışda iştirak etmədiyindən reytinq sıralamasında elə də ciddi dəyişiklik müşahidə edilməyib. İlk onluqda, ümumilikdə 16 güləşçimizin adı var.xeber100.com

Topaz Premyer Liqasının XVII turu çərçivəsində…

“Neftçi” komandasının Topaz Premyer Liqasının XVII turu çərçivəsində “İnter” üzərində səfər qələbəsi klub üçün əlamətdar olub.Azərtac xəbər verir ki, paytaxt təmsilçisinin heyətində çıxış edən çilili legioner İqnasio Herreranın matçın 58-ci dəqiqəsində vurduğu top “Neftçi”nin Azərbaycan çempionatları tarixində rəqib meydanlarında 500-cü qolu olub. 1992-ci ildən keçirilən ölkə çempionatlarında “Neftçi”nin vurduğu 500 səfər qolu 351 matçda qeydə alınıb. Flaqman səfərdə ən çox qol vuran komandadır.Xatırladaq ki, “İnter”-“Neftçi” görüşündə qonaqlar 3:1 hesabı ilə qalib gəliblər.xeber100.com

2024-cü ildə təşkil olunacaq Avropa çempionatında…

Türkiyə 2024-cü ildə təşkil olunacaq futbol üzrə Avropa çempionatına ev sahibliyi etmək üçün namizədliyini irəli sürüb.Azərtac xəbər verir ki, 2016-cı ilin qitə birinciliyinə də ev sahibliyi etmək üçün namizəd olmuş Türkiyə o zaman mübarizəni bir səslə uduzmuşdu. 2020-ci ildə qitə çempionatının bütün Avropaya yayılması səbəbindən imtina edilmişdi.“Avro-2024”ü təşkil etmək istəyən ölkələr rəsmən açıqlanmasa da, Almaniya və Hollandiyanın təklikdə, Rusiya və Estoniyanın isə birlikdə namizəd olacağı gözlənilir.xeber100.com

Atçılıq Mərkəzinin yaradılmasının onuncu ildönümü qeyd edilib

Fevralın 11-də Dövlət Sərhəd Xidməti Atçılıq Mərkəzinin yaradılmasının onuncu ildönümü münasibətilə tədbir keçirilib.Azərtac xəbər verir ki, tədbirdə iştirak edən Dövlət Sərhəd Xidmətinin rəisi – Sərhəd Qoşunlarının Komandanı, general-polkovnik Elçin Quliyev, Gənclər və İdman Nazirliyinin nümayəndələri, idmançılar əvvəlcə hərbi hissənin ərazisinə baxış keçirib, yaradılan şəraitlə tanış olublar.Dövlət Sərhəd Xidmətinin nümunəvi hərbi orkestrinin ifasında marşlar və həzin musiqilər səsləndirilib, Mərkəzin fəaliyyətini və qazandığı nailiyyətləri əks etdirən film nümayiş olunub. Yubiley mərasimində xüsusi xoreoqrafiya üzrə “Qarabağ” və “Diliboz” atlarının üzərində Azərbaycan Respublikasının dövlət bayrağı meydana gətirilib, “Süvarilər” qrupu, island poniləri, çövkən komandaları, konkurçular, poloçular atlarla parad qaydasında manejə daxil olublar. Sonra “Süvarilər” qrupunun nümunəvi çıxışları nümayiş etdirilib, konkur elementləri üzrə yarış keçirilib.xeber100.com