“Emmi” mükafatlarının təqdimat mərasimi keçirilib

“Emmi” mükafatlarının növbəti 69-cu təqdimat mərasimi keçirilib.Azərtac xarici mətbuata istinadən xəbər verir ki, nüfuzlu mükafatın təqdimat mərasimi Los-Ancelesdə "Microsoft Theater"də baş tutub."Ən yaxşı dramatik serial" nominasiyası üzrə əsas mükafatı "Qulluqçunun hekayəsi" serialı alıb. Həmin serialda baş rolu ifa edən Elizabet Moss “Dram janrında ən yaxşı aktrisa” nominasiyasında qalib gəlib. Ümumilikdə serial beş nominasiya üzrə mükafata layiq görülüb.“Ən yaxşı komediya” nominasiyasında “Vitse-prezident" serialı seçilib. Filmdə rol almış Culiya Luis-Dreyvus “Ən yaxşı aktrisa” nominasiyasında altıncı dəfə ardıcıl mükafat alıb.“Dram janrında ən yaxşı aktyor” nominasiyasında “Bu bizik” serialında rol alan Sterlinq Braun, “Komediya serialı üzrə ən yaxşı aktyor” nominasiyasında isə “Atlanda” serialında rol alan Donald Qlover mükafatlandırılıb.“İlin ən yaxşı mini serialı” nominasiyasında “Böyük bir yalan” serialı fərqlənib. Həmin serialda çıxış edən Nikol Kidman isə “Mini serialda ən yaxşı aktrisa” mükafatına layiq görülüb.“Komediya serialında ən yaxşı ikinci plan aktyoru” nominasiyasında “Saturday Night Live” şousunda ABŞ Prezidenti Donald Trampı parodiya etdiyinə görə aktyor Alek Bolduin layiq görülüb.xeber100.com

“Arabian Business” nəşri yazır…

“Arabian Business” nəşri bildirir ki, Dubayda yüksək texnoloji tablolardan istifadə edilməklə eksperimental layihənin həyata keçirilmsinə başlanıb. Bu layihənin məqsədi sürücülərin diqqətini məktəblərin yaxınlığında surəti azaltmaq lazım olmasına cəlb etməkdir.Hələlik Dubayın beş təhsil müəssisəsinin yaxınlığında quraşdırılmış bu elektron tablolar oradan keçən avtomobilin sürətini əks etdirməklə bərabər, həm də müvafiq emosiyaları nümayiş etdirir. Təbəssümlü “smaylik” avtomobilin münasib sürətlə hərəkət etdiyini göstərir, “qaşqabaqlı” “smaylik” isə sürətin normadan artıq olmasına dəlalət edir.xeber100.com

Yerli və beynəlxalq aviareys təxirə salınıb

Yaponiyada güclü “Talim” tufanına görə 586 yerli və beynəlxalq aviareys təxirə salınıb. Hazırda “Talim” tufanı Yaponiyanın cənubundakı Kaqoşima prefekturası ərazisindədir və şimal-şərq istiqamətində hərəkət edir. Tufanın mərkəzində havanın təzyiqi 975 hektapaskala bərabərdir və küləyin surəti saniyədə 30 metrə çatır. Sinoptiklərin bildirdiyinə görə, Kyuşu və Şikoku adalarında sentyabrın 17-də 350 millimetr yağıntı düşəcəyi gözlənilir.Yaponiyanın JAL (Japan Airlies) və ANA (All Nippon Airways) kimi nəhəng aviaşirkətləri müvafiq olaraq 151 və 225 daxili reysi təxirə salmağa məcbur olublar.“Peach Aviation” aviaşirkəti isə 53 daxili və beynəlxlaq reys, “Jetstar” şirkəti isə 43 reysin tufan səbəbindən təxirə salındığını bildirib. Bundan əlavə, “Japan Air Commuter”, “Skymark airlines”, “Solaseed Air”, “Spring Japan”, “Japan Transocean” və “Vanila Air” aviaşirkətləri də ümumilikdə 43 reysin uçuşunu müvəqqəti dayandırıblar.xeber100.com

