5,5 bal gücündə zəlzələ baş verib

Yaponiyanın şərqində 5,5 bal gücündə zəlzələ baş verib. Bu barədə ABŞ Geoloji Xidməti məlumat yayıb.Yeraltı təkanlar dekabrın 30-da, yerli vaxtla saat 20:08-də Fukuşima prefekturasının Namie yaşayış məntəqəsində qeydə alınıb. Zəlzələnin ocağı 11,9 kilometr dərinlikdə yerləşib.xeber100.com

Bloomberq agentliyinin məlumatına görə…

BMT-nin Baş katibi Pan Gi Mun vəzifə səlahiyyətlərinin başa çatması ilə əlaqədar Nyu Yorkdakı Baş Assambleyada əməkdaşlarla görüşərək təşkilatdan ayrılıb.Bloomberq agentliyi xəbər verir ki, 10 ildir BMT-nin Baş katibi olmağından qürur duyduğunu vurğulayan Pan Gi Mun Times Meydanında Yeni il şənliklərinə qatılacaq.BMT-nin doqquzuncu baş katibi seçilən portuqaliyalı Antonio Quttereş isə yanvarın 1-dən vəzifəsinin icrasına başlayacaq.xeber100.com

BP şirkəti 20 illik müqavilə imzalayıb

Enerji nəhəngi BP şirkəti Taylandın “PTT” şirkəti ilə mayeləşdirilmiş təbii qazın (liquefied natural gas-LNG) 20 il ərzində alqı-satqısı üzrə müqavilə imzalayıb.Azərtac şirkətə istinadla xəbər verir ki, BP 2017-ci ildən başlayaraq “PTT”ni ildə 1 milyon ton LNG ilə təmin edəcək.Sazişin kommersiya şərtləri açıqlanmayıb.xeber100.com

Danimarkanın ən böyük təbii qaz yatağının bağlanacağı açıqlanıb

“Maersk Oil” tərəfindən işlədilən Danimarkanın ən böyük təbii qaz yatağının bağlanacağı açıqlanıb.Azərtac xəbər verir ki, “Tyra” yatağında qalan ehtiyatların tam olaraq istifadə edilməsi üçün iqtisadi baxımdan tətbiq olunan bir həll hələ ki, müəyyən edilməyib və yataqdan hasilatın 2018-ci il oktyabrın 1-dən dayandırılması qərara alınıb.“Tyra” 1984-cü ildən bəri Danimarkanın Şimal dənizində yerləşən təbii qaz hasilatı və emalı mərkəzidir. “Maersk Oil” son 15 ildir “Tyra”da fəaliyyət göstərən neft qurğusunun qoyulan investisiyalara baxmayaraq, yer altındakı əhəng qatının dağılması və fırtınalar ilə əlaqədar heç vaxt tam gücü ilə işləmədiyini bildirib. İstehsalın dayandırılması barədə qərarda təbii amillərin mühüm payı olduğunu vurğulayıb.Danimarkanın qaz hasilatının 90 faizdən çoxu “Tyra”da qurğuları vasitəsilə işlənilir. “Tyra”da “A.PL Moller – Maersk” 31,2 faiz, “Shell” 36,8 faiz, “Nordsøfonden” 20 faiz və “Chevron” 12 faiz iştirak payına malikdirlər. Yataq birgə ortaqlıq olan “DUC” adına “Maersk Oil” tərəfindən işlədilir.xeber100.com

Finlandiya hökuməti əmlakla bağlı verginin artırılmasını təklif edib

Finlandiya hökuməti gələn ilin büdcəsi üçün bələdiyyə mülkiyyətində olan əmlakla bağlı verginin artırılmasını təklif edib. “vergiler.az” saytı bildirir ki, hazırda daimi yaşayış üçün istifadə edilməyən əmlak və torpaq üçün vergi tutulan əmlakın dəyərinin 0,1-1,55 faizi həcmində müxtəlif dərəcələrlə vergi tutulur. Bu verginin dərəcəsi gələn il 0,93-1,8 faiz səviyyəsinə qaldırıla bilər.Bundan əlavə, gələn il ərzində daimi yaşayış olan əmlak üçün də verginin dərəcəsi 0,37-0,8 faizdən 0,41-0,9 faizə qədər artırılması nəzərdə tutulur.Tikinti üçün ayrılmış torpaq sahələri üçün də vergi 1-4 faizdən 2-6 faizə qədər artırılacaq.xeber100.com

Dəmir yollarının tikintisinə 500 milyard dollar xərclənəcək

Çin ölkə daxilində nəqliyyat əlaqəsinin yaxşılaşdırılması və iqtisadi artımı dəstəklənməsi üçün 2020-ci ilə qədər yüksək sürətli dəmir yolları şəbəkəsinin genişləndirilməsinə 3,5 trilyon yuan (503 milyard dollar) sərf etməyi planlaşdırır. Belə yolların şəbəkəsinin uzunluğunun 30 min kilometrədək artırılması nəzərdə tutulur. “lenta.ru” saytı xəbər verir ki, bu sistem ölkənin iri şəhərlərinin 80 faizini birləşdirəcək. Şəhərin tranzit sistemi, öz növbəsində, üç min kilometr genişləndiriləcək.Hökumət yeni magistrallarının tikintisi üçün özəl investisiyalar cəlb etməyə hazırlaşır. Bu, həm şəhərlərarası, həm də şəhərdaxili xətlərə aiddir.xeber100.com

Rusiya hökuməti yeni qanun layihəsi qəbul edib

“Türk axını” (Turkish Stream) qaz boru kəmərinin Qara dənizdən keçəcək hissəsi üzrə borular 2017-ci ilin ikinci yarısında çəkiləcək.“ria.ru” xəbər verir ki, bu barədə Rusiyanın enerji nəhəngi “Gazprom”un idarə heyətinin sədri Aleksey Miller deyib.“Türk axını” üçün lazımi icazə və razılıqlar alınıb. Rusiya sərhədləri daxilindəki inşaat işləri tamamilə bitib. 2017-ci ilin ikinci yarısında Qara dənizdən boruların çəkilməsinə başlanılacaq”, - deyə A.Miller əlavə edib.“Türk axını”nın 910 kilometrlik hissəsi Qara dənizdən, 180 kilometrlik hissəsi isə Türkiyə sərhədləri daxilində olacaq. Boru kəməri üçün 11,4 milyard avro investisiya qoyulacaq.Xatırladaq ki, dekabrın 16-da Rusiya hökuməti “Türk axını” qaz boru kəməri üzrə müqavilənin təsdiq olunması barədə qanun layihəsini qəbul edib. “Türk axını” müqaviləsinin qəbul olunması üzrə qanun layihəsinin təsdiq edilərək Dövlət Dumasına göndərilməsinə qərar verilib. Rusiya Dövlət Dumasının “Türk axını” qaz boru kəməri ilə bağlı sazişi gələn ilin yanvarında ratifikasiya etməsi nəzərdə tutulur.Dekabrın 6-da isə Türkiyə Respublikasının Prezidenti Rəcəb Tayyib Ərdoğan Rusiya təbii qazını Qara dənizi keçməklə Türkiyəyə çatdıracaq “Türk axını” qaz boru kəməri layihəsi üzrə iki ölkə arasında imzalanan hökumətlərarası sazişi ratifikasiya edib.Oktyabrın 10-da Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putinin görüşündə “Türk axını” qaz boru kəməri layihəsi üzrə hökumətlərarası saziş imzalanıb. Sazişi Türkiyənin enerji və təbii sərvətlər naziri Berat Albayrak və Rusiyanın energetika naziri Aleksandr Novak imzalayıblar.“Türk axını” ilə Rusiya təbii qazının Türkiyədən keçməklə Avropaya çatdırılması nəzərdə tutulur. Kəmərlə ümumilikdə 31,5 milyard kubmetr qazın Avropanın, qalan hissəsinin isə Türkiyənin daxili tələbatının ödənilməsi üçün istifadə edilməsi planlaşdırılır. Layihə üzrə iki boru kəmərinin tikilməsi nəzərdə tutulur.xeber100.com

