“Trans-Adriatik”qaz boru kəmərinin inşası üçün…

Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəmərinin inşası üçün İtaliyada müvafiq icazələrin alınması üzrə işlər davam edir.Bu barədə Azərtac-a eksklüziv açıqlamasında TAP-ın kommunikasiya rəhbəri Lisa Givert deyib.Qeyd edək ki, TAP-ın təməli keçən il mayın 17-də Yunanıstanın Saloniki şəhərində qoyulub. “Trans-Adriatik” qaz boru kəmərinin tikintisi üzrə işlərin təqribən 32 faizi icra olunub.TAP-ın inşasında ümumilikdə 53 mindən çox borudan istifadə olunacaq. Boru kəmərinin Yunanıstan hissəsində 32 min, Albaniya hissəsində 13 min, Adriatik dənizi hissəsində 8 min, İtaliya hissəsində isə 660 borudan istifadə ediləcək. Boruların ümumi çəkisi 526 min tondur. Bunun da Albaniya hissəsində 126 min tonu, Yunanıstanda 323 min tonu, dəniz hissəsində 72 min tonu, İtaliyada isə 5 min tonu istifadə olunacaq.xeber100.com

Əmlak Məsələləri Dövlət Komitəsinin məlumatı…

Əmlak Məsələləri Dövlət Komitəsi (ƏMDK) tərəfindən fevralın 14-də keçiriləcək yeni hərraca 71 əmlak çıxarılıb. Bu əmlaklara 20 səhmdar cəmiyyəti, 6 kiçik dövlət müəssisəsi, 34 istifadəsiz qeyri-yaşayış sahəsi və 11 nəqliyyat vasitəsi aiddir.Komitədən Azərtac-a bildirilib ki, istənilən fiziki və hüquqi şəxs hərraclara qatıla bilər. Bunun üçün “privatization.az” saytına daxil olub hərraca çıxarılan əmlaklarla tanış olmaq və bəyənilən əmlaka sifariş vermək yetərlidir. Elektron sifarişlər hərracın keçirilməsinə 3 bank günü qalanadək qəbul edilir. Elektron sifariş verildikdən sonra əmlakın ilkin satış qiymətinin 10 faizi məbləğində behi elektron qaydada ödənilir. Bu prosedurdan sonra vətəndaş hərracda iştirak etmək statusu qazanır.Xatırladaq ki, istənilən şəxs və ya media üzvü hərrac günü gəlib hərracda iştirak edərək prosesi izləyə bilər. ƏMDK yerli və xarici investorları, sahibkarları, iş adamlarını və mülkiyyət sahibi olmaq istəyən hər kəsi özəlləşmədə fəal iştirak etməyə dəvət edir.xeber100.com

“Tax Free” sistemi tətbiq olunacaq

Xəzər Dəniz Gəmiçiliyində “Tax Free” sistemi tətbiq olunacaq.Azərtac xəbər verir ki, bu Prezidentin Fərmanı ilə “Əcnəbilər və vətəndaşlığı olmayan şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası”na edilən dəyişikliklərdə öz əksini tapıb.Artıq bir neçə aydır ki, ölkəmizdə tətbiqinə başlanılan “Tax Free” sistemindən bundan sonra “Azərbaycan Xəzər Dəniz Gəmiçiliyi” QSC-nin xətti ilə səfər edən xarici vətəndaşlarda istifadə edəcək.xeber100.com

Dövlət Gömrük Komitəsinin məlumatı…

Ötən ilin dekabr ayında Dövlət Gömrük Komitəsinin (DGK) xətti ilə dövlət büdcəsinə 235 milyon 5,4 min manat vəsait daxil olub.Dövlət Gömrük Komitəsinin mətbuat xidmətindən Azərtac-a bildirilib ki, bu, ötən ilin eyni ayı ilə müqayisədə 34 milyon 199,7 min manat və ya 17,31 faiz çoxdur. Ötən ilin noyabr ayı ilə müqayisədə isə daxilolmalar 15 milyon 389,1 min manat və ya 7 faiz çoxdur.Hesabat dövründə gömrük rüsumları üzrə dövlət büdcəsinə daxilolmalar 53 milyon 337,8 min manat, idxal edilən malların əlavə dəyər vergisi üzrə 158 milyon 553,2 min manat, aksizlər üzrə 5 milyon 37,7 min manat, yol vergisi üzrə isə 2 milyon 687,6 min manat təşkil edib.xeber100.com

Dünya birjalarında neftin qiyməti ucuzlaşıb

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,64 dollar ucuzlaşaraq 52,37 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,56 dollar azalaraq 55,45 dollar olub.xeber100.com

