Topaz Premyer Liqasının XVII turu çərçivəsində…

“Neftçi” komandasının Topaz Premyer Liqasının XVII turu çərçivəsində “İnter” üzərində səfər qələbəsi klub üçün əlamətdar olub.Azərtac xəbər verir ki, paytaxt təmsilçisinin heyətində çıxış edən çilili legioner İqnasio Herreranın matçın 58-ci dəqiqəsində vurduğu top “Neftçi”nin Azərbaycan çempionatları tarixində rəqib meydanlarında 500-cü qolu olub. 1992-ci ildən keçirilən ölkə çempionatlarında “Neftçi”nin vurduğu 500 səfər qolu 351 matçda qeydə alınıb. Flaqman səfərdə ən çox qol vuran komandadır.Xatırladaq ki, “İnter”-“Neftçi” görüşündə qonaqlar 3:1 hesabı ilə qalib gəliblər.xeber100.com

2024-cü ildə təşkil olunacaq Avropa çempionatında…

Türkiyə 2024-cü ildə təşkil olunacaq futbol üzrə Avropa çempionatına ev sahibliyi etmək üçün namizədliyini irəli sürüb.Azərtac xəbər verir ki, 2016-cı ilin qitə birinciliyinə də ev sahibliyi etmək üçün namizəd olmuş Türkiyə o zaman mübarizəni bir səslə uduzmuşdu. 2020-ci ildə qitə çempionatının bütün Avropaya yayılması səbəbindən imtina edilmişdi.“Avro-2024”ü təşkil etmək istəyən ölkələr rəsmən açıqlanmasa da, Almaniya və Hollandiyanın təklikdə, Rusiya və Estoniyanın isə birlikdə namizəd olacağı gözlənilir.xeber100.com

Atçılıq Mərkəzinin yaradılmasının onuncu ildönümü qeyd edilib

Fevralın 11-də Dövlət Sərhəd Xidməti Atçılıq Mərkəzinin yaradılmasının onuncu ildönümü münasibətilə tədbir keçirilib.Azərtac xəbər verir ki, tədbirdə iştirak edən Dövlət Sərhəd Xidmətinin rəisi – Sərhəd Qoşunlarının Komandanı, general-polkovnik Elçin Quliyev, Gənclər və İdman Nazirliyinin nümayəndələri, idmançılar əvvəlcə hərbi hissənin ərazisinə baxış keçirib, yaradılan şəraitlə tanış olublar.Dövlət Sərhəd Xidmətinin nümunəvi hərbi orkestrinin ifasında marşlar və həzin musiqilər səsləndirilib, Mərkəzin fəaliyyətini və qazandığı nailiyyətləri əks etdirən film nümayiş olunub. Yubiley mərasimində xüsusi xoreoqrafiya üzrə “Qarabağ” və “Diliboz” atlarının üzərində Azərbaycan Respublikasının dövlət bayrağı meydana gətirilib, “Süvarilər” qrupu, island poniləri, çövkən komandaları, konkurçular, poloçular atlarla parad qaydasında manejə daxil olublar. Sonra “Süvarilər” qrupunun nümunəvi çıxışları nümayiş etdirilib, konkur elementləri üzrə yarış keçirilib.xeber100.com

Taekvondo Federasiyasının məlumatına görə…

Türkiyənin Antalya şəhərində keçirilən klublararası Avropa çempionatına yekun vurulub. Taekvondo Federasiyasından apasport.az saytına verilən məlumata görə, G1 kateqoriyalı yarışın son günündə Azərbaycan taekvondoçuları daha 6 medal qazanıblar.40 ölkədən 900-dən çox idmançının qatıldığı çempionatda Rionun bürünc mükafatçıları Milad Beigi Harçeqani (80 kq) və Patimat Abakarova (53 kq, hər ikisi “Gilan” İK) yarışın qalibi olub.Olimpiya çempionumuz Radik İsaev (+87 kq, “Gilan” İK) və Ramin Əzizov (87 kq, “Qafqaz” TK) isə həlledici döyüşdə uduzduqlarından gümüş medalla kifayətlənib.Daha 3 idmançımız - Yaprak Eriş (57 kq), Fəridə Əzizova (67 kq, hər ikisi “Gilan” İK) və Ceyhun Həsənli (+87 kq, “Savalan” TK) isə yarışı yarımfinal mərhələsində başa vurub.Beləliklə, Azərbaycan klublarının idmançıları 4 gün davam edən klublararası Avropa çempionatını 31 (9-10-12) medalla başa vurublar. Yarışın nəticəsinə əsasən “Gilan” İdman Klubu bütün yaş kateqoriyaları üzrə ümumi komanda hesabında qitə çempionu adına yiyələnib.Qeyd edək ki, sabah G2 kateqoriyalı “Turkish Open” beynəlxalq turnirinin startı veriləcək. Milli komandalarımızın üzvləri, habelə bir sıra klublarımız bu yarışda da qüvvələrini sınayacaq.

