“Azəriqaz” İstehsalat Birliyinin məlumatına görə…

Bu ilin fevral ayı ərzində SOCAR-ın “Azəriqaz” İstehsalat Birliyində əhali sektoru üzrə 8 min 951 yeni abonent qeydiyyata alınıb ki, bunun da 3 min 610-u Bakı, Abşeron və Sumqayıt, 5 min 341-i isə regionlar üzrədir.“Azəriqaz”ın ictimaiyyətlə əlaqələr şöbəsindən Azərtac-a bildirilib ki, bununla da ölkə üzrə təbii qazla təmin olunan abonentlərin sayı 2 milyon 27 min 995-ə çatıb.Fevralın 1-nə olan məlumata görə, qeyri-əhali sektoru üzrə 416 məscid və dini məbədə təbii qazdan pulsuz istifadə üçün limit ayrılıb.xeber100.com

“Energy Aspects”nin məlumatı

Neftin bir barrelinin qiyməti bu ilin sonunadək 60 dollaradək bahalaşacaq.Azərtac “CNBC”yə istinadla xəbər verir ki, Neft İxrac edən Ölkələr Təşkilatına (OPEC) üzv olan və kartelə daxil olmayan ölkələr neft hasilatının azaldılmasını nəzərdə tutan sazişin müddətini uzadarlarsa xam neftin bir barrelinin qiyməti bu ilin sonuna qədər 60 dollara yüksələcək.“Energy Aspects” analitiki Riçard Mallinson isə deyib ki, son günlərdə “Layt” markalı neftin bir barrelinin qiymətinin ucuzlaşmasına baxmayaraq qiymətlərdə yenidən tarazlıq olacaq. Bu ucuzlaşma neftin qiymətindəki əsas balansı pozmayıb.xeber100.com

Bakı Fond Birjasında növbəti hərrac keçirilib

Martın 10-da Bakı Fond Birjasında (BFB) “Azərbaycan İpoteka Fondu” ASC-nin faizli, adlı, sənədsiz, təmin edilmiş ipoteka istiqrazlarının yeni buraxılışının yerləşdirilməsi üzrə növbəti hərrac keçirilib.BFB-dən Azərtac-a bildiriblər ki, hərraca çıxarılan istiqrazların (ISIN nömrəsi AZ2011008681) nominal qiymətlə həcmi 20 milyon manat təşkil edib. Hərrac zamanı sifarişlərin qəbulu Bakı Fond Birjasının ticarət reqlamentinə əsasən saat 11:00-dan 12:30-dək həyata keçirilib.İstiqrazların buraxılış şərtlərinə əsasən, hərrac qiyməti 1003.5000 manat təyin edilib. İstiqrazlar üzrə toplanmış tələbin həcmi nominal qiymətlə 20 milyon manat təşkil edib. Hərraca çıxarılmış istiqrazlar tam həcmdə yerləşdirilib.Yerləşdirmənin anderrayteri qismində birja üzvü “Paşa Kapital” İnvestisiya Şirkəti QSC çıxış edir. İstiqrazlar 2026-cı il dekabrın 6-da ödəniləcək.xeber100.com

Ukrayna-Azərbaycan biznes-forumunda müzakirə

Azərbaycan nümayəndə heyətinin Kiyevə səfəri çərçivəsində martın 13-də keçiriləcək Ukrayna-Azərbaycan biznes-forumunda birgə müəssisələrin yaradılması məsələləri müzakirə ediləcək. Biznes-forumun işində iştirak etmək üçün Ukraynaya Azərbaycanın iqtisadiyyat naziri Şahin Mustafayevin rəhbərliyi ilə nümayəndə heyəti gedəcək. Ukraynanın Baş naziri Vladimir Qroysmanın tapşırığına əsasən bu ölkənin Ticarət və Sənaye Palatası biznes-forumun keçirilməsinə hazırlıq işləri aparır.Azərtac Ukraynanın Ticarət və Sənaye Palatasının saytına istinadla xəbər verir ki, forumun mövzuları sırasında qarşılıqlı səmərəli əməkdaşlığın vəziyyəti və perspektivləri də yer alıb. Əsas diqqət aqrar sektor, qida sənayesi, tikinti sahəsi və turizm istiqamətlərində cəmlənəcək.xeber100.com

Dünya birjalarında neftin qiyməti…

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,79 dollar ucuzlaşaraq 48,49 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,82 dollar azalaraq 51,37 dollar olub.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,09 dollar ucuzlaşaraq 52,98 dollar təşkil edib.xeber100.com

“Odessa-Kremençuq” neft kəməri işə salınıb

“Ukrtatnafta” və “Ukrtransnafta” Kremençuq neft emalı zavoduna Azərbaycan neftinin daxil olması üçün “Odessa-Kremençuq” neft kəmərini işə salıb.Azərtac “Ukrtatnafta”nın mətbuat xidmətinə istinadla xəbər verir ki, şirkət “Odessa-Kremençuq” boru kəməri ilə Azərbaycan neftinin ilk partiyasını qəbul edib. Məlumatda deyilir: “Ukrtatnafta” martın 10-da “Odessa-Kremençuq” boru kəməri ilə Azərbaycan neftinin ilk partiyasını alıb. Ümumiyyətlə, “Ukrtatnafta” “Azeri Light” markalı nefti ötən ilin dekabrından emal edir. Amma indiyədək neft zavoda dəmir yolu nəqliyyatı ilə daşınırdı. “Odessa-Kremençuq” boru kəmərinin bu qolu bir neçə il işləməyib, amma neft təchizatının şaxələndirilməsi sayəsində yenidən işə salınıb”.Bildirilir ki, Ukraynaya xam neftin idxalının şaxələndirilməsi bu ölkənin neft emalı zavodlarının birbaşa təchizatı ilə bağlı Azərbaycan ilə dövlətlərarası razılaşmalar sayəsində mümkün olub.xeber100.com

İxracın və İnvestisiyaların Təşviqi Fondunun məlumatı

Martın 27-də Ukraynanın paytaxtı Kiyev şəhərində GUAM (Demokratiya və İqtisadi İnkişaf naminə Təşkilat) biznes-forumu keçiriləcək.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, tədbir GUAM üzvü olan ölkələrin hökumət başçılarının görüşü çərçivəsində təşkil olunacaq. Azərbaycanda fəaliyyət göstərən işgüzar dairələr tədbirdə iştiraka dəvət olunur.xeber100.com

İstiqrazların yerləşdirilməsi üzrə hərrac keçiriləcək

Martın 14-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, istiqrazların ümumi həcmi 25 milyon manat, bir istiqrazın nominal dəyəri 100 manat, tədavül müddəti 364 gün, ödəmə tarixi 2018-ci il martın 13-dür. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.xeber100.com

Ümumdünya Ticarət Təşkilatı ilə saziş imzalanacaq

Azərbaycan bir çox beynəlxalq qanunlara və konvensiyalara qoşulub. Eyni zamanda, bəzi təşkilatlarla, o cümlədən Ümumdünya Ticarət Təşkilatı ilə müvafiq saziş imzalamağa hazırlaşır.Azərtac xəbər verir ki, bu sözləri martın 10-da Azərbaycanda Amerika Ticarət Palatasının (AmCham) və Vergilər Nazirliyinin birgə təşkil etdiyi "Şəffaflığa doğru birlikdə" mövzusunda keçirilən konfransda vergilər naziri Fazil Məmmədov deyib.Nazir qeyd edib ki, Ümumdünya Ticarət Təşkilatının tələbinə görə, idxal olunan məhsullarla yerli məhsullar arasında vergi dərəcələrinin fərqli olması, yəni, dempinqin tətbiqi düzgün deyil. Çünki, bazar hamı üçün birdir.F.Məmmədov elektron ticarətə vergi tətbiq edilməsinin də zəruri olduğunu söyləyib. Bildirib ki, idxal bir yolla olmalıdır. Amma artıq elektron ticarət adi idxalı üstələyir. Ona görə də elektron ticarət nəzarətə götürülməli və bazarda tam rəqabət yaradılmalıdır. Odur ki, bu sahəyə verginin tətbiqi qanunauyğundur.xeber100.com