4,5 bal gücündə zəlzələ baş verib

Türkiyənin Van vilayətində 4,5 bal gücündə zəlzələ baş verib.Anadolu informasiya agentliyinin məlumatına görə, bu zəlzələnin ardından 4,1 bal gücündə daha bir zəlzələ qeyd edilib.Yeraltı təkanların episentri Van vilayətinin Gevaş rayonunda, ocağı isə 13 km dərinlikdə yerləşib.Dağıntı və zərərçəkən yoxdur.xeber100.com

Kremlin mətbuat xidmətinin məlumatı

Almaniya Kansleri Angela Merkel Prezident Vladimir Putin ilə danışıqlar aparmaq üçün Rusiyaya gəlib. Hazırda iki lider arasında Soçidə görüş keçirilir.Kremlin mətbuat xidmətinin məlumatına görə, ikiillik fasilədən sonra yenidən Rusiyaya gələn Merkel Prezident Putin ilə iyul ayında Hamburqda keçiriləcək “Böyük iyirmilik” sammitinə hazırlıq məsələsini, Ukrayna, Suriya və Liviyadakı vəziyyəti müzakirə edir. Həmçinin ikitərəfli münasibətlər, energetika, ticari-iqtisadi, mədəni-humanitar sahələrdə əməkdaşlıq məsələləri də diqqət mərkəzindədir.xeber100.com

Koreyanın İnformasiya İnstitutu xüsusi xəritə hazırlayıb

Seul Universitetinin mütəxəssislərinin hazırladıqları sürücüsüz avtomobil gələn ay şəhər yollarında sınaqdan keçiriləcək.Yonhap agentliyi bildirir ki, Koreya Respublikasının Milli Coğrafi İnformasiya İnstitutu avtomobilin sınağı üçün xüsusi xəritə hazırlayıb.Universitetin professoru Seo Seunq-Vunun rəhbərliyi altında hazırlanan “SNUBer” adlı avtomobil artıq iki ildir universitetin şəhərciyində uğurla istifadə olunur. Avtomobilin indiyədək şəhər yollarına buraxılmamasının səbəbi isə qaydaların qoyduğu qadağalar idi. Artıq bu qadağalar aradan qaldırılıb.xeber100.com

İtaliya mətbuatının məlumatına görə…

Aprelin 30-da İtaliyada keçirilən seçkilərdə keçmiş Baş nazir Matteo Renzi yenidən Demokratlar Partiyasının sədri seçilib.İtaliya mətbuatının məlumatına görə, seçkilərdən əvvəl keçirilən rəy sorğularında da Matteo Renzi favorit göstərilirdi.Səsvermədə 1,9-2 milyona yaxın seçici iştirak edib ki, bu da əvvəlki seçkidəkindən (təxminən 3 milyon) xeyli az olub.xeber100.com

Konstitusiya Şurasının təsdiqlədiyi məlumata əsasən…

Fransa prezidenti postuna namizəd “İrəli” hərəkatının lideri, mərkəzçi Emmanuel Makron Brüsselin islahatlara getməyəcəyi təqdirdə “Frexit” (Fransanın Aİ-nin tərkibindən çıxması) perspektivi ilə qarşılaşa biləcəyini deyib.TASS informasiya agentliyi xəbər verir ki, siyasətçi bütün seçki kampaniyası ərzində daim Avropa ideyası və siyasətini dəstəklədiyini bildirib. “Biz eyni zamanda vəziyyətə baxmalı, insanlarımıza qulaq asmalıyıq. Avropa İttifaqının pozulmuş funksionallığı artıq işə yaramır”, -deyə Makron qeyd edib.“İrəli” hərəkatının banisi bu səbəbdən Aİ-nin eyni şəkildə fəaliyyət göstərməsinə imkan verilməsini “xəyanət” hesab edir: “Mən belə etmək istəmirəm, çünki növbəti gün biz ya “Frexit”, ya da “Milli cəbhə” (Marin Le Penin partiyası) ilə üzləşə bilərik.Xatırladaq ki, Fransada 11 namizədin iştirak etdiyi prezident seçkilərinin ilk turu aprelin 23-də keçirilib. Konstitusiya Şurasının təsdiqlədiyi məlumata əsasən, Emmanuel Makron 24,01 faiz səs toplayaraq birinci yeri tutub. Onunla yanaşı, Marin Le Pen də 21,30 faiz səslə ikinci tura keçməyə müvəffəq olub. Yekun nəticəsi 20,01 faiz olan Fransua Fiyon üçüncü, 19,58 faiz səs toplayan Melanşon isə dördüncü yerdə qərarlaşıb.Fransada prezident seçkilərinin ikinci turu mayın 7-də keçiriləcək.xeber100.com

CiberCuba portalının məlumata görə…

Kubada radarlardan itmiş An-26 təyyarəsi yerə çırpılıb.CiberCuba portalının yaydığı məlumata görə, təyyarə çətin keçilən ərazidə qəzaya uğrayıb. Təyyarədəki insanların hamısı həlak olub. Qəza barədə informasiyanı təyyarənin məxsus olduğu Aerogaviota aviakompaniyasından təsdiqləyiblər.Bir qədər əvvəl NTN24 telekanalı təyyarənin göyərtəsində 39 nəfərin ola biləcəyi barədə məlumat vermişdi.xeber100.com