Kanada hökumətinin qənaətinə görə…

Kanada hökuməti vergi planlaşdırmasının geniş yayılmış üç metodunun ləğv edilməsi ilə bağlı məsləhətləşmələrə başlayıb.Azərtac vergiler.az saytına istinadla bildirir ki, hökumətin qənaətinə görə, bu metodlar vergi ödəməkdən böyük məbləğlərdə yayınmağa şərait yaradır.Hökumət zəngin vətəndaşlara məxsus gəlirlərin bir hissəsinin onların ailə üzvlərinin adlarına keçirilməsinin qarşısını almaq niyyətindədir. Çünki gəlirlərin adlarına köçürüldüyü insanların vergi öhdəliyi əhəmiyyətli dərəcədə aşağı olur. Bundan əlavə, korporasiyaların öz gəlirlərini bilərəkdən az göstərdiklərinə və gəlirlərin bir hissəsinin yüksək vəzifəli rəhbərlərin adına mükafat olaraq keçirilməsinə də tez-tez rast gəlinir.Bu sahədə aparılan müzakirələrlə əlaqədar olaraq, Kanadanın iri 35 şirkəti ölkənin maliyyə naziri Bill Mornöyə məktub göndərərək qadağanın aradan götürülməsini xahiş edib.xeber100.com

RİA Novosti agentliyinin məlumatı

Peru Konqresi ölkə hökumətinə etimadsızlıq göstərib və hökumət rəhbəri Fernando Savalo başda olmaqla, bütün Nazirlər Kabineti 72 saat ərzində istefa verməlidir. Bu barədə yerli xəbər portalı RPP məlumat yayıb.RİA Novosti agentliyi xəbər verir ki, sentyabrın 14-də Peru Konqresi ölkə hökumətinə etimad məsələsini səsverməyə çıxarıb. Yeddi saat çəkən debatlardan sonra səsvermə keçirilib, nəticədə 76 nəfər əleyhinə, 22 nəfər lehinə səs verib, 16 nəfər isə bitərəf qalıb.“Prezident Kuçinskinin (Pedro Pablo) rəhbərliyi ilə ölkəyə sədaqətlə xidmət etmək mənim üçün şərəf idi. Bütün komandam, çox sağ olun. Sizinlə işləmək mənim üçün şərəf idi”, – hökumət başçısı F.Savalo Twitter səhifəsində belə yazıb.xeber100.com

Böyük Britaniya 12,8 milyard funt-sterlinq vəsaitdən məhrum olub

Leyboristlər Partiyasının apardığı iqtisadi təhlildə göstərildiyinə görə, son beş il ərzində vergilərin qanuni şəkildə minimallaşdırılması metodlarının tətbiqi sayəsində Böyük Britaniya iqtisadiyyatı 12,8 milyard funt-sterlinq vəsaitdən məhrum olub.Azərtac vergiler.az saytına istinadla bildirir ki, vergilərin minimallaşdırılması nəticəsində fiziki şəxslərin və iri korporasiyaların ödəmədikləri ümumi məbləğ 365 məktəbin və ya 21 xəstəxananın dəyəri qədərdir.Ehtimal var ki, əslində, göstərilən rəqəm daha böyük ola bilər, çünki iqtisadi təhlil zamanı Böyük Britaniyanın ratifikasiya etdiyi beynəlxalq vergi sazişləri nəzərə alınmayıb. Ölkə siyasətçiləri vergilərin minimallaşdırılmasına imkan verən qanun boşluqlarını aradan qaldırmağa və vergitutma sahəsini daha da şəffaflaşdırmağa çağırırlar.xeber100.com

“The Wall Street Journal” yazır…

Venesuela satdığı neft və neft məhsullarının dəyərinin ödənilməsində ABŞ dollarından imtina etmək qərarına gəlib. "vistanews.ru" xəbər verir ki, ABŞ-ın Venesuela iqtisadiyyatına təsirini azaltmaq üçün hakimiyyət neftlə ticarət zamanı ABŞ dolları ilə hesablaşmaları dayandırmağa göstəriş verib. Hazırda bütün köçürmələr avro ilə həyata keçirilir."The Wall Street Journal"ın məlumatına görə, bundan sonra Venesuela neft bazarında ABŞ dolları ilə hesablaşmalar aparmayacaq. Bununla yanaşı, qeyd edilir ki, ABŞ dollarının qadağan olunması barədə rəsmi göstəriş verilməyib, artıq neft ticarətçiləri avroya keçiblər.Ekspertlər bildirirlər ki, Venesuela bu üsulla Amerika sanksiyalarının ölkə iqtisadiyyatına təsirindən maksimum yaxa qurtarmaq istəyir.xeber100.com