“Trans-Adriatik” qaz boru kəmərinin inşası çərçivəsində…

Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəmərinin inşası çərçivəsində Yunanıstanda boruların 89 kilometri qaynaq olunub.Bu barədə Azərtac-a eksklüziv açıqlamasında TAP-ın kommunikasiya rəhbəri Lisa Givert deyib.“Yunanıstanda TAP kəməri marşrutu üzrə 190 kilometr ərazi təmizlənib, 116 kilometr borular xətt boyunca düzülüb. Boruların təxminən 89 kilometri qaynaq edilib. 30 kilometr borular isə qaynaqlandıqdan sonra torpaq altına basdırılıb. Xətt boyunca 6,5 kilometr sahə isə tamamilə əvvəlki vəziyyətinə gətirilib”, - deyə L.Givert əlavə edib.Qeyd edək ki, TAP-ın təməli keçən il mayın 17-də Yunanıstanın Saloniki şəhərində qoyulub. “Trans-Adriatik” qaz boru kəmərinin tikintisi üzrə işlərin təqribən 32 faizi icra olunub.xeber100.com

Nəqliyyat Agentliyinin məlumatına görə…

Yanvarın 16-da Nəriman Nərimanov prospektində təmir işləri ilə əlaqədar nəqliyyat vasitələrinin hərəkəti məhdudlaşdırıldığı üçün həmin prospektdən keçən 37 nömrəli marşrut xəttinin hərəkət istiqamətində müvəqqəti dəyişiklik edilib.Azərtac xəbər verir ki, bu barədə Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin sektor müdiri M.Ağayev deyib.O bildirib ki, təmirdən əvvəl Nəriman Nərimanov prospekti ilə hərəkət edən 37 nömrəli marşrut xətt avtobusları təmir işləri yekunlaşana qədər müvəqqəti olaraq İnşaatçılar prospekti-Landau küçəsi-Hüseyn Cavid prospekti-Landau küçəsi-Qurban Xəlilov küçəsi ilə keçməklə hərəkət edəcəklər.xeber100.com

GPS sistemi ictimaiyyətə təqdim ediləcək

Bakıda marşrut avtobuslarında GPS sisteminin quraşdırılması başa çatıb.Bu barədə Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin sektor müdiri Mais Ağayev Azərtac-a deyib.M.Ağayev bildirib ki, hazırda sistemin yoxlanışı həyata keçirilir. Yaxın günlərdə GPS sistemi ictimaiyyətə təqdim ediləcək. Bu sistemin tətbiqi sayəsində həm marşrut şəbəkəsində, həm də paytaxtın ümumi nəqliyyat sistemində illərdən bəri mövcud olan problemlərin həllinə şərait yaranacaq.M.Ağayev qeyd edib ki, GPS sistemi sərnişin avtobuslarına tam nəzarətə imkan verəcək. Hər hansı bir marşrut xətti üzrə hərəkət edən avtobusun dayanacağa hansı müddətdə gəlməsi, sürət həddinə əməl etməsi, dayanacağa daxil olması və ya bunun əksinə hərəkət etməsi bəlli olacaq. Bu sistem avtobusların iştirakı ilə baş verən yol qəzalarının araşdırılmasında da mühüm əhəmiyyət kəsb edəcək. GPS sistemi vasitəsilə qəza baş verən zaman avtobusun sürətinin nə qədər olması dəqiqliyi ilə bilinəcək.xeber100.com

Mərkəzi Bankın məlumatına görə…

Yanvarın 17-də Azərbaycan Respublikasının Mərkəzi Bankı vəsaitlərin cəlb edilməsi üzrə depozit hərracı keçirəcək.Azərtac Mərkəzi Banka istinadla xəbər verir ki, dolayı hərracda 15 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 12,01-14,99 faiz təşkil edir.xeber100.com

Təbii qazın verilməsində fasilələr yaranacaq

“Təzə Qanlı Göl” ölçü qovşağından qidalanan orta təzyiqli qaz xəttində aşkar olunmuş qaz sızmasının ləğvi və təmir-bərpa işləri ilə əlaqədar yanvarın 13-də saat 09:30-dan 18:00-dək Bakının Yasamal rayonunun bir hissəsinə təbii qazın verilməsində fasilələr yaranacaq.Bu barədə Azərtac-a “Azəriqaz” İstehsalat Birliyinin (İB) ictimaiyyətlə əlaqələr şöbəsindən məlumat verilib.“Azəriqaz” İB yaranmış məhdudiyyətlə bağlı bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com