“Azərpoçt” bayram günlərində vətəndaşlara xidmət göstərəcək

“Azərpoçt” MMC Zəfər Günü və Azərbaycan Respublikasının Dövlət Bayrağı Günü ilə əlaqədar olaraq növbəli iş rejimində vətəndaşlara xidmət göstərəcək.MMC-dən Azərtac-a bildirilib ki, noyabrın 8-i və 9-da Bakıda yerləşən Mərkəzi Poçt Şöbəsi saat 09:00-dan 18:00-a, 2 saylı poçt filialının 63 (MXŞ) saylı poçt şöbəsi saat 10:00-dan 17:00-a, 124, 138, 144 saylı poçt şöbələri saat 09:00-dan 17:00-a, 3 saylı poçt filialının 2 (MXŞ), 40 saylı poçt şöbələri saat 10:00-dan 17:00-a, 4 saylı poçt filialının 44 (Şəbəkə) saylı poçt şöbəsi saat 09:00-dan 17:00-dək işləyəcək.Bayram günlərində regionlarda yerləşən Müştəri Xidməti şöbələri saat 10:00-dan 17:00-a qədər vətəndaşlara xidmət göstərəcək.Adi günlərdə olduğu kimi, bayram günlərində də poçt şöbələrində əhaliyə poçt xidmətlərinin göstərilməsi – teleqramlar, məktublar, banderollar, bağlamalar, xüsusilə də bayram təbrikləri, əsgər göndərişləri, eləcə də pul köçürmələrinin qəbulu, kommunal xidmət haqlarının yığılması təmin ediləcək.    

“Azeri Light” markalı neftin bir barelinin qiyməti 2,34 dollar azalıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barelinin qiyməti 2,34 dollar azalaraq 84,74 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti oktyabrın 25-də (88,19) qeydə alınmışdı.xeber100.com

“Azeri Light” markalı neftin bir barelinin qiyməti 0,02 dollar azalıb

Azərbaycan neftinin qiyməti cüzi ucuzlaşıb.Azərtac xəbər verir ki, “Azeri Light” markalı neftin bir barelinin qiyməti 0,02 dollar azalaraq 88,17 dollar təşkil edib.Xatırladaq ki, Azərbaycan neftinin bir barelinin bu il ərzində maksimum qiyməti oktyabrın 25-də (88,19) qeydə alınmışdı.xeber100.com

Mərkəzi Bank oktyabrın 25-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) oktyabrın 25-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın oktyabrın 25-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Azərbaycan və Ukrayna arasında ticarət dövriyyəsi 647 milyon dollara yaxın olub

Yanvar-sentyabr aylarında Azərbaycan və Ukrayna arasında ticarət dövriyyəsi 647 milyon dollara yaxın olub.Ukrayna Dövlət Statistika Komitəsindən Azərtac-a bildirilib ki, 9 ayda Azərbaycan bu ölkədən 327,1 milyon dollarlıq məhsul idxal edib. Ölkəmizin Ukraynaya ixrac etdiyi məhsulun dəyəri isə 319,7 milyon dollar olub.Xatırladaq ki, Ukrayna postsovet məkanında Azərbaycanla ticarət dövriyyəsinə görə Rusiyadan sonra ikincidir.xeber100.com

Dövlət Gömrük Komitəsinin məlumatına görə…

Yanvar-sentyabr aylarında hava nəqliyyatı ilə 19 min 239 ton yük ixrac olunub.Dövlət Gömrük Komitəsindən Azərtac-a verilən məlumata görə, keçən ilin müvafiq dövrünə nisbətən 20 min 695 ton azalma olub. Belə ki, 2020-ci ilin doqquz ayında hava nəqliyyatı ilə 39 min 934 ton yük göndərilib.Bu nəqliyyat növü ilə idxal olunan yüklərin həcmi isə cari ilin yanvar-sentyabr aylarında 6554 ton təşkil edib.xeber100.com

“Azərsu” ASC abonentlərinin sayı 55 min 709 və ya 3,5 faiz artıb

Cari ilin yanvar-sentyabr aylarında “Azərsu” ASC abonentlərinin sayı 55 min 709 və ya 3,5 faiz artıb.ASC-dən Azərtac-a bildirilib ki, oktyabr 1-nə ölkə üzrə 1 milyon 663 min 320 abonent su və kanalizasiya xidmətlərinin istifadəçisi kimi qeydiyyata alınıb. Abonentlərin 1 milyon 598 min 908-i və ya 96,1 faizini əhali, 64 min 412-i və ya 3,9 faizini isə qeyri-əhali qrupu abunəçiləri təşkil edir. Hesabat dövründə əhali qrupu abunəçilərinin sayı 53 min 431 və ya 3,5 faiz, qeyri-əhali qrupu abunəçilərinin sayı isə 53 min 431 və ya 3,7 faiz artıb.Doqquz ay ərzində abonent sayında artım əsasən yeni layihələrin icrası nəticəsində istehlakçıların mərkəzləşdirilmiş içməli və tullantı su şəbəkələrinə qoşulması, yeni tikilmiş fərdi yaşayış evləri sahiblərinin texniki şərt alaraq abonent kimi qeydiyyata düşməsi, həmçinin içməli su və kanalizasiya xidmətlərindən qeyri-qanuni istifadə hallarının aşkarlanaraq qeydiyyata alınması hesabına baş verib.Oktyabrın 1-nə “Azərsu” ASC abonentlərinin 86,9 faizi sayğacla təmin olunub. Hazırda əhali qrupu abonentləri üzrə sayğaclaşma səviyyəsi 86,7 faiz, qeyri-əhali qrupu üzrə isə 94,4 faiz təşkil edir.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) oktyabrın 11-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın oktyabrın 11-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Bakı Nəqliyyat Agentliyindən məlumatı əsasında…

Sentyabrda 16 küçə və prospektdə piyada keçidi yenilənib.Azərtac xəbər verir ki, bu barədə Bakı Nəqliyyat Agentliyindən məlumat verilib.Qeyd edilib ki, ötən ay 76 küçə və prospektdə 414 yol nişanı quraşdırılıb. Ay ərzində quraşdırılan avtobus dayanacaq məntəqələrinin sayı 61 olub. 25 küçə və prospektdə təhlükəsizlik səviyyəsi artırılıb, 6-da isə pandus, tumba və məhəccər quraşdırılıb. Keçən ay 8 küçədə piyada keçidi təşkil edilib, 4 məktəbin qarşısındakı yolda təhlükəsizlik səviyyəsi artırılıb.Ümumilikdə son 9 ayda yol nişanı üzrə illik hədəfin 64 faizi quraşdırılıb, 58 vətəndaşın müraciəti təmin olunub.xeber100.com

İçməli suyun verilməsində məhdudiyyətlər tətbiq ediləcək

Binəqədi rayonunun bu ərazilərində içməli suyun verilməsində məhdudiyyətlər tətbiq ediləcək.“Azərsu” ASC-dən Azərtac-a bildirilib ki, magistral su kəmərində aparılan təmir işləri ilə əlaqədar oktyabrın 7-də gün ərzində Binəqədi rayonu 7-ci və 8-ci mikrorayonlara içməli suyun verilməsində məhdudiyyətlər olacaq.xeber100.com