NHK telekanalının məlumatına görə…

Yaponiyada NHK telekanalının keçirdiyi son sosial sorğunun nəticələrinə görə, Baş nazir Şinzo Abenin rəhbərlik etdiyi hökuməti dəstəkləyənlər 44 faizə çatıb. Bu da əvvəlki ayla müqayisədə beş faiz çoxdur.Hökumətə etimad göstərməyənlərin də yeddi fazi azalaraq 36 faiz təşkil edib. Son üç ayda ilk dəfədir ki, hökuməti dəstəkləyənlər onun əleyhinə olanları üstələyir.Sorğu zamanı hökuməti dəstəkləyənlərin 50 faizinin rəyinə görə, Ş.Abenin kabineti əvvəlkilərdən yaxşıdır. Respondentlərin 16 faizi qeyd edib ki, hökumət öz planlarını reallaşdıra biləcək.Nazirlər Kabinetini dəstəkləməyənlərin 35 faizi Ş.Abeyə inanmadığını bildirib, 33 faiz isə hökumətin siyasətinin həyata keçirilməsi planından böyük uğurlar gözləmədiyini deyib.xeber100.com

“Apple” korporasiyası təqdimat çərçivəsində

"Apple" korporasiyası Kaliforniyada keçirilmiş təqdimat çərçivəsində yeni "Apple Watch" qurğusunu təqdim edib.Azərtac xəbər verir ki, məlumata görə, "Apple Watch Series 3" cihazı "LTE" dəstəkli daxili mobil modula malikdir. Beləliklə, saat vasitəsilə zəng etmək və musiqi yükləmək olar.Cihazın displeyi, həm də antena rolunu oynayır. "Apple Watch" qurğusunun korpusu əvvəlki nəsillə müqayisədə dəyişməyib. Yeni nəsil saat yeni "Apple W2" prosessoru ilə təchiz edilib. Bunun sayəsində əvvəlki nəsildən 70 faiz daha məhsuldardır. Həmçinin korpusdakı "Digital Crown" düyməsi qırmızı rəngdədir.Qurğu sentyabrın 22-dən satışa çıxarılacaq. "LTE" versiyanın qiyməti 400 dollardan, mobil modulsuz versiyanın qiyməti isə 330 dollardan başlayacaq.xeber100.com

BMT Təhlükəsizlik Şurası qətnamə qəbul edib

BMT Təhlükəsizlik şurası Koreya Xalq Demokratik Respublikasına (KXDR) qarşı onun idxal və ixrac əməliyyatlarını kəskin şəkildə azaldacaq yeni sanksiyaların tətbiqini nəzərdə tutan qətnaməni qəbul edib. Müvafiq sənəd Təhlükəsizlik Şurasının üzvləri tərəfindən yekdilliklə qəbul olunub.Sənədə əsasən, KXDR-ə neft məhsullarının tədarükünə məhdudiyyətlər qoyulacaq. Eyni zamanda, bu ölkəyə xam neftin göndərilməsi üçün limit də müəyyən edilib. Həmin göstərici son 12 aylıq normanı üstələyə bilməz. KXDR, həmçinin kondensatları və qaz kondensatlarını ala və toxuculuq məhsullarını sata bilməz.Qətnamədə qeyd edilir ki, BMT Təhlükəsizlik Şurası altıtərəfli danışıqları dəstəkləməyə hazırdı və bu danışıqların bərpasına çağırır. Təhlükəsizlik Şurası, həmçinin dövlətlərin problemi sülh danışıqları yolu ilə hərtərəfli həll etmək təklifini də alqışlayır.xeber100.com