Macarıstan məhkəməsinin qərarına əsasən…

Qucağında uşaq olan suriyalı qaçqına badalaq vurmuş N1TV özəl internet-telekanalının jurnalisti Petra Lasloya üç il şərti həbs cəzası verilib. Hökmü Macarıstanın Seqed şəhər məhkəməsi çıxarıb. Hadisə 2015-ci ildə ölkənin Serbiya sərhədi yaxınlığında - Macarıstanın cənubunda qaçqın qəbulu məntəqəsi yanında baş verib. Videoyazıda qucağında uşaq tutan suriyalıya jurnalistin necə badalaq vurması və bunun nəticəsində kişinin yıxılması aydın görünür. Videoçarx “YouTube” portalında yerləşdirilib və böyük əks-səda doğurub Petra Laslo işdən azad edilib, 2016-cı ilin sentyabrında isə Seqed şəhər prokuroru onun haqqında xuliqanlıq ittihamı üzrə istintaq işinə başlayıb.Jurnalist üzr istəyərək öz hərəkətinin səbəbini təlaş içində olması, ona tərəf qaçan insan izdihamından qorxması ilə izah edib.xeber100.com

Təhlükəsizlik üçün 300 milyon avro ayrılacaq

Parisin simvolu olan Eyfel qülləsinin təhlükəsizliyi və yenilənməsi üçün 300 milyon avro sərf olunacaq.Anadolu agentliyi xəbər verir ki, Paris Bