“Trans-Adriatik”qaz boru kəməri layihəsinin dəyəri 4,5 milyard avro olacaq

Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri layihəsinin ümumi dəyəri 4,5 milyard avro olacaq.Bu barədə Anadolua agentliyinə müsahibəsində TAP-ın icraçı direktoru Yan Bradşou deyib. Bildirib ki, buraya 2009-cu ildən bəri davam edən dizayn və mühəndislik işləri də daxil edilib.“Şahdəniz” konsorsiumu ilk qaz satışını 2018-ci ilin sonunda Türkiyəyə və Gürcüstana həyata keçirəcək. Avropaya ilk qazın verilməsi isə bundan təxminən 1 il sonra, 2020-ci ilin əvvəllərində planlaşdırılır. Bu ilin ilk rübündə layihə üzrə kompressor stansiyalarının tikintisinə də başlanılacaq. Boru kəmərinin dəniz hissəsi isə 2018-2019-cu illərdə inşa ediləcək”, - deyə Yan Bradşou əlavə edib .TAP-ın icraçı direktoru deyib ki, Avropa Yenidənqurma və İnkişaf Bankı, eləcə də Avropa İnvestisiya Bankından TAP-a avadanlıq və xidmətlərin tədarükü məsələsində maliyyə vəsaiti cəlb oluna bilər.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,54 dollar ucuzlaşaraq 52,63 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,29 dollar azalaraq 55,23 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,01 dollar bahalaşaraq 55,82 dollar təşkil edib.xeber100.com

“Bakı Metropoliteni” QSC-nin məlumatına görə…

“Bakı Metropoliteni” QSC-nin yaradılmasından sonra qatarların təmiri ən yüksək standartlar səviyyəsinə çatdırılıb. Əsaslı təmir üçün ölkə daxilində müvafiq zavod şəraiti olmadığından, 2013-2015-ci illərdə 5 qatar Moskva Elektrik Qatarlarının Təmiri Zavodunun Tbilisi filialında əsaslı təmir edilib.“Bakı Metropoliteni QSC-nin mətbuat xidmətindən Azərtac-a bildirilib ki, işin əhəmiyyətini nəzərə alaraq, “Bakı Metropoliteni” QSC-nin rəhbərliyi metropoliten tarixində ilk dəfə qatarların əsaslı təmirinin və modernləşdirilməsinin yerli şəraitdə təşkili ilə bağlı ciddi addımlar atıb.2014-cü ildə başlanan işlərin birinci mərhələsində 10 vaqon yerli şəraitdə qum şırnağı ilə korroziyadan təmizlənərək rənglənib. Əldə olunan səmərə və keyfiyyət sahənin inkişafına zəmin yaradıb. 2015-ci ildə vaqon salonunun yenilənməsinə, o cümlədən döşəmə örtüyünün, daxili plastik təbəqənin, qapı rezinlərinin dəyişdirilməsinə və havalandırma xəttinin təmizlənməsinə başlanılıb. Nəhayət, işlərin üçüncü mərhələsindən vaqonların elektrik xətləri və işıqlanma şəbəkəsi də yeniləşmə tədbirlərinə daxil edilib.xeber100.com

Dünya Turizm Təşkilatının məlumatı

BMT-nin baş katibi Antonio Quterreş “Beynəlxalq davamlı turizm ili”ndə ictimaiyyətə müraciət edib.Azərtac Dünya Turizm Təşkilatının saytına istinadla xəbər verir ki, müraciətdə turizmin iqtisadiyyatın sütunlarından birinə çevrilməsi, milyonlarla insanın həyatını yaxşılığa doğru dəyişmək iqtidarında olması bildirilir. Diqqətə çatdırılır ki, hər gün üç milyondan çox turist beynəlxalq sərhədləri keçir, hər il isə təxminən 1,2 milyard insan xarici ölkələrə gedir. 2030-cu ilədək Dayanıqlı İnkişaf Məqsədlərinin Gündəliyində yer alan 17 maddədən üçü turizmlə bağlıdır. Lakin turizm həyatın müxtəlif sahələri ilə əlaqədə olduğu üçün iqtisadiyyatın müxtəlif sektorlarını, sosial-mədəni istiqamətləri əhatə edir və bu baxımdan bütövlükdə Dayanıqlı İnkişaf Məqsədlərinin Gündəliyinə bağlıdır. Turizm, həmçinin cəmiyyətin müxtəlif təbəqələrindən olan insanlar arasında qarşılıqlı anlaşma körpüsüdür.Müraciətdə, həmçinin bildirilir ki, BMT Baş Məclisinin 2017-ci ili dünyada “Beynəlxalq davamlı turizm ili” elan etməsi bu mühüm sektoru xeyirxahlıq gücünə çevirmək üçün əlverişli imkandır. Hamı üçün daha təhlükəsiz, açıq, çiçəklənən və dayanıqlı dünyanın qurulmasında biz turizmi səmərəli və dinamik alətə çevirə bilərik.xeber100.com

