“Azəravtoyol” ASC-nin məlumatı…

Aparılan təmir işləri ilə əlaqədar yanvarın 6-dan etibarən şənbə və bazar günləri də daxil olmaqla paytaxtın prospekt və küçələrində avtomobillərin hərəkəti qismən məhdudlaşdırılacaq.Bu barədə Azərtac-a “Azəravtoyol” ASC-nin mətbuat xidmətindən bildirilib.Məlumata əsasən, hərəkətin məhdudlaşdırılması Neftçilər prospektinin Nobel prospekti ilə kəsişməsi, Cəfər Xəndan küçəsi - Şövkət Məmmədova və İbrahimpaşa Dadaşov küçələri arası və Nəcəf Nərimanov küçəsində tətbiq olunacaq.Neftçilər prospektinin Nobel prospekti ilə kəsişən hissəsində yanvarın 6-sı günorta saatlarından etibarən dəmir yolu relslərinin sökülməsi işlərinə başlanılacaq. İşlərin yaxın 2 gün ərzində yekunlaşdırılması planlaşdırılır. Relslər hissə-hissə söküldüyündən avtonəqliyyat vasitələrinin hərəkəti dayandırılmayacaq. Bu müddət ərzində prospektin sözügedən hissəsində hərəkətin qismən məhdudlaşdırılması tətbiq ediləcək.xeber100.com

“Şimal-Cənub” Beynəlxalq Nəqliyyat Dəhlizi çərçivəsində…

Yanvarın 19-da “Şimal-Cənub” Beynəlxalq Nəqliyyat Dəhlizi çərçivəsində tikilən İranın ən iri dəmir yolu körpüsü istismara hazır olacaq. “Financial Tribune” saytı xəbər verir ki, bu barədə İranın yol və şəhərsalma nazirinin müavini Xeyirullah Xadəmi deyib.Onun sözlərinə görə, körpünün tikintisi iki həftəyə yekunlaşacaq. “Şimal-Cənub” Beynəlxalq Nəqliyyat Dəhlizi çərçivəsində İran istiqamətində Astara (Azərbaycan)-Astara (İran)- Rəşt-Qəzvin dəmir yolu xəttinin bir hissəsi olan bu körpü yanvarın 19-da istismara hazır olacaq.Yerli mütəxəssislər tərəfindən icra edilən layihə barədə məlumat verən X.Xadəmi söyləyib ki, 1,43 kilometr uzunluğunda olan körpü İranın Gilan vilayətində yerləşən Məncil şəhərində Səfidrud çayının sahillərini birləşdirəcək. Bu körpü son inşaat mərhələsində olan Qəzvin-Rəşt dəmir yolunun da bir hissəsidir.Hesablamalara görə, “Şimal-Cənub” Beynəlxalq Nəqliyyat Dəhlizi istismara veriləndən sonra Azərbaycan ilə İran arasında mövcud 600 min ton ticarət dövriyyəsi ildə 5 milyon tona (ildə 500 milyon dollar) yüksələcək.xeber100.com

Mərkəzi Bankda valyuta hərracı keçirilib

Yanvarın 5-də Mərkəzi Bankda Dövlət Neft Fondunun da iştirak etdiyi növbəti ikitərəfli valyuta hərracı keçirilib.Mərkəzi Bankdan Azərtac-a bildiriblər ki, hərrac 1 ABŞ dolları üçün 1,7707 manat məzənnəsi ilə başlayıb və 1,7742 manat məzənnəsi ilə yekunlaşıb.xeber100.com

“Goldman Sachs”ın analitiki Damien Courvalinenin fikrincə…

Dünyanın qabaqcıl investisiya banklarından olan “Goldman Sachs” “Brent” markalı neftin bir barrelinin qiymətinin 59 dollar olacağını nəzərdə tutur.Azərtac xəbər verir ki, “Goldman Sachs”ın analitiki Damien Courvalinenin fikrincə Neft İxrac edən Ölkələr Təşkilatına (OPEC) üzv və kartelə üzv olmayan ölkələrin hasilatın azaldılması sazişinə riayət etmələri tələb artımına gətirib çıxaracaq və nəticədə neft ehtiyatlarının həcmi yay aylarına qədər normallaşacaq. O, “Brent” neftinin barrel qiymətinin 3-6 aylıq müddətdə 59 dollara yüksələcəyini proqnozlaşdırır.xeber100.com

“Layt” markalı neftin qiyməti bahalaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,93 dollar bahalaşaraq 53,26 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,99 dollar artaraq 56,46 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,41 dollar ucuzlaşaraq 55,97 dollar təşkil edib.xeber100.com

