Qobustan Regional Təlim Mərkəzinə sənəd qəbulu başlayıb

SOCAR-ın Təlim, Tədris və Sertifikatlaşdırma İdarəsinin Qobustan Regional Təlim Mərkəzinə sənəd qəbulu başlayıb.Şirkətin mətbuat xidmətindən Azərtac-a bildirilib ki, qəbul üzrə müvafiq komissiya tərəfindən 2017-2018-ci tədris ili üçün avtomobil təmiri çilingəri, əl ilə qaynaqda elektrik qaynaqçısı, elektrik avadanlığının təmiri və xidməti üzrə elektrik montyoru, elektrik qaz qaynaqçısı, neft və qaz hasilatı üzrə operator, polad və dəmir-beton konstruksiyalarının quraşdırılması üzrə quraşdırıcı, qazpaylayıcı stansiyanın operatoru, qazla kəsən, təmirçi-çilingər, tornaçı-frezerçi peşələri üzrə sənəd qəbulu elan edilib.Müsabiqədə yaşı 29-dan yuxarı olmayan, respublika üzrə hər hansı yerdə qeydiyyatı olan Azərbaycan Respublikası vətəndaşları, eləcə də hərbi mükəlləfiyyətli (oğlanlar üçün), tam orta təhsilli gənclər iştirak edə bilərlər. Sənəd qəbulu elektron formada həyata keçirilir. Müraciət etmək istəyən şəxslər www.socar.az saytının “Karyera” bölməsinin “Təlim Mərkəzinə sənəd qəbulu” alt-bölməsinə daxil olaraq elektron müraciət formasını doldurmalıdırlar. Müraciətlər bu il iyunun 19-dək qəbul ediləcək. Qəbulla bağlı sualı olan vətəndaşlar [email protected] elektron poçt ünvanına yazılı müraciət göndərə bilərlər.xeber100.com

Polşa-Azərbaycan biznes forumu keçiriləcək

İyunun 27-də Polşa Respublikasının paytaxtı Varşava şəhərində Polşa-Azərbaycan biznes forumunun keçirilməsi planlaşdırılır.Azərtac Azərbaycanda İxracın və İnvestisiyaların Təşviqi Fonduna (AZPROMO) istinadla xəbər verir ki, tədbir çərçivəsində Polşa iş adamları ilə işgüzar əlaqələrin genişləndirilməsi üçün ikitərəfli görüşlərin təşkili nəzərdə tutulur. Polşaya səfərdə iştirak etməkdə maraqlı olan sahibkarlar AZPROMO-ya müraciət edə bilərlər.xeber100.com

Əmanətlərin Sığortalanması Fondunun məlumatı

Ləğv prosesində olan banklara kredit öhdəliyi olan müştərilər ödənişlərini onlara yaxın ərazidə yerləşən "MilliÖN" Ödəmə Sistemi vasitəsilə həyata keçirə bilərlər.Bu barədə Əmanətlərin Sığortalanması Fondundan Azərtac-a verilən məlumatda deyilir."MilliÖN" terminalının menyusunda olan "Bank xidmətləri" səhifəsindən "ADİF" seçilərək krediti ödəniləcək şəxsin şəxsiyyət vəsiqəsində olan "PİN" kod daxil edilir. Müştərinin krediti olduğu ləğv prosesində olan bankların siyahısı əks etdirilir və ödəniş aparılacaq bankın adı seçilir. Bankda müştərinin bütün kreditləri siyahıda əks etdirilir və müştəri ödəniş etmək istədiyi krediti seçir. Ödəniş ediləcək məbləğ terminala daxil edilərək "irəli" düyməsi seçilir və qəbz terminaldan götürülür.xeber100.com