Futbol üzrə yeni komanda müəyyənləşib

Futbol üzrə Azərbaycan millisinin hücumçusu Ramil Şeydayevin yeni komandası müəyyənləşib.Azərtac xəbər verir ki, gənc forvard karyerasını Slovakiyada davam etdirəcək. Belə ki, “Trabzonspor” həmyerlimizi “Jilina” klubuna icarəyə verib. Razılaşmaya əsasən, R.Şeydayev qarşıdakı il yarım ərzində Slovakiya təmsilçisində çıxış edəcək.R.Şeydayevin yeni komandası Slovakiya çempionatında 17 turdan sonra 44 xal toplayıb və turnir cədvəlinə başçılıq edir.Qeyd edək ki, “Trabzonspor”a mövsümün əvvəlində “Zenit”dən keçən Ramil Şeydayev Qara dəniz təmsilçisi ilə 4 illik müqavilə imzalamışdı.xeber100.com

El-1 döyüş növü üzrə yarışlara yekun vurulub

Bakı Şəhər Gənclər və İdman Baş İdarəsi tərəfindən Şağan Olimpiya İdman Kompleksində El-1 döyüş növü üzrə paytaxt kuboku yarışlarına yekun vurulub.Azərtac xəbər verir ki, yarış 6 yaş kateqoriyası üzrə keçirilib.Gərgin idman mübarizəsi şəraitində keçən yarışda Səbuhi Əliyev, Emil Əsədov, Rəvan Qarayev, Təbriz Bəylərov, Çərkəz Sadıqov, Elsevər İbrahimov, Xəqani Həşimli, Vüqar Paşazadə, Tural Əsgərov, Rahid Məmmədov, Ümid Məhərrəmli, Nurlan Həsənli, Turan Əliyev, Nail Cəfərli, Yaşar Əsgərov və Kənan Qənbərli qızıl medal qazanıblar.xeber100.com

“Qarabağ” futbol klubu yeni rekordunu müəyyənləşdirib

Ağdamın “Qarabağ” futbol klubu tarixinin yeni rekordunu müəyyənləşdirib.Azərtac Peşəkar Futbol Liqasına istinadla xəbər verir ki, komanda evdəki məğlubiyyətsizlik seriyasında Premyer Liqadakı ən yaxşı nailiyyətinə imza atıb. Qurban Qurbanovun yetirmələri buna Topaz Premyer Liqasının XVII turunun “Zirə” ilə matçında nail olublar. Matçda 2:0 hesabı ilə qalib gələn “Qarabağ” öz meydanındakı yenilməzliyini 32 oyuna çatdırıb. Ağdamlılar sonuncu dəfə 2015-ci il fevralın 28-də doğma meydanda uduzub. Həmin vaxt “Qəbələ”yə 0:1 hesabı ilə məğlub olan Q.Qurbanovun yetirmələri arxada qalan 2 il ərzində evdə 26 qələbə qazanıb və 6 heç-heçə ediblər.Bununla da “Qarabağ” klubu tarixinin rekordunu arxada qoyub. Ağdamlılar 1992-1993-cü illərdə ardıcıl 31 ev oyununda uduzmamışdı. Bu, ümumilikdə Azərbaycan futbolu tarixində 7-ci nəticənin təkrarıdır.xeber100.com

“Çexiya Open” turnirində şəxsi oyunlar başa çatıb

Çexiyanın Xodonin şəhərində Beynəlxalq Stolüstü Tennis Federasiyasının reytinq yarışlarına daxil olan “Çexiya Open” turnirində şəxsi oyunlar başa çatıb.Azərbaycan Stolüstü Tennis Federasiyasından Azərtac-a bildirilib ki, 36 ölkədən 301 idmançının qatıldığı çempionatda oğlan tennisçilərimiz qızıl və gümüş medal qazanıblar.Tennisçilərimiz Yang Xinyu və Vanq Çenxi dörddəbir finalda Danimarka və Çexiya, yarımfinalda isə Almaniya və Moldova idmançılarına qalib gələrək finala çıxıblar. Final oyunu iki Azərbaycan tennisçisi arasında keçirilib.Qeyd edək ki, çempionat komanda yarışları ilə davam edir.xeber100.com

Qətər dünya çempionatının hazırlığına 200 milyard xərcləyəcək

2022-ci il dünya çempionatına ev sahibliyi edəcək Qətər mundialın hazırlığına ümumilikdə 200 milyard ABŞ dolları xərcləyəcək.“The Guardian” xəbər verir ki, bu vəsait nəhəng futbol turniri üçün nəzərdə tutulmuş obyektlərin tikintisinə, infrastrukturun və xəstəxanaların modernləşdirilməsinə, eləcə də nəqliyyat şəbəkəsinin inkişafına sərf ediləcək.Qətər rəsmiləri dünya çempionatının hazırlıq prosesinə həftədə 500 milyon dollar xərcləyəcəklər.xeber100.com

“İnter” futbol klubu “Neftçi”ni qəbul edəcək

Fevralın 8-də futbol üzrə Topaz Premyer Liqasında XVII tur çərçivəsində lider “Qarabağ” paytaxt təmsilçisi “Zirə”ni qəbul edib.Azərtac xəbər verir ki, oyunda ağdamlılar 2:0 hesabı ilə qalib gəliblər.Qarşılaşmaya hücumlarla başlayan Ağdam klubu 13-cü dəqiqədə Əfran İsmayılovun dəqiq zərbəsi ilə hesabı açıb. İkinci hissənin əvvəlində - 47-ci dəqiqədə isə Dino Ndlovu adını tabloya yazdırıb – 2:0. Oyun bu hesabla da başa çatıb.Bu oyundan sonra “Qarabağ” komandası “Qəbələ”ni bir xal üstələyərək turnir cədvəlindəki liderliyini qoruyub. “Zirə” 21 xalla dördüncü, AZAL isə 8 xalla sonuncu - səkkizinci sıradadır.Turun digər görüşləri fevralın 9-da oynanılacaq. “Sumqayıt” komandası “Kəpəz”i, “İnter” isə “Neftçi”ni qəbul edəcək.xeber100.com