Könüllü tibbi sığorta həyata keçiriləcək

Azərbaycan Respublikasının Dövlət Neft Fondu (ARDNF) əməkdaşlarının könüllü tibbi sığortasını həyata keçirəcək sığortaçı müəyyən edilib.“AtaSığorta” ASC Dövlət Neft Fondu əməkdaşlarının könüllü tibbi sığortası üzrə sığortaçı seçilib.ASC-dən Aяэкефс-a bildiriblər ki, artıq sığorta xidmətlərinin göstərilməsi haqqında müqavilə bağlanıb.Qeyd edək ki, “AtaSığorta” 2004-cü ilin sentyabr ayında sığorta fəaliyyəti ilə məşğul olmaq üçün lisenziya alıb və Azərbaycanın 15 aparıcı sığorta şirkətindən biridir.xeber100.com

İşçi qrupu yaradılacaq

Mərkəzi Bank, Maliyyə Bazarlarına Nəzarət Palatası, Rabitə və Yüksək Texnologiyalar Nazirliyi, Vergilər Nazirliyi, ölkədə fəaliyyət göstərən mobil operatorlar və ödəniş sistemlərinin fəaliyyətində iştirak edən digər subyektlərdən ibarət işçi qrup yaradılacaq. İşçi qrup öz fəaliyyəti çərçivəsində rəqəmsal ödəniş sistemlərinin tətbiqi üzrə beynəlxalq təcrübəni və onun Azərbaycanda tətbiqi perspektivlərini araşdıracaq və müvafiq təkliflər hazırlayacaq.Azərtac xəbər verir ki, bu barədə məlumat “Telekommunikasiya və informasiya texnologiyalarının inkişafına dair Strateji Yol Xəritəsi”ndə öz əksini tapıb.Bununla yanaşı, işçi qrup rəqəmsal iqtisadiyyata keçidlə bağlı zəruri infrastrukturun formalaşdırılmasına,  həm də ictimaiyyətin rəqəmsal əməliyyatlar barədə məlumatlılıq səviyyəsinin artırılması istiqamətində də tədbirlər həyata keçirəcək.xeber100.com

2020-ci ildən elektromobillərdən istifadə olunması nəzərdə tutulur

2020-ci ildən Azərbaycanda elektrik mühərriki ilə işləyən avtomobillərdən istifadə edilməsi gözlənilir.Azərtac xəbər verir ki, bu barədə “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”ndə deyilir.Qeyd olunur ki, Azərbaycanda bunun üçün tam formalaşmış elektrik enerjisi infrastrukturunun yaradılması ilkin şərt kimi nəzərdən keçirilir.xeber100.com

SOCAR-ın məlumatına əsasən…

Qaradağ rayonu Səngəçal qəsəbəsi ərazisində Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərində baş vermiş qəzanın aradan qaldırılması istiqamətində təmir işləri davam etdirilir.SOCAR-ın mətbuat xidmətindən Azərtac-a bildirilib ki, qəza baş vermiş kəmərin istismara buraxılması üçün aparılan yoxlama işləri zamanı yeni nöqsan aşkar edilib. Yoxlama-sınaq işləri müvəqqəti olaraq dayandırılıb. Hazırda nöqsanın aradan qaldırılması istiqamətində iş aparılır.xeber100.com

Dövlət Statistika Komitəsinin məlumatı…

Bu ilin yanvar-noyabr aylarında əsas kapitala yönəldilmiş ümumi vəsaitin 66,6 faizi sənaye, 16,3 faizi tikinti, 9,2 faizi nəqliyyat və anbar təsərrüfatı sahələrinə sərf edilib.Dövlət Statistika Komitəsindən Azərtac-a bildirilib ki, sözügedən vəsaitin 1,8 faizi kənd təsərrüfatı, meşə təsərrüfatı və balıqçılıq, 1,6 faizi dövlət idarəetməsi və müdafiə, icbari sosial təminat, 1 faizi təhsil, 0,9 faizi informasiya və rabitə, 0,8 faizi səhiyyə, 0,7 faizi inzibati və yardımçı xidmətlərin göstərilməsinə, hər birində 0,4 faiz olmaqla ticarət, istirahət, əyləncə və incəsənət sahəsində fəaliyyətə, ictimai iaşə, peşə, elmi və texniki fəaliyyət və digər sahələrdə xidmətlərin göstərilməsinə yönəldilib.xeber100.com