Neftin qiyməti ilə bağlı proqnoz dəyişməyib

ABŞ-ın Enerji İnformasiya Administrasiyasının (EIA) bu il üzrə neftin qiyməti ilə bağlı proqnozunu dəyişməyib.Azərtac EIA-nın aylıq hesabatına istinadla xəbər verir ki, “Layt” markalı xam neftin qiyməti bu il orta hesabla 51 dollar/barrel olacaq. “Brent” neftinin bir barrelinin orta qiymətinin isə 53 dollar səviyyəsində olacağı nəzərdə tutulur.EIA “Layt” və “Brent”in 2018-ci il üzrə qiymət proqnozunu isə 1 dollar/barrel azaldıb. Belə ki, administrasiya “Layt”ın qiymətinin gələn il 54 dollar/barrel, “Brent” neftinin qiymətinin isə 56 dollar/barrel olacağını təxmin edir.Neft İxrac edən Ölkələr Təşkilatının (OPEC) mayın 25-də keçirilən iclasında kartelə üzv ölkələrin və Rusiyanın xam neft istehsalının azaldılmasının davam etdirilməsi barədə qərarı qəbul etdikləri qeyd edilən hesabatda bu qərarın həftələr öncə qlobal neft bazarı tərəfindən qiymətləndirildiyi bildirilib. Hesabatda investorlar tərəfindən neft hasilatının azaldılması həcminin çox və buna dair sazişin müddətinin daha uzun olacağı gözlədiyi qeyd edilib. Bu olmadığı üçün iclas günü neftin qiyməti 5 faiz ucuzlaşıb.Digər tərəfdən OPEC və Rusiyanın apardığı neft hasilatının azaldılması təşəbbüsünə baxmayaraq ABŞ və Braziliyada neft istehsalı artıb.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, iyunun 9-da Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 665,2 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 12,01 faiz təşkil edib.xeber100.com

Bakı Nəqliyyat Agentliyinin məlumatı

18 nömrəli marşrut xəttinin hərəkət trayektoriyasına dəyişiklik ediləcək.Azərtac xəbər verir ki, bu barədə Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin müdiri Mais Ağayev deyib.O bildirib ki, dəyişikliyə əsasən “Formula 1” Azərbaycan Qran-Prisi yarışlarından sonra 18 nömrəli marşrut xəttinin hazırda son dayanacağı olan Azərbaycan prospektindən Şəmsi Bədəlbəyli küçəsinədək (Qış parkı) uzadılması təmin ediləcək və marşrutda xidmət göstərən avtobusların sayını sərnişin axınına uyğun olaraq 23-dən 33-ə qədər artırılacaq.M.Ağayev qeyd edib ki, fevralın 11-də 7 nömrəli müntəzəm sərnişindaşıma marşrut xəttinin dayandırılması ilə bağlı Bakı Nəqliyyat Agentliyinə, o cümlədən “141” Çağrı Mərkəzinə 18 nömrəli marşrut xəttinin Azərbaycan prospektindən Şəmsi Bədəlbəyli küçəsinədək (Qış parkı) uzadılması ilə bağlı çoxsaylı müraciətlər daxil olub. Bakı Nəqliyyat Agentliyi bununla bağlı apardığı monitorinq və təhlillər nəticəsində 18 nömrəli müntəzəm marşrutun hərəkət sxemində dəyişiklik edilməsini və əvvəllər fəaliyyət göstərmiş 7 nömrəli marşrutun hərəkət sxeminə uyğunlaşdırılmasını məqsədəuyğun hesab edib.xeber100.com

“Bakı Metropoliteni” ilə “Thales” şirkəti arasında imzalanan müqaviləyə əsasən…

Fransanın “Thales” şirkəti Bakı metropiliteninin “Nərimanov” deposuna baxış keçirib.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, “Bakı Metropoliteni” QSC ilə Fransanın “Thales” şirkəti arasında imzalanan müqaviləyə əsasən əməkdaşlıq yeni istiqamətlərdə genişləndirilir. Müqaviləyə görə, yeni xətlərin idarə edilməsi sistemlərini quraşdıracaq şirkət “Nərimanov” elektrik deposunda qatar hərəkəti sistemlərinin müasirləşdirilməsində də iştirak edəcək. Bununla əlaqədar şirkətin nümayəndələri - Tomas Lannuzel, Pedro Madureyra Nunyes, Sedrik Lua “Bakı Metropoliteni” QSC-yə ezam olunub.N.Paşayevin sözlərinə görə, səfər çərçivəsində yenidən qurulması nəzərdə tutulan “Nərimanov” elektrik deposunun işarəvermə və rabitə sistemlərinin, qatar hərəkətinin idarə olunması sistemləri və avadanlıqlarının müasir tələblər səviyyəsinə çatdırılması, o cümlədən yoldəyişdirici qurğuların, yeni nəsil işıqforların quraşdırılmasında buna qədər yaranan suallar yerində araşdırılıb və təkliflərin müzakirəsi aparılıb. “Thales”in nümayəndələri, həmçinin “Nərimanov” elektrik deposunda inşası davam edən qatarların əsaslı təmiri sahəsi və qatarların sınaq yolu ilə yaxından tanış olublar.xeber100.com

