Anlaşma memorandumu imzalanıb

Bakı Dövlət Universitetinin kitabxanaşünaslıq-informasiya fakültəsi ilə Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi arasında mövcud qanunvericiliyə və mövcud əsasnamələrinə uyğun olaraq, anlaşma memorandumu imzalanıb.Mərkəzdə Azərtac-a bildirilib ki, memorandumun məqsədi ölkəmizdə kitabxanaşünaslıq üzrə kadrların yetişdirilməsində BDU-nun və mərkəzin arasında işgüzar elmi-mədəni əlaqələrinin qurulması, kitabxanaşünas kadrların elmi potensialından muzey və kitabxanalarda səmərəli istifadə və göstərilən sahəyə müvafiq yeni elmi-metodiki üsulların axtarışlarının gücləndirilməsidir.xeber100.com

Xalq Çalğı Alətləri Orkestri – 85

Dekabrın 21-də Xalq Çalğı Alətləri Orkestrinin yaranmasının 85 illiyi münasibətilə konsert proqramı təşkil olunacaq.Azərtac xəbər verir ki, Filarmoniyada gerçəkləşəcək tədbir tədbirdə orkestrin yaranmasından, Azərbaycan Televiziya və Radiosunda, o cümlədən ölkəmizin mədəni həyatındakı fəaliyyətindən də söz açılacaq.Konsertdə xalq çalğı alətləri orkestrinin müşayiəti ilə bir sıra xalq və bəstəkar mahnıları səsləndiriləcək.xeber100.com

“Mədəniyyətlərarası dialoq” adlı konfrans keçirilib

UNESCO-nun baş qərargahında “İrs naminə birlik” kampaniyası çərçivəsində “Mədəniyyətlərarası dialoqdan insan təhlükəsizliyinə, sülhdən davamlı inkişafa” adlı konfrans keçirilib.Konfrans zamanı bu təşkilatdakı daimi nümayəndəliyimizin rəhbəri Anar Kərimovun moderatorluğu ilə “Hədəfimiz İrs: dialoq vasitəsilə irsin qorunması - yeni paradiqmalar axtarışında” adlı yüksək səviyyəli panel müzakirələri keçirilib.Panel müzakirələrində Azərbaycan mədəniyyət və turizm naziri Əbülfəs Qarayev, UNESCO-nun baş direktoru İrina Bokova, BMT-nin Sivilizasiyalar Alyansının, Dünya Turizm Təşkilatının rəhbərləri iştirak ediblər.xeber100.com

“Azərbaycanfilm” kinostudiyasının məlumatına görə…

Xalq Yazıçısı Elçinin eyniadlı pyesi əsasında lentə alınan “Qatil” bədii filminin 17-ci Tbilisi Beynəlxalq Film Festivalının “Avropa film forumu” bölümündə nümayişi baş tutub.“Azərbaycanfilm” kinostudiyasından bildirilib ki, festivalda filmin quruluşçu rejissoru Kamran Şahmərdan və icraçı prodüseri Katri Lətt iştirak ediblər.Qeyd edək ki, “Qatil” filmi həmçinin Bakıda keçirilən 6-cı Avropa Film Festivalı və Finlandiyanın “Qara və Ağ” Teatr Festivalında iştirak edib.xeber100.com  

“İlmələrin rəqsi” adlı fərdi yaradıcılıq sərgisi açılıb

Rəssamlar İttifaqında tanınmış xalçaçı rəssam Eldar Hacıyevin “İlmələrin rəqsi” adlı fərdi yaradıcılıq sərgisi açılıb.Azərtac xəbər verir ki, müxtəlif mövzulu xalçaların əks olunduğu sərgidə xalq Rəssamı Ağəli İbrahimov çıxış edərək xalçaçı rəssamın yaratdığı füsunkar sənət incilərindən danışıb.Vurğulanıb ki, Eldar Hacıyev xalçaçı rəssam kimi mükəmməl xalça ilə miniatürün uğurlu sintezini yarada bilib. Onun əsərlərində xalça və miniatür sənətinin bütün atributları öz əksini tapıb.Qeyd olunub ki, müəllifin xalçaları ipək saplarla toxuması onun sənətinin özəlliklərindən hesab olunur.Daha sonra qonaqlar sərgi ilə tanış olublar.xeber100.com

