IV İsam Həmrəyliyi Oyunlarına hazırlıqla bağlı…

Bakıda keçiriləcək IV İsam Həmrəyliyi Oyunlarına hazırlıqla bağlı bütün işlər həll olunub.Azərtac xəbər verir ki, bu barədə jurnalistlərə müsahibəsində Gənclər və idman naziri A.Rəhimov məlumat verib.Nazir qeyd edib ki, 57 İslam ölkəsindən idmançıların IV İsam Həmrəyliyi Oyunlarında iştirakını təmin etmək əsas vəzifəmizdir. Artıq əlli ölkədən təsdiq cavabı almışıq və onlar iştirak edəcəklər. Qalan yeddi ölkənin bəzilərinin maliyyə məsələləri ilə bağlı müəyyən problemlər var. Çalışırıq ki, onlara da kömək edək və onları da oyunlara cəlb edək.A.Rəhimov bildirib ki, hazırlıq prosesində növbəti addımımız nəqliyyat sistemi ilə bağlı işlərdir. Bu, çox vacib bir sistemdir. Birinci Avropa Oyunlarında çoxlu avtobus sifariş olunmuşdu. Bu dəfə başqa yol axtarıb bunu həyata keçirməliyik.xeber100.com

“Challenge Cup” turnirinin final mərhələsi çərçivəsində…

Bakının “ABU” həndbol komandası Polşanın “Kram Start Elblag” klubu ilə görüşəcək.Azərtac xəbər verir ki, qadın həndbolçulardan ibarət “ABU” komandası fevralın 10-11-də Polşanın Elblak şəhərində yerli “Kram Start Elblag” komandası ilə görüşəcək. Nəzərdə tutulan oyun Avropa Həndbol Federasiyasının keçirdiyi “Challenge Cup” turnirinin səkkizdəbir final mərhələsi çərçivəsində reallaşacaq.Qeyd edək ki, əvvəlki mərhələdə həndbolçularımız Belçikanın “Femina Vise” komandasına qalib gəlib.xeber100.com

Yarımmüdafiəçi Munir Obbadi “Nitsa”ya keçib

"Lill" futbol klubunun yarımmüdafiəçisi Munir Obbadi "Nitsa"ya keçib.Azərtac xəbər verir ki, 33 yaşlı mərakeşli azad agent kimi yeni komandasına qoşulub.Bir müddət əvvəl verilən məlumata görə, Obbadi şəxsi məsələlərə görə komandasını dəyişib. 2016-cı ildə futbolçunun evi qarət edilmişdi.Cari mövsümdə Obbadi "Lill"in heyətində 7 oyunda meydana çıxıb.xeber100.com

“Şanxay Şenxua” futbolçusunun “Beşiktaş”a keçidi rəsmiləşib

Çinin “Şanxay Şenxua” klubunun futbolçusu Demba Banın “Beşiktaş”a keçidi rəsmiləşib.Azərtac xəbər verir ki, İstanbul təmsilçisi sabiq futbolçusunu icarəyə götürüb.Seneqallı hücumçu mövsümün sonunadək “Beşiktaş”da çıxış edəcək.Qeyd edək ki, 2014-cü ildə “Çelsi”dən transfer olunan 31 yaşlı futbolçu 2015-ci ildə Çin klubuna satılıb. O, “qara qartallar”ın heyətində 44 oyuna 27 qol vurub.xeber100.com

Afrika Millətlər Kubokunda ilk finalçı müəyyənləşib

Qabonda keçirilən futbol üzrə Afrika Millətlər Kubokunda ilk finalçının adına aydınlıq gəlib.Azərtac xəbər verir ki, Misir milli komandası yarımfinalda Burkina-Faso yığması ilə qarşılaşıb və matç 1:1 hesabı ilə başa çatıb. Oyunsonrası penaltilər seriyasında rəqibini məğlub edən Misir millisi adını finala yazdırıb.İkinci yarımfinalçının adına bu gün oynanılacaq Kamerun-Qana görüşündən sonra aydınlıq gələcək.xeber100.com

Futbol üzrə yoldaşlıq görüşünün vaxtı müəyyənləşib

Futbol üzrə Azərbaycan millisinin Qətər yığması ilə keçirəcəyi yoldaşlıq görüşünün məkanı və vaxtı müəyyənləşib.Azərtac xəbər verir ki, oyun martın 9-da Doha şəhərindəki “Jassim Ben Hamad” stadionunda keçiriləcək. Görüş Bakı vaxtı ilə 20:00-da (yerli vaxtla 19:00) start götürəcək.Oyun hər iki komanda üçün dünya çempionatının seçmə mərhələsinə hazırlıq xarakteri daşıyır.xeber100.com