“MasterCard” plastik kart sahibləri üçün yeni kampaniya

"AtaBank" ASC-in "MasterCard" plastik kart sahibləri martın 30-dək Azərbaycanın aparıcı otellərində böyük güzəştlər əldə edə bilərlər.Bankdan Azərtac-a bildiriblər ki, kampaniyada iştirak edən "Fairmont Baku", "JW Marriott Absheron Baku", "Boulevard Hotel Baku" və "İntourist" otellərində 25 faizədək endirimlər təqdim edilir. Həmçinin Qəbələdə yerləşən "Chenot Palace" sağlamlıq mərkəzində müalicə proseduralarına 20 faiz, tibbi şöbənin xidmətlərinə isə 10 faiz dəyərində endirimlər də mövcuddur. Otellərin rəsmi internet saytında və ya qeydiyyat masasında "AtaBank" "MasterCard" plastik kartları ilə ödəniş edərək kart sahibləri təqdim edilən imtiyazlardan istifadə edə bilərlər.xeber100.com

Dövlət Statistika Komitəsinin məlumatına görə…

2016-cı ilin dekabr ayında nəqliyyat xidmətlərinin qiymətləri əvvəlki ayla müqayisədə 2,5 faiz, o cümlədən yükdaşıma xidmətlərinin qiymətləri 2,6 faiz, sərnişindaşıma xidmətlərinin qiymətləri isə 2,2 faiz bahalaşıb.Dövlət Statistika Komitəsindən Azərtac-a bildirilib ki, ay ərzində poçt və kuryer xidmətlərinin qiymətləri 0,2 faiz bahalaşıb, rabitə xidmətlərinin qiymətlərində isə əvvəlki ayla müqayisədə dəyişiklik müşahidə olunmayıb.xeber100.com

Dünya birjalarında neftin qiyməti ucuzlaşıb

Dünya birjalarında neftin qiyməti yenidən ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,61 dollar ucuzlaşaraq 53,17 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,72 dollar azalaraq 55,52 dollar olub.xeber100.com

“AzəriLayt” markalı neftin qiyməti…

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 1,10 dollar ucuzlaşaraq 55,81 dollar təşkil edib.xeber100.com

Vergi orqanlarında işə qəbul üzrə müsabiqə elan edilib

Yanvarın 28-də Vergilər Nazirliyi Dövlət İmtahan Mərkəzi ilə birlikdə vergi orqanlarında işə qəbulla bağlı test imtahanı keçirib və ərazi vergi orqanlarında vakant vəzifələrə işə qəbul üzrə növbəti müsabiqə elan edib.Nazirliyin Media və Kommunikasiya Mərkəzindən Azərtac-a bildirilib ki, müsabiqəyə sənəd qəbulu 2017-ci ilin yanvarın 5-dən 18-dək elektron ərizə formasında aparılıb. Müsabiqə elanı KİV-də, o cümlədən Vergilər Nazirliyinin rəsmi internet saytında, habelə “Facebook” və digər sosial səhifələrdə yerləşdirilərək ictimaiyyətə açıq elan edilib.Elanda sənəd qəbulu, müsabiqənin keçirilməsi şərtləri və qaydaları barədə ətraflı məlumat öz əksini tapıb. Test imtahanına namizədlərin daha yaxşı hazırlaşmasına imkan yaratmaq məqsədilə istifadə olunan sualların tərtib edildiyi ədəbiyyat siyahısı nazirliyin internet saytı vasitəsilə namizədlərə çatdırılıb.xeber100.com

Mərkəzi Bankın məlumatına görə…

Yanvarın 26-da Bakı Fond Birjasında Azərbaycan Respublikasının Mərkəzi Bankının 50100453S saylı dövlət qeydiyyatından keçmiş ümumi həcmi – 25 milyon manat, bir notun nominal dəyəri – 100 manat, tədavül müddəti – 28 gün olan qısamüddətli notlarının yerləşdirilməsi üzrə hərrac keçirilib.Mərkəzi Bankdan Azərtac-a bildiriblər ki, hərrac zamanı 4 investor tərəfindən 5 sifariş təqdim olunub. Sifarişlərin nominal üzrə ümumi məbləği 53,033,900.00 manat təşkil edib.Notların nominal üzrə reallaşdırılmış həcmi 25 milyon manat məbləğində müəyyən edilib.Notların ödəmə tarixi fevralın 23-dür.xeber100.com