Bakı–Tbilisi–Ceyhan əsas ixrac neft boru kəməri (BTC) ilə ötən il Türkiyə üzərindən 253 milyon 976 min barrel xam neft göndərilib.Azərtac xəbər verir ki, bu barədə Türkiyənin “Botaş” şirkətinin məlumatında deyilir. Türkiyədən keçən dörd fərqli boru kəməri ilə 2016-cı ildə ümumilikdə 498 milyon 864 min barrel xam neft dünya bazarına göndərilib. Bu həcmin 50,9 faizi Bakı-Tbilisi-Ceyhan kəməri ilə daşınıb.Qeyd edək ki, BTC-nin illik xam neft daşıma gücü 366,5 milyon barrel (50 milyon ton) səviyyəsindədir. 1768 kilometr uzunluğa malik BTC boru kəməri 2006-cı ilin iyunundan istismardadır.“BTC Ko.”nun səhmdarları belədir: BP (30,10 faiz), “AzBTC” (25,00 faiz), “Chevron” (8,90 faiz), “Statoil” (8,71 faiz), TPAO (6,53 faiz), “ENI” (5,00 faiz), “Total” (5,00 faiz), “Itochu” (3,40 faiz), “Inpex” (2,50 faiz), “CIECO” (2,50 faiz) və “ONGC (BTC) Limited” (2,36 faiz) şirkətləridir.xeber100.com