Badminton Federasiyasının təşkilatçılığı ilə…

Azərbaycan Badminton Federasiyasının təşkilatçılığı ilə Bakıda badminton idman növü üzrə məşqçilər üçün "Coach Education Level 1 Expert Course" adlı təlim kursları keçirilib.Azərtac xəbər verir ki, üç gün davam edən kurslar məşqçilərin ixtisasının artırılması məqsədilə təşkil olunub.Tədbirdə İsveç, İngiltərə, Almaniya, Hollandiya, Belarus və İspaniyadan olan mütəxəssislər iştirak ediblər. Təlimin ilk günü əsasən nəzəriyyədən, ikinci günü praktikadan, sonuncu gün isə imtahan və təlim iştirakçılarına sertifikatların təqdim edilməsindən ibarət olub.Kursu uğurla bitirən iştirakçılar badminton müəllimi, badminton məsləhətçisi, birinci dərəcəli məşqçi və ya ekspert sertifikatı ilə təltif olunublar.“Məşqçilərinixtisaslarının artırılması Dünya Badminton və Avropa Badminton federasiyaları üçün önəmlidir. 2012-ci ilin noyabr ayında Dünya Badminton Federasiyası tərəfindən I dərəcəli məşqçi kursuna start verilib, 2013-cü ilin dekabr ayında isə II dərəcəli məşqçi kursunun resursları istifadəyə buraxılıb. Badminton üzrə hər iki dərəcədə təhsil sisteminə treninq və məşq materialları daxildir. Kursun hər bir dərəcəsi məşqçilərin müvafiq bilik qazanması, bacarıq və ixtisasının artırılması üçün bir yoldur”, - deyə Azərbaycan Badminton Federasiyasının tədbirlər üzrə meneceri Zaur Bayramov qeyd edib.xeber100.com

“Şahdağ” futbol klubunun oyunu təxirə salınıb

Futbol üzrə Azərbaycanın I Divizionunda çıxış edən Qusarın “Şahdağ” futbol klubunun fevralın 2-də keçirilməsi nəzərdə tutulan oyunu təxirə salınıb.Azərtac xəbər verir ki, buna səbəb oyunun keçiriləcəyi Şövkət Orduxanov adına Qusar şəhər stadionunun qarla örtülməsidir. “Şahdağ” ikinci dövrənin ilk oyununda I Divizionun iddialılarından sayılan “Zaqatala” klubu ilə qarşılaşmalı idi.Klub nümayəndələri meydanı oyun gününədək hazır vəziyyətə gətirməyə çalışsa da, əlverişsiz hava şəraitinin davam etməsi buna imkan verməyib.Bununla əlaqədar Peşəkar Futbol Liqasının qərarına əsasən “Şahdağ”–“Zaqatala”, eləcə də “Göyəzən”– “Qaradağ Lökbatan” matçlarının keçirilmə tarixi dəyişdirilib. Bu oyunlar fevralın 27-nə təyin olunub.xeber100.com  

Dünya çempionatının seçmə mərhələsi çərçivəsində…

Futbol üzrə dünya çempionatının seçmə mərhələsi çərçivəsində martın 26-da Tofiq Bəhramov adına Respublika stadionunda keçiriləcək Azərbaycan–Almaniya oyununun biletləri fevralın 1-dən satışa çıxarılıb.Azərtac xəbər verir ki, kateqoriyalardan asılı olaraq biletlərin qiyməti 2, 5, 9, 14 və 19 manat təşkil edir. VIP biletləri isə 50 manata əldə etmək olar. Xatırladaq ki, Azərbaycan-Almaniya oyunu martın 26-da saat 20:00-da start götürəcək.xeber100.com

Cüdo Federasiyası yeni reytinq siyahısını açıqlayıb

Beynəlxalq Cüdo Federasiyası yeni reytinq siyahısını açıqlayıb.Azərtac xəbər verir ki, siyahı Azərbaycan millisinin aparıcı üzvləri üçün uğurlu olub.Yığmamızın aparıcı cüdoçularının hamısı mövqelərini qoruyublar. Belə ki, Orxan Səfərov yenə 3-cü, İlqar Müşkiyev (hər ikisi 60 kq) 12-ci, Nicat Şıxəlizadə 9-cu, Tərlan Kərimov (hər ikisi 66 kq) 45-ci, Rüstəm Orucov (73 kq) 1-ci, Məmmədəli Mehdiyev (90 kq) 20-ci, Elmar Qasımov 1-ci, Elxan Məmmədov (hər ikisi 100 kq) 8-ci və Uşanqi Kokauri (100 kq-dan yuxarı) 17-ci pillədə yer alıblar.Təmsilçilərimizdən yalnız Aişə Qurbanlı (48 kq) 1 rəqibini özündən irəli buraxıb. O, 41-ci yerə geriləyib.xeber100.com