“Baker Hughes”in məlumatına əsasən…

ABŞ-da fəaliyyətdə olan neft-qaz quyularının ümumi sayı ötən hesabat həftəsində 7 ədəd artaraq 665-ə çatıb.“Baker Hughes” şirkəti  xəbər verir ki, ABŞ-da aktiv neft quyuları 529, qaz quyuları 135, qarışıq fəaliyyət göstərən quyuların sayı isə dəyişməyərək 1 ədəd olub.xeber100.com

Ria Novosti agentliyinin məlumatına görə…

Polşada iki gün davam edən güclü saxta 10 nəfərin həyatına son qoyub. Ria Novosti agentliyi xəbər verir ki, Polşanın Dövlət Təhlükəsizlik Mərkəzinin nümayəndəsinin sözlərinə görə, həlak olan 7 nəfərin cəsədi yanvarın 6-da, 3-ü isə yanvarın 7-də tapılıb.Sinoptiklər yanvarın 7-də temperaturun mənfi 14 dərəcəyə kimi düşəcəyi barədə xəbərdarlıq ediblər.xeber100.com

Humanitar böhranla bağlı xəbərdarlıq…

Britaniya Qızıl Xaç Cəmiyyəti hökumətə İngiltərə xəstəxanalarındakı humanitar böhranla bağlı xəbərdarlıq edib. Qeyd edilib ki, bir çox xəstəxanalarda yetərli qədər palata və yataq olmadığından xəstələr evə göndərilir.Qış aylarında xəstəliklərin və tibbi yardıma ehtiyacı olanların sayının artması da bu böhranı kəskinləşdirib. Məlumatda qeyd edilir ki, 2 nəfər xəstəxana dəhlizində vəfat edib. Britaniya Milli Səhiyyə Xidmətindən verilən məlumatda məsələ ilə bağlı araşdırma aparıldığı, problemlərin tezliklə aradan qaldırılaraq xəstələrin təhlükəsizliyinin təmin ediləcəyi və ehtiyacı olanlara təcili tibbi yardımın göstəriləcəyi bildirilib.xeber100.com

ABŞ-ın enerji ixracatçısına çevriləcəyi proqnozlaşdırılır

ABŞ-ın 2026-cı ildən etibarən xalis enerji ixracatçısına çevriləcəyi proqnozlaşdırılır.Azərtac xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb.Xam neftin qiymətinin bahalaşması istehsalçılar üçün əlverişli iqtisadi şərait yaradır. Lakin qiymətin artmasına baxmayaraq istehlak çox aşağıdır.Mövcud texnologiya və daha əlverişli resurslar üzrə əhəmiyyətli irəliləyiş olmasa ABŞ-ın enerji istehsalı 2030-cu ildə azalacaq.xeber100.com

“Rosneft” şirkətinin neft hasilatı artıb

2016-cı ildə Rusiyanın neft hasilatı 2,5 faiz, neft ixracı isə 4,8 faiz artıb.Azərtac xəbər verir ki, ölkənin ümumi neft hasilatı 2,5 faiz artımla 547,5 milyon ton olub.Ötən il ölkənin ən böyük neft istehsalçısı olan “Rosneft” şirkətinin hasilatı 0,5 faiz artaraq 209,96 milyon ton təşkil edib. Rusiyanın nəhəng neft şirkəti “Lukoil”un istehsalı 2,8 faiz azalaraq 83,57 milyon ton olub. “Bashneft” istehsalını 6,3 faiz artıraraq 20,8 milyon tona çatdırıb, “Tatneft”in isə neft hasilatı 5,3 faiz çoxalaraq 28,69 milyon ton təşkil edib.Rusiyanın neft ixracı 2016-cı ildə 4,8 faiz artaraq 253,9 milyon ton olub. Ötən ilin dekabr ayında isə ölkənin neft ixracı 3,5 faiz artımla 20,97 milyon tona yüksəlib.xeber100.com

“Deutsche Bank” 95 milyon dollar cərimə ödəyəcək

Almaniyanın “Deutsche Bank”ı vergidənyayınma ittihamlarına son qoymaq üçün ABŞ-ın hakimiyyət orqanlarına 95 milyon dollar cərimə ödəməyi qəbul edib.“lemonde.fr” saytı bildirir ki, bu barədə işə baxan prokuror məlumat verib.ABŞ Ədliyyə Nazirliyi yaydığı açıqlamada qeyd edib ki, ABŞ hökuməti “Deutsche Bank”ın vergidən yayınmaq üçün tədbirlər gördüyünü sübuta yetirib və bankın 95 milyon dollar həcmində cərimə ödəməsini tələb edib.Qeyd edək ki, 2000-ci ildə Almaniya bankı saxta şirkət yaradaraq ABŞ-ın vergi qanunvericiliyini pozmağa cəhd göstərib.xeber100.com

Çin Milli Kosmik Administrasiyası məlumatı…

Çin qarşıdakı 10 il ərzində kosmosa müxtəlif təyinatlı təxminən 100 peyk göndərməyi planlaşdırır. Bu barədə Çin Milli Kosmik Administrasiyası məlumat yayıb.Çin 2030-cu ilədək kosmonavtika sahəsində ən inkişaf etmiş ölkələr sırasına daxil olmağı qarşıya məqsəd qoyub. Bununla əlaqədar olaraq ölkənin kosmik sənayesinin inkişafı ilə bağlı xüsusi plan hazırlanıb.xeber100.com

Türkiyə Böyük Millət Məclisinin qərarına əsasən…

Türkiyədə fövqəladə vəziyyət rejimi daha 3 ay müddətinə uzadılıb.Anadolu agentliyi xəbər verir ki, Türkiyə Böyük Millət Məclisi ölkədə fövqəladə vəziyyət rejiminin yanvarın 19-dan etibarən 3 ay müddətinə uzadılmasına dair qərar qəbul edib.Türkiyədə fövqəladə vəziyyət iyulun 15-də dövlət çevrilişinə cəhddən sonra üç ay müddətinə tətbiq edilib və oktyabrın 29-da daha üç ay uzadılıb.xeber100.com

TASS agentliyinin məlumatına görə…

Rumıniya Sosial-Demokrat Partiyasının lideri, liberallar və demokratlar alyansının rəhbəri Liviu Draqnya və ölkənin Baş naziri təyin edilmiş Sorin Qrindyanu keçirdikləri mətbuat konfransında hökumətin yeni tərkibini elan ediblər.TASS agentliyi xəbər verir ki, yeni ikipartiyalı kabinetdə xarici işlər naziri vəzifəsi Teodor Maleşkanuya həvalə edilib. O, artıq dörd dəfə bu vəzifədə çalışıb, həmçinin Xarici Kəşfiyyat Xidmətinə rəhbərlik edib.Əvvəllər Milli Müdafiə Nazirliyində silahlanma üzrə dövlət katibi işləmiş Qabriel Leş ölkənin milli müdafiə naziri vəzifəsini tutacaq. Ədliyyə naziri vəzifəsində isə Deputatlar Palatasının keçmiş spikeri Florin Yordake çalışacaq.xeber100.com

4,1 bal gücündə zəlzələ baş verib

Türkiyənin Antalya vilayətində 4,1 bal gücündə zəlzələ baş verib.Anadolu agentliyi xəbər verir ki, saat 03:08-də qeydə alınan yeraltı təkanın ocağı 44,36 kilometr dərinlikdə yerləşib.Dağıntılar və xəsarət alanlar barədə məlumat verilmir.xeber100.com