“AzəriLayt” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,16 dollar ucuzlaşaraq 47,24 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar azalaraq 49,31 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,89 dollar ucuzlaşaraq 49,63 dollar təşkil edib.xeber100.com

Dəniz Təhlükəsizliyi Komitəsinin 98–ci sessiyası keçiriləcək

İyunun 7-16-da Beynəlxalq Dəniz Təşkilatının (BDT) Böyük Britaniyanın paytaxtı London şəhərində yerləşən baş qərargahında Təşkilatın Dəniz Təhlükəsizliyi Komitəsinin 98–ci sessiyası keçiriləcək. 1995–ci ildən Azərbaycan Respublikasının üzv olduğu adıçəkilən Beynəlxalq Təşkilatın sessiyasında Azərbaycanı Dövlət Dəniz Administrasiyasının rəisi Qüdrət Qurbanovun rəhbərlik etdiyi nümayəndə heyəti təmsil edəcək.Dəniz Administrasiyasının mətbuat xidmətindən Azərtac-a bildirilib ki, keçiriləcək sessiyanın gündəliyində etimadnamələr haqqında məruzə, Beynəlxalq Dəniz Təşkilatının digər üzvlərinin qərarları, əsas sənədlərə dair düzəlişlərin qəbulu və nəzərdən keçirilməsi, BDT–nin sənədlərinin erkən tətbiqi, dənizdə təhlükəsizliyin artırılmasına dair tədbirlər, yeni gəmilərin inşa edilməsinə dair standartlar, yük və konteynerlərin daşınması, çirklənmənin qarşısının alınması və cavab tədbirləri, insan amili, təlim və növbəçəkmə, gəmi dizaynı və konstruksiyası, naviqasiya, kommunikasiya, axtarış və xilasetmə, gəmi sistemləri və avadanlıqları, yeni tədbirlərin tətbiq edilməsi üçün potensial imkanların yaradılması, dəniz üzgüçülüyünün təhlükəsizliyinin qiymətləndirilməsi, gəmilərə edilən silahlı basqın və dəniz quldurluğu, qeyri-qanuni miqrasiya, BDT alətlərinin implementasiyası, beynəlxalq təşkilatlarla əlaqələr və digər mühüm məsələlərin müzakirəsi nəzərdə tutulub.xeber100.com

Manatın ortaçəkili məzənnəsi 1,7022 səviyyəsində formalaşıb

İyunun 6-da Mərkəzi Bankda Dövlət Neft Fondunun da iştirakı ilə hərrac keçirilib.Mərkəz Bankdan Azərtac-a bildiriblər ki, hərracda manatın ortaçəkili məzənnəsi 1,7022 səviyyəsində formalaşıb.xeber100.com

“Rabitə və Kontent. Qafqaz 2017” beynəlxalq forumu keçiriləcək

İyunun 19-dan 23-dək Gürcüstanın Borjomi şəhərində “Rabitə və Kontent. Qafqaz 2017” beynəlxalq forumu keçiriləcək. Forum konvergensiya nəticəsində bir çox ümumi müzakirə mövzuları olan telekommunikasiya və media sahələrinə həsr ediləcək.İnformasiya Mərkəzindən Azərtac-a bildirilib ki, həmin beynəlxalq tədbirdə Azərbaycandan dövlət və aidiyyəti sahə təşkilatlarının, telekanalların, informasiya texnologiyaları şirkətlərinin və mobil rabitə daxil olmaqla telekommunikasiya operatorlarının nümayəndələrinin iştirakı gözlənilir.Forum zamanı biznes və sahə konvergensiyası, Qafqaz ölkələri, Mərkəzi və Şərqi Avropa və Qazaxıstanda həmin sahənin inkişafının hazırkı vəziyyəti və perspektivləri, həmçinin hökumət, sahə assosiasiyaları və biznesin qarşılıqlı əlaqələri müzakirə ediləcək. Ən böyük marağa səbəb olacaq mövzulardan biri də yeni xidmət və texnologiyaların praktiki tətbiqinə həsr ediləcək ki, onların da araşdırılması üçün telekom sənayesi liderlərinin müvafiq “biznes-keysləri” təqdim olunacaq. Həmçinin forum zamanı operator və mediaqrup/telekanalların münasibətləri də müzakirə olunacaq.xeber100.com

“Azərbaycan Dəmir Yolları” QSC-nin məlumatına görə…

Azərbaycan, Gürcüstan və İranın dəmir yolları Fars körfəzi regionundan və Hindistandan yüklərin Avropaya və əks istiqamətdə daşınması işlərini koordinasiya etmək üçün işçi qrupu yaradacaq.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, bununla bağlı Gürcüstanın paytaxtı Tbilisi şəhərində “Azərbaycan Dəmir Yolları” QSC-nin sədri Cavid Qurbanov, “Gürcüstan Dəmir Yolu” SC-nin sədri Mamuka Baxtadze və İran Dəmir Yolunun baş direktoru Səid Məhəmmədzadə arasında üçtərəfli görüş zamanı qərar qəbul edilib.Görüşdə yüklərin (konteyner daşımaları) Fars körfəzi regionundan və Hindistandan (Azərbaycan və Gürcüstandan keçməklə) Avropaya və əks istiqamətdə quru yolla daşımalarının təşkili, Fars körfəzi regionundan və Hindistandan (Azərbaycan və Gürcüstandan keçməklə) Avropaya və əks istiqamətdə Azərbaycan və İran limanlarının vasitəsilə yük daşımalarının (konteyner daşımaları) təşkili, tərəflərin dəmir yollarında yük vaqonlarının təkər arabacıqlarının dəyişdirilərək (1520 millimetr standartlı izdən 1435 millimetr standartlı izə və əksinə keçirilərək) hərəkəti məsələləri müzakirə olunub.xeber100.com

“Bakı Metropoliteni” QSC-nin məlumatı

“Neftçilər” metro stansiyasının vestibüllərində təmir işlərinə başlanılıb.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, 1972-ci ildə istismara verilmiş stansiyanın hər iki vestibülündə döşəmə və divar örtüyü uzun müddət istismar edildiyindən onların dəyişdirilməsi zərurəti yaranıb. Yeniləşmə tədbirləri çərçivəsində vestibüllərdə elektrik və rabitə xətləri də dəyişdiriləcək, sanitar qovşaqlarda təmir-bərpa işləri yerinə yetiriləcək.N.Paşayevin sözlərinə görə, sərnişinlərin hərəkətini məhdudlaşdırmamaq məqsədilə təmir mərhələli şəkildə aparılacaq. Müvafiq iş şəraitini yaratmaq, həmçinin sərnişinlərin təhlükəsiz hərəkətini təmin etmək məqsədilə təmir sahələri çəpərlənəcək. Yeniləşmə tədbirlərinin iki ay ərzində başa çatdırılması nəzərdə tutulur.Qeyd edək ki, 2016-cı ildə stansiyanın keçidləri təmir edilərək, döşəmə və divar örtüyü yenilənib, keçid divarlarında stansiyanın adına uyğun mozaik pannolar vurulub.xeber100.com

Nyu-Yorkun NYMEX birjasında neftin qiyməti…

Dünya birjalarında neftin qiyməti yenidən bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,58 dollar bahalaşaraq 48,24 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,60 dollar artaraq 50,55 dollar olub.xeber100.com

Bakı Fond Birjasında hərrac keçiriləcək

İyunun 7-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, hərraca çıxarılan notların həcmi 50 milyon manat, bir notun nominal dəyəri 100 manat, tədavül müddəti 28 gündür. Notlar iyulun 5-də ödəniləcək.Mərkəzi Bank qısamüddətli notların buraxılışı, yerləşdirilməsi və tədavülü haqqında qaydalara əsasən, hərraclarda bank lisenziyasına malik olan hüquqi şəxslər iştirak edə bilər. Banklar birjada BFB-nin üzvü olan investisiya şirkətləri vasitəsilə qatıla bilər. Dəyişikliyə əsasən, hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) artıq olmamalıdır.Hərrac zamanı notların buraxılışının 20 faizdən artıq olmamaq şərtilə qeyri-rəqabətli sifarişlərin qəbul edilməsinə icazə verilir.xeber100.com

Beynəlxalq İqtisadi Forum çərçivəsində…

Neftin qiymətləri yaxın beş ildə bir barrel üçün 50-60 dollar civarında qalacaq.Azərtac xəbər verir ki, bunu BP-nin başçısı Robert Dadli Peterburq Beynəlxalq İqtisadi Forumu çərçivəsində TASS agentliyinə müsahibəsində bəyan edib.R.Dadli deyib: “Əlbəttə, qısa zaman ərzində qiymətlərdə azalma və çoxalma ola bilər. Amma indiki məqamda, əgər tələb və təklif barədə soruşursunuzsa, mən deyərdim ki, 50-60 dollardır. Mən yaxın beş ildə 100 dollar görəcəyimizi (bir barrel üçün –red.) düşünmürəm və düşünmürəm ki, 20 dollar görəcəyik. Düşünürəm ki, 50-60 dollar civarında qiymət həm istehlakçılar, həm də hasilatçılar üçün yaxşıdır. Yaxın beş ildə 50-60 dollar arasında qiymət BP-yə əl verir. Zənnimcə, bu, bütün dünya üçün ən sağlam qiymətdir”.R.Dadli BP-nin Vyana sazişini imzalamış ölkələrdəki layihələrində hasilatın azalması ilə bağlı suala cavab verərək deyib: “Bir qədər azaldıblar və bu da təbiidir. Məsələn, biz hasilatı azaldan “Rosneft”in səhmdarıyıq. Azərbaycanda, Yaxın Şərq ölkələrində, məsələn, Birləşmiş Ərəb Əmirliklərində hasilatı azaldırıq. Ehtimal ki, İraqda da azaldacayıq. Əlbəttə, azalma bizə təsir edir, amma o cüzidir. Bundan əlavə, neftin qiymətləri hazırda sazişə qədər olduğundan yüksəkdir. Bu da hasilatın azalmasını kompensasiya edir”.xeber100.com

Mərkəzi Bank depozit hərracı keçirəcək

İyunun 5-də Mərkəzi Bank tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 200 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 12,01-14,99 faiz təşkil edir.xeber100.com