“YARAT” Müasir İncəsənət Mərkəzində sərgi açılıb

“YARAT” Müasir İncəsənət Mərkəzində “ARTIM” layihə çərçivəsində “Bu necə bir hissdir?” adlı sərgi açılıb.Azərtac xəbər verir ki, qrup sərgisi əcnəbi rezidentlərin iştirakı ilə baş tutub. Sərgi öz ətrafı ilə maraqlanan və müxtəlif subyektləri araşdırmağa, onları hiss etməyə çalışan tamaşaçının nəzər nöqtəsini təsvir edir. Layihənin ideyası, nəticə etibarilə tamaşaçının onu əhatə edən və sadə izahı tapmağa mane olan müxtəlif təsirləri dəf etməsi və onların öhdəsindən gəlməsini vurğulayır.xeber100.com  

Xeyriyyə yarmarkası açılıb

Dekabrın 3-də Fəvvarələr meydanında dördüncü “Soyuq Əllər, İsti Ürək” xeyriyyə yarmarkası açılıb.Azərtac xəbər verir ki, yarmarka 2017-ci il yanvarın 15-dək davam edəcək. Ənənəyə görə, tədbirdə toplanmış vəsait xeyriyyə məqsədləri üçün istifadə olunacaq, ehtiyacı olan uşaqlara kömək göstəriləcək.xeber100.com  

“Muğam musiqisi axşamı” adlı konsert proqramı təşkil olunacaq

Dekabrın 8-də Filarmoniyada “Muğam musiqisi axşamı” adlı konsert proqramı təşkil olunacaq.Filarmoniyadan Azərtac-a bildirilib ki, konsertdə “Muğam televiziya müsabiqəsi”nin qalibləri Ramiq Bayramov və Nigar Şabanova tərəfindən muğam və təsniflərimiz səsləndiriləcək. İfaçıları Xalq Artisti Ağaverdi Paşayevin bədii rəhbərliyi ilə Azərbaycan Dövlət Xalq Çalğı Alətləri Orkestrinin kiçik heyəti müşayiət edəcək.xeber100.com

Əməkdaşlıq haqqında müqavilə imzalanıb

Rusiyanın Sankt-Peterburq şəhərində görkəmli rus bəstəkarı Sergey Prokofyevin 125 illiyinə həsr olunmuş V Sankt-Peterburq beynəlxalq mədəniyyət forumunda ölkəmizi mədəniyyət və turizm nazirinin birinci müavini Vaqif Əliyevin rəhbərlik etdiyi nümayəndə heyəti təmsil edir.Forum çərçivəsində Azərbaycanın Mədəniyyət və Turizm Nazirliyi ilə Rusiyanın Mədəniyyət Nazirliyi arasında 2017-2019-cu illər üçün mədəniyyət sahəsində əməkdaşlıq haqqında müqavilə imzalanıb.Mədəniyyət və Turizm Nazirliyindən Azərtac-a bildirilib ki, əməkdaşlıq müqaviləsində xalq yaradıcılığı, kitabxana və muzey işi, kinematoqrafiya sahələrində əməkdaşlığın aparılması və birgə layihələrin həyata keçirilməsi, tarixi-mədəni irsin qorunub saxlanılması, mədəniyyət və incəsənət ixtisasları üzrə təhsil proqramları çərçivəsində əməkdaşlıq, musiqi və sirk kollektivləri, ayrı-ayrı ifaçılar və musiqi sənəti sahəsində mütəxəssislərin mübadiləsi, mədəniyyət və incəsənət üzrə ali və orta təhsil müəssisələri, teatrlar arasında birbaşa əlaqələrin inkişafı, eləcə də qarşılıqlı beynəlxalq musiqi festivalları, müsabiqə və ənənəvi musiqi tədbirlərində iştirak məsələləri öz əksini tapıb.

“Art Villa” qalereyasında sərgi açılacaq

Dekabrın 15-də “Art Villa” qalereyasında gənc və həvəskar rəssamların əl işlərindən ibarət qrup sərgisi açılacaq.Azərtac xəbər verir ki, sərgi “İçərişəhər” Dövlət Tarix-Memarlıq Qoruğu İdarəsi və “Arts Council Azerbaijan” (“Azərbaycan İncəsənət Konsulluğu”) qeyri-hökumət təşkilatı tərəfindən “Start” layihəsi çərçivəsində təşkil olunacaq. Sərgidə iştirak etmək istəyənlər əsərlə[email protected] elektron ünvanına göndərə bilərlər.Layihənin məqsədi incəsənətin və müasir memarlığın təbliğində gənclərin rolunu artırmaq, onların bu işin təbliğatçısı qismində çıxış etmələrinə dəstək olmaqdır.Qeyd edək ki, bundan əvvəl “Start” layihəsi çərçivəsində “Bakının müasir memarlığı fotolarda” adlı sərgi təşkil olunub.xeber100.com