Yaponiya Meteorologiya Agentliyinin məlumatına görə…

Dekabrın 28-də axşam saatlarında Tokionun şimalında yerləşən İbaraki prefekturasında güclü zəlzələ baş verib. Sunami xəbərdarlığı elan edilməyib.Yaponiya Meteorologiya Agentliyinin məlumatına görə, zəlzələ prefekturanın şimal hissəsində yerli vaxtla saat 21:38-də baş verib.Yeraltı təkanların gücü 6,3 bal olub və episentri 11 kilometr dərinlikdə yerləşib.Takahaki şəhərində yapon yeddi ballıq seysmik cədvəlinə əsasən “6 minus” intensivliyində təkanlar qeydə alınıb. Yeraltı təkanlar paytaxt Tokio da daxil olmaqla, Yaponiyanın şərqində geniş ərazidə hiss olunub.xeber100.com

“Tu-154” təyyarəsinin qəzası ilə bağlı məlumat verilib

Rusiya Müdafiə Nazirliyindən “Tu-154” təyyarəsinin qəzası ilə bağlı təhqiqatın gedişi barədə məlumat verilib. Məlumatda deyilir ki, hava gəmisi kapitanının işlətdiyi bir ifadə göyərtədə “xüsusi vəziyyət” yaranmasından xəbər verir.Rusiyanın NTV telekanalının yaydığı xəbərə görə, RF Silahlı qüvvəlində aviasiya uçuşlarının təhlükəsizliyi xidmətinin rəisi Sergey Baynetov deyib: hər şey yetərincə qaydasında olub, amma komandirin səsləndirdiyi bir ifadənin təhlilindən belə görünür ki, təyyarədə “xüsusi vəziyyət” başlayıb və inkişaf edib. Cəmi 10 saniyə sürən radio danışığı hələlik bundan başqa heç nə demir.Baynetov, həmçinin qeyd edib ki, yığılan məlumatlar öyrənildikdən sonra qəza versiyalarının sayı 15-dən 7-dək azalıb. Bununla bərabər, əsas versiya barədə danışmaq hələ tezdir. Komissiya bu nəticəyə gəlib ki, təyyarənin göyərtəsində partlayış baş verməyib. Amma terror aktı hələlik versiyalar siyahısından silinməyib.xeber100.com

TASS informasiya agentliyinin məlumatı…

İraq bu ölkənin ərazisində fəaliyyət göstərən İŞİD terror qruplaşmasını üç ay ərzində darmadağın edəcək. Bu bəyanatı İraqın Baş naziri Heydər əl-Abadi səsləndirib.TASS informasiya agentliyinə istinadla xəbər verir ki, baş nazirin sözlərinə görə, İŞİDİ tam məhv etmək üçün İraqa üç ay vaxt lazımdır.Hazırda İraq ordusu ölkənin ikinci böyük şəhəri olan Mosulun qruplaşmadan azad edilməsi istiqamətində əməliyyatlar aparır. Bu şəhər iki ildən çoxdur ki, İŞİD yaraqlılarının nəzarətindədir və qruplaşmanın İraqdakı paytaxtı sayılır. Mosulda yerüstü hərbi kampaniya oktyabrın 17-də başlayıb. Əməliyyatlarda ordu ilə yanaşı, şiə könüllüləri, kürd döyüşçülərindən ibarət “Peşmərgə” dəstələri iştirak edirlər. Onları İraq Hərbi Hava Qüvvələri və beynəlxalq koalisiyanın aviasiyası dəstəkləyir.Bu ərəfədə İraq və Suriyada İŞİD-ə qarşı beynəlxalq əməliyyatların komandanı general-leytenant Stiven Taunsend bəyan etmişdi ki, qruplaşmanın bütünlüklə məhv edilməsi azı iki il çəkəcək.xeber100.com