“Multikulturalizm ili” çərçivəsində…

Noyabrın 28-də Mədəniyyət və Turizm Nazirliyinin təşkilatçılığı ilə Prezident təqaüdçüsü olan istedadlı gənc ifaçılar konsert proqramı ilə çıxış edəcəklər.Nazirlikdən Azərtac-a bildirilib ki, Beynəlxalq Muğam Mərkəzində baş tutacaq konsert “Multikulturalizm ili” çərçivəsində reallaşacaq. Konsertdə Azərbaycan bəstəkarları ilə yanaşı, dünya bəstəkarlarının əsərlərinə də müraciət olunacaq.xeber100.com

“Baku Fashion Week” şousu keçiriləcək

Noyabrın 24-də “Sputnik Azərbaycan” mətbuat mərkəzində “Baku Fashion Week” müsabiqəsinə hazırlıq” mövzusunda mətbuat konfransı keçirib. Mətbuat konfransında bildirilib ki, noyabrın 24-27-də “Jumeirah” otelində “Baku Fashion Week” çərçivəsində “Ən yaxşı gənc dizayner” nominasiyasında səsvermə keçiriləcək. Qalibə “BFW”-in tərəfdaşı “Studio Parisien des Arts et de la Mode”dən mükafat - gələn ilin fevralında Parisə beş günlük mədəni-maarif proqramı təqdim ediləcək.Qeyd edilib ki, “Baku Fashion Week” ildə iki dəfə təşkil edilir və moda dünyasının ən görkəmli nümayəndələrini öz məkanında toplayır. Bu mövsümdə qonaqları çoxlu sürpriz və canlı obrazlar gözləyir. Bu gün şounu kutyuryedən “Bechique” uşaq brendi açacaq. Noyabrın 25-27-də Türkiyə, Gürcüstan, Kanada, Ukrayna, Özbəkistan və başqa ölkələri təmsil edən aparıcı dizaynerlərin geyimləri nümayiş etdiriləcək. “Baku Fashion Week” Azərbaycanın “De Camie” brendinin nümayişi ilə başa çatacaq.xeber100.com  

VII ümumrespublika bədii yaradıcılıq baxış-müsabiqəsi keçirilib

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun birgə təşkilatçılığı ilə Əlillərin Beynəlxalq Müdafiəsi Gününə həsr edilmiş VII ümumrespublika bədii yaradıcılıq baxış-müsabiqəsi keçirilib. Baxış-müsabiqədə əlilliyi olan şəxslərin bədii yaradıcılığın müxtəlif növlərində (mahnı, muğam, rəqs, instrumental ifaçılıq, bəstəkarlıq, poeziya, bədii qiraət və s.) öz istedad və qabiliyyətlərini nümayiş etdirməsinə imkan yaradılıb.Baş İdarədən Azərtac-a bildirilib ki, noyabrın 30-da Azərbaycan Dövlət Musiqili Teatrında müsabiqə qaliblərinin qala konserti və mükafatlandırma mərasimi təşkil olunacaq.Tədbirin keçirilməsində məqsəd əlillərin və sağlamlıq imkanları məhdud uşaqların istedad və qabiliyyətlərinin aşkara çıxarılması və onların cəmiyyətə inteqrasiyasına dəstək verməkdir.xeber100.com  

Xalça Muzeyində “Ailə günü” adlı tədbir keçiriləcək

Noyabrın 26-da Azərbaycan Xalça Muzeyinin uşaq muzeyi şöbəsinin təşəbbüsü ilə muzeyin “Açıq qapı” günü çərçivəsində “Ailə günü” adlı tədbir keçiriləcək.Muzeydən Azərtac-a bildirilib ki, “Ailə günü” tədbirinin keçirilməsində əsas məqsəd valideynlərlə uşaqlar arasında ümumi maraqları birləşdirmək, ünsiyyət körpüsünü möhkəmləndirmək və ən əsası ölkə mədəniyyət və incəsənətini tanıtmaqdır.Qeyd edək ki, muzeydə “Ailə günü” tədbirinin hər ayın son şənbə günü saat 11:00-dan 19:00-dək keçirilməsi nəzərdə tutulub.Tədbirin proqramında müxtəlif yaş hədləri nəzərə alınıb. İştirakçılar Azərbaycan xalçaçılığı, dekorativ-tətbiqi sənətinin tarix və mədəniyyəti ilə yaxından tanış olacaq. Onlar muzeydə təşkil olunan ustad dərslərində iştirak etməklə öz yaradıcı bacarıqlarından istifadə edərək incəsənət nümunələri hazırlayacaqlar.xeber100.com

Mahnı Teatrında xatirə gecəsi keçirilib

R.Behbudov adına Mahnı Teatrında Aşıq Hüseyn Cavanın anadan olmasının 100 illiyinə həsr edilmiş xatirə gecəsi keçirilib.Azərtac xəbər verir ki, Azərbaycan Aşıqlar Birliyinin təşəbbüsü ilə keçirilən gecədə elm, mədəniyyət, incəsənət xadimləri, ictimaiyyət nümayəndələri iştirak ediblər.xeber100.com

“Leyli və Məcnun” tamaşasının premyerası keçiriləcək

Gənc Tamaşaçılar Teatrında “Leyli və Məcnun” tamaşasının premyerası keçiriləcək.Teatrın mətbuat xidmətindən Azərtac-a bildirilib ki, Məhəmməd Füzulinin “Leyli və Məcnun” poeması əsasında ilk dəfə olaraq dramatik janrda hazırlanan eyniadlı tamaşanın hazırlıq prosesi yekunlaşmaq üzrədir.Dekabrın 3-də nümayiş olunacaq səhnə əsərinin quruluşçu rejissoru Nicat Kazımovdur. Tamaşanın musiqi tərtibatçısı Kamil İsmayılov, məsləhətçisi İlqar Fəhmi, döyüşlərin quruluşçusu İsa Əsədov, rejissoru Müşfiq Əliyev, rejissor assistenti Günay Qasımovadır.xeber100.com  

“Nostalgia, pluralia tantum” adlı sərgi açılacaq

Dekabrın 3-də Müasir İncəsənət Muzeyində moldovalı məşhur jurnalist və rəssam Vasile Botnarunun “Nostalgia, pluralia tantum” adlı sərgisi açılacaq.Muzeydən Azərtac-a bildirilib ki, dekabrın 18-dək davam edəcək sərginin ekspozisiyasına fırça ustasının qarışıq texnikada çəkilmiş müxtəlif silsilə əsərləri daxil edilib.xeber100.com

Mədəniyyət və Turizm Nazirliyinin təşkilatçılığı ilə…

Noyabrın 24-də Mərkəzi İncəsənət Məktəbində Gürcüstanın ölkəmizdəki səfirliyinin və Azərbaycan Mədəniyyət və Turizm Nazirliyinin təşkilatçılığı ilə beynəlxalq dostluq festivalı keçirilir.Azərtac xəbər verir ki, festival Mərkəzi İncəsənət Məktəbi ilə “Harmony” gürcü folklor və klassik musiqisinin inkişafı cəmiyyətinin birgə təşəbbüsü ilə reallaşıb. Üç gün davam edəcək festivalin ilk günlərində seçim turları təşkil olunacaq. Seçim turlarında hər iki ölkənin musiqi məktəbi şagirdlərinin çıxışları dinləniləcək.Noyabrın 27-də isə Üzeyir Hacıbəyli adına Bakı Musiqi Akademiyasında seçim turlarından keçmiş şagirdlər yekun qala-konsert proqramı ilə çıxış edəcəklər.xeber100.com

Opera və Balet Teatrı təqdim edir…

Dekabrın 3-də Azərbaycan Dövlət Akademik Opera və Balet Teatrında C.Verdinin “Riqoletto”operasının tamaşası keçiriləcəkdir.Tamaşada teatrın solistləri ilə yanaşı, onların Kiyevli həmkarları – Ukrayna Milli operasının solistləri də iştirak edəcəklər. Belə ki, tamaşadakı Riqoletto partiyasında Ukraynanın Əməkdar Artisti Pyotr Primak, Hersoq partiyasında isə Ukraynanın Əməkdar artisti Dmitri Kuzmin çıxış edəcəklər.Qastrolşularla yanaşı tamaşada  həmçinin yerli sənətçilər - Azərbaycanın Xalq Artisti  Əli Əsgərov (Sparafuçille), Əməkdar artistlər İnarə Babayeva (Cilda),  Əkrəm Poladov (Monterone), Səbinə Əsədova (Maddalena) və gənc solist Nina Makarova (qrafinya de Çeprano) da əsas rollarda çıxış edəcəklər.Operanın dirijoru isə Xalq Artisti, professor Cavanşir Cəfərovdur.xeber100.com

Muğam Mərkəzində xatirə gecəsi keçirilib

Noyabrın 22-də Beynəlxalq Muğam Mərkəzində görkəmli tarzən Sadıqcanın (Mirzə Sadıq) anadan olmasının 170 illiyinə həsr olunmuş xatirə gecəsi keçirilib.Tədbirdə əməkdar incəsənət xadimi Sərdar Fərəcov çıxış edərək görkəmli tarzənin həyat və yaradıcılığı ilə yanaşı, Azərbaycan musiqi mədəniyyətinin inkişafındakı xidmətlərindən danışıb. O da qeyd olunub ki, 1901-ci ildə Şuşada təşkil olunmuş Birinci Şərq konsertində ilk dəfə tarda “Mahur” muğamını tək solo ifa etməsi ona və sənətinə olduqca böyük şöhrət gətirib.Sadıqcanın həm də istedadlı bir bəstəkar olduğunu qeyd edən natiq deyib ki, o, “Orta segah” və “Bayatı Şiraz” muğamlarına bir neçə rəng bəstələyib. Onun Azərbaycan musiqisinin inkişaf tarixindəki rolunun əvəzedilməzliyindan söz açan S. Fərəcov deyib ki, görkəmli tarzən 1902-ci ildə doğulduğu Şuşa şəhərində dünyasını dəyişib.xeber100.com