ABŞ Prezidentinin siyasətinə etiraz yürüşü keçirilib

Vaşinqtonda ətraf mühit mühafizəçilərinin "Xalq iqlim yürüşü" keçirilib.Təxminən 15 min nəfərin iştirak etdiyi yürüşün təşkilatçıları ictimaiyyətin diqqətini iqlim dəyişikliyi ilə əlaqədar problemlərə və bu sahədə Donald Tramp administrasiyasının qeyri-adekvat siyasətinə yönəltməyə çalışıblar. Yürüşdə akademik dairələrin üzvləri, alimlər, dini qrupların nümayəndələri, həmkarlar ittifaqı təşkilatlarının əməkdaşları və sadə amerikalılar iştirak ediblər.Kapitoli binasının yanından başlanan yürüş Ağ Evin qarşısında başa çatıb və burada Prezident Donald Trampın siyasətinə qarşı etiraz aksiyası keçirilib. Nümayişçilər yanacaq hasilatı ilə bağlı Donald Trampın siyasətinə və onun qlobal istiləşməyə etinasız münasibətinə qarşı çıxış ediblər. Yürüş ərəfəsində ABŞ Ətraf Mühitin Mühafizəsi Agentliyi elan edib ki, o, öz saytını yenidən qurmağa başlayıb və iqlim dəyişikliyi haqqında elmə həsr edilmiş, hazırda "yenidən baxılır" yazılmış bölməni yığışdırmaq niyyətindədir.xeber100.com

Avstriyanın Federal Daxili İşlər Nazirliyinin məlumatı

Avstriyada sağçı ekstremist və rasist fəaliyyətlərlə əlaqədar cinayət hallarının sayı artıb. Avstriyanın Federal Daxili İşlər Nazirliyinin verdiyi məlumata əsasən, ötən il ölkədə 1313 hal üzrə sağçı ekstremizm və rasizmə görə cinayət işi açılıb. Bu, 2015-ci illə müqayisədə 13,5 faiz artım deməkdir.Avstriyanın Yaşıllar Partiyasının sorğusu əsasında verilən açıqlamada cinayət hallarının əsasən Vyana, yuxarı Avstriya və aşağı Avstriya federal əyalətlərində baş verdiyi göstərilib. Yaşıllar Partiyasının ədliyyə üzrə nümayəndəsi Albert Ştaynhauzer artan tendensiyanı şərh edərək bildirib ki, radikallaşmada əsasən iki istiqamət özünü göstərir. Birincisi nasional-sosializm, faşizm və digər zərərli ideologiyaları hələ də tərənnüm edən radikal qruplaşmalardan ibarətdirsə, ikinci qrup son dövrlərdə daha çox sosial media vasitəsilə miqrant, qaçqın və ümumiyyətlə əcnəbilərə qarşı radikal çağırışlar edən, qaçqın böhranından öz siyasi məqsədləri üçün sui-istifadə edən sağçı ekstremistlərdir.Avstriyanın Federal Daxili İşlər Nazirlinin müavini, ictimai asayiş üzrə baş direktor Konrad Koqler “Ö1” radiosuna verdiyi müsahibədə qeyd edib ki, daxili işlər orqanları sağçı eksremizm, dini ekstremizm, eləcə də sağçı və solçu radikal qruplara qarşı həssaslığını artırıb, eyni zamanda, Federal Ədliyyə Nazirliyində prokurorluq orqanlarına bu sahə üzrə xüsusi səlahiyyət də verilib.xeber100.com

İspaniya Milli Statistika idarəsinin açıqlamasına görə…

İspaniya Milli Statistika idarəsinin açıqlamasına görə, hazırda ölkədə 15413 nəfərin yaşı yüzü keçib. 20 il əvvəl isə yaşı 100-ü keçmiş ispanların sayı 3 min nəfərdən bir az artıq idi.Proqnozlara görə növbəti onilliyin sonuna doğru İspaniyada yaşı yüzdən artıq olan 100 min insan yaşayacaq. Hazırda İspaniya əhalisinin 23 faizini yaşı 65-dən çox olan pensiyaçılar təşkil edir. İspaniya hökumətinin pensiya xərcləri hər il artmaqdadır.xeber100.com

Kabar informasiya agentliyinin məlumatı

Aprelin 29-da yerli vaxtla saat 6:40-da Qırğızıstanın Oş əyalətinin Uzgen rayonunun Ayuu kəndində 7 ev torpaq altında qalıb.Kabar informasiya agentliyi xəbər verir ki, torpaq sürüşməsi nəticəsində azı 24 nəfər həlak olub. Təbii fəlakətin baş verdiyi ərazidə fövqəladə hallar naziri Kubatbek Boronovun başçılığı ilə operativ qərargah yaradılıb.Hazırda axtarış-xilasetmə əməliyyatlarına 182 xilasedici, 100 əsgər, Daxili İşlər Nazirliyinin 50 əməkdaşı və 15 tibb işçisi cəlb olunub. Həmçinin 40 ailənin potensial təhlükəli ərazilərdən təxliyə olunması üçün tədbirlər görülür. Qırğızıstan Prezidenti Almazbek Atambayevin fərmanı ilə aprelin 30-u ölkədə matəm günü elan edilib.xeber100.com