Azərbaycan və Rusiya arasında ticarət dövriyyəsi artacaq

2016-cı ildə Azərbaycan və Rusiya arasında ticarət dövriyyəsi 2 milyard dollar olub.Azərtac xəbər verir ki, bunu aprelin 13- də Bakıda "Qazprombank" SC–nin iştirakı ilə keçirilən Biznes-missiyada Rusiya Federasiyasının Azərbaycandakı ticarət nümayəndəsi Eldar Tlyabiçev bildirib.Onun sözlərinə görə, 2014 və 2015-ci illərlə müqayisədə ötən il iki ölkə arasındakı ticarət dövriyyəsində azalma müşahidə edilib. Hazırda ölkələrimizin iqtisadiyyatı yeni reallıqlara uyğunlaşır. Xüsusilə də investisiya sahəsində canlanma var. “Biz iqtisadiyyatın şaxələndirilməsində və xammaldan asılılığın azaldılmasında maraqlıyıq. Əminəm ki, görülən tədbirlərin nəticəsi olaraq Azərbaycan və Rusiya arasında ticarət dövriyyəsi artacaq", - deyə Eldar Tlyabiçev vurğulayıb.xeber100

“Azəriqaz” İstehsalat Birliyinin məlumatı

Ölkə üzrə təbii qazla təmin olunan abonentlərin sayı 2 milyon 36 min 14-ə çatıb.Bu barədə Azərtac-a “Azəriqaz” İstehsalat Birliyinin (İB) ictimaiyyətlə əlaqələr şöbəsindən məlumat verilib. Bildirilib ki, İB istehlakçıların fasiləsiz və keyfiyyətli təbii qazla təmin olunması, yaşayış məntəqələrinin qazlaşdırılması istiqamətində fəaliyyətini cari ildə də davam etdirir. Yanvar-mart ayları ərzində İB-də əhali sektoru üzrə 27 min 554 yeni abonent qeydiyyata alınıb ki, bunun da 12 min 570-i Bakı, Abşeron və Sumqayıtın, 14 min 984-ü isə regionların payına düşür.Aprelin 1-nə olan məlumata görə, qeyri-əhali sektoru üzrə 422 məscid və dini məbədə təbii qazdan istifadə üçün limit ayrılıb.xeber100.com

IV Beynəlxalq “Caspian Energy Forum–2017” keçirilir

Aprelin 12-də Bakıda IV Beynəlxalq “Caspian Energy Forum–2017” keçirilir. Forum Azərbaycan Respublikası Hökumətinin və Caspian European Club-un (Caspian Business Club) dəstəyi ilə təşkil edilib.Azərtac xəbər verir ki, “Caspian European Club” və "Caspian American Club"un sədrinin birinci müavini və baş icraçı direktoru Telman Əliyev tədbirin keçirilməsində əsas məqsədin biznes-dövlət ünsiyyətinin daha da möhkəmləndirilməsinə dəstək olduğunu deyib. “Bundan əvvəlki üç forum da Bakıda təşkil olunmuşdu. Belə forumlar dünyanın 50 ölkəsində keçiriləcək. Ümid edirik ki, bu forum da uğurlu olacaq”, - deyə T.Əliyev bildirib.Forumun açılış mərasimində Avropa Komissiyasının enerji birliyi üzrə vitse-prezidenti Maroş Şefçoviçin və Xorvatiya Respublikasının Prezidenti Kolinda Qrabar-Kitaroviçin IV Beynəlxalq “Caspian Energy Forum -2017”nin iştirakçılarına videomüraciətləri səsləndirilib.Sonra forum öz işini sessiyalarla davam etdirib.xeber100.com  

“AzəriLayt” markalı neftin qiyməti 0,23 dollar ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,13 dollar bahalaşaraq 53,53 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar artaraq 56,39 dollar olub.Azərtac xəbər verir ki, “AzəriLayt” markalı neftin bir barrelinin qiyməti 0,23 dollar ucuzlaşaraq 55,93 dollar təşkil edib.xeber100.com

Enerji İnformasiya Administrasiyasının neftin qiyməti üzrə proqnozu…

ABŞ-ın Enerji İnformasiya Administrasiyası (EIA) bu il və 2018-ci il üçün neftin qiyməti üzrə proqnozunu dəyişib.Azərtac xəbər verir ki, bu barədə administrasiyanın aylıq hesabatında bildirilir. EIA bu il “Brent” markalı xam neftin orta qiymətinin 54 dollar/barrel, “Layt” markalı neftin orta qiymətinin isə 52 dollar/barrel olacağını nəzərdə tutur. Administrasiya keçən ay yayımladığı hesabatda "Brent" və "Layt" neftinin bir barrelinin orta qiymətinin müvafiq olaraq 55 və 54 dollar olacağını proqnozlaşdırırdı.EIA neftin qiyməti üzrə proqnozunu gələn il üçün də dəyişib. Belə ki, administrasiya “Layt” markalı xam neftin bir barrelinin orta qiyməti üzrə proqnozunu 56 dollardan 55 dollara endirib, “Brent” markalı xam neftin bir barrelinin orta qiyməti üzrə proqnozunu isə dəyişməyərək 57 dollarda saxlayıb.xeber100.com

Energetika Nazirliyinin görəcəyi işlər müzakirə olunub

Strateji Yol Xəritələri üzrə Energetika Nazirliyinin görəcəyi işlər müzakirə olunub.Nazirlikdən Azərtac-a bildirilib ki, müzakirələr “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi” və “Azərbaycan Respublikasında ağır sənaye və maşınqayırmanın inkişafına dair Strateji Yol Xəritəsi”nə aid tədbirlər planı çərçivəsində Energetika Nazirliyinin yerinə yetirəcəyi vəzifələr üzrə yaradılan işçi qrupunun iclasında aparılıb. İclasda kommunal xidmətlərin inkişafına dair Strateji Yol Xəritəsinin 4 strateji hədəfini, 10 prioritet istiqamətini əhatə edən 20 tədbirin, eləcə də ağır sənaye və maşınqayırmanın inkişafına dair Strateji Yol Xəritəsi üzrə bir tədbirin əsas icraçısı kimi Energetika Nazirliyinin əlaqələndiriciliyi ilə bu il görüləcək işlər müzakirə edilib.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,07 dollar ucuzlaşaraq 53,01 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,04 dollar azalaraq 55,94 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,85 dollar bahalaşaraq 56,16 dollar təşkil edib.xeber100.com

“Azəravtoyol” ASC-nin məlumatına görə…

Bakı şəhərində iki ərazidə nəqliyyatın hərəkəti qismən məhdudlaşdırılır.“Azəravtoyol” ASC-nin mətbuat xidmətindən Azərtac-a bildirilib ki, ASC tərəfindən Bakı şəhərində avtonəqliyyat vasitələrinin hərəkətinin tənzimlənməsi məqsədilə, piyada keçidlərinin, yol-cizgi və yolgöstərici xətlərin yenidən rənglənməsi işləri davam etdirilir.Analoji işlər bu gün axşam 22:00-dən Heydər Əliyev prospektinin “Böyük Şor” yol qovşağından şəhər mərkəzinə doğru olan istiqamət üzrə köməkçi yolda aparılacaq. Rəngləmə işləri səhər saatlarınadək başa çatdırılacaq.Bu müddət ərzində prospektin köməkçi yolu ilə avtonəqliyyat vasitələrinin hərəkəti tam məhdudlaşdırılaraq əsas yola yönəldiləcək.Bundan başqa sabah səhər saatlarından etibarən Binəqədi rayonu İbrahimpaşa Dadaşov küçəsində isə təmir işləri ilə əlaqədar olaraq 2 gün ərzində hərəkət qismən məhdudlaşdırılacaq.Məhdudlaşdırma küçədə təmir işlərin aparıldığı hissələr üzrə tətbiq ediləcək.“Azəravtoyol” ASC sürücülərdən sözügedən ərazilərdə diqqətli olmalarını və sıxlığın yaranmaması üçün alternativ yollardan istifadə etməyi tövsiyə edir.xeber100.com

Neft Fondunun iştirakı ilə hərrac keçirilib

Aprelin 11-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın orta çəkili məzənnəsi 1,7029 səviyyəsində formalaşıb.xeber100.com

Dünya birjalarında neftin qiyməti…

Dünya birjalarında neftin qiyməti bahalaşmaqda davam edir.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,26 dollar bahalaşaraq 52,50 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,23 dollar artaraq 55,47 dollar olub.xeber100.com