Elektrik qatarlarının hərəkət cədvəlində dəyişiklik ediləcək

Dəmir yollarının Biləcəri-Keşlə mənzilinin yolunda aparılan təmir işləri ilə əlaqədar olaraq, iyunun 11-dən 25-dək on dörd gün müddətində Bakı-Sumqayıt-Bakı elektrik qatarlarının hərəkət cədvəlində dəyişiklik ediləcək.“Azərbaycan Dəmir Yolları” QSC-nin mətbuat xidmətindən Azərtac-a bildirilib ki, hər şənbə, bazar və bayram günləri Sumqayıtdan saat 7.00-da, Bakıdan isə saat 8.15-də yola düşən 6002/6001, Sumqayıtdan saat 7.20-də, Bakıdan isə saat 9.00-da yola düşən 6004/6003 nömrəli elektrik qatarları hərəkətdə olmayacaq.Bakı-Sumqayıt-Bakı marşrutu ilə hərəkət edən elektrik qatarlarının hərəkət cədvəlində dəyişikliklər olduqca KİV vasitəsilə vətəndaşlara məlumat veriləcək.xeber100.com

Azərsu” ASC-nin məlumatına görə…

Meksikada Azərbaycanın iştirakı ilə qlobal miqyasda su ilə bağlı aktual məsələlər müzakirə olunub“.Azərsu” ASC-nin mətbuat xidmətindən Azərtac-a bildirilib ki, müzakirələr Meksika Birləşmiş Ştatlarının Kankun şəhərində 16-cı Dünya Su Konqresində (WWC) aparılıb. Konqresdə iştirak etmək üçün “Azərsu” ASC-nin sədri Qorxmaz Hüseynovun rəhbərlik etdiyi nümayəndə heyəti Meksikada işgüzar səfərdə olub.16-cı Dünya Su Konqresi “Azərsu” ASC-nin də üzvü olduğu Beynəlxalq Su Resursları Assosiasiyası tərəfindən təşkil olunub. Tədbirdə dünyanın 100-dən çox ölkəni təmsil edən dövlət və özəl sektorun nümayəndələri, beynəlxalq və regional təşkilatların rəhbər şəxsləri iştirak edib. Konqresdə suyun inteqrasiyalı idarə edilməsi, bu sahədə innovasiyalar və təcrübələr, su sektorunda informasiya mübadiləsi, qlobal miqyasda su ilə bağlı aktual məsələlər müzakirə olunub.Konqresin keçirildiyi günlərdə “Azərsu” ASC-nin sədri Qorxmaz Hüseynov Beynəlxalq Su Resursları Assosiasiyasının prezidenti Patrik Lavarde, Dünya Su Şurasının prezidenti Benedito Braqa, Şuranın icraçı direktoru Tom Su, UNESCO-nun Su və ətraf mühit bölməsinin rəhbəri xanım Blanka Jimenos və digər rəsmi şəxslərlə görüşlər keçirib. Görüşlərdə su sektoru ilə bağlı qarşılıqlı maraq kəsb edən aktual mövzular ətrafında fikir mübadilələri aparılıb.Konqresin yekununda elm və siyasətin əlaqələndirilməsini özündə ehtiva edən Kankun bəyannaməsi qəbul olunub.Təqdirəlayiq haldır ki, son illərdə Azərbaycan dövlətinin su sektoruna verdiyi diqqət və dəstəyi, bu sahənin dinamik inkişafını, 2017-ci ilin martında keçirilmiş 1-ci Bakı Beynəlxalq Su Həftəsini və digər göstəriciləri yüksək qiymətləndirən Beynəlxalq Su Resursları Assosiasiyası 2021-ci ildə 18-ci Dünya Su Konqresinin Bakıda keçirilməsi təşəbbüsünə müsbət yanaşıb.xeber100.com

Nyu-Yorkun “NYMEX” birjasında neftin qiyməti…

Neftin qiyməti son 1 ayın ən aşağı səviyyəsinə düşüb. Bu, “qara qızıl”ın qiymətinin mayın 8-dən indiyədək minimum göstəricisidir.Azərtac xəbər verir ki, hazırda “Brent” markalı neftin bir barreli Londonun “ICE” birjasında 48,82 dollara, “Layt” neftinin bir barreli isə Nyu-Yorkun “NYMEX” birjasında 46,09 dollara alıcı axtarır.Neftin qiymətinin ucuzlaşmasına səbəb isə ABŞ-da xam neft ehtiyatlarının gözlənilməz şəkildə artım göstərməsidir. Bundan başqa, investorlar Qətər və bəzi ərəb ölkələri arasındakı böhranın Neft İxrac edən Ölkələr Təşkilatına (OPEC) üzv və qeyri-OPEC ölkələri arasında neft hasilatının azaldılmasına dair sazişə mənfi təsir edəcəyindən narahatdırlar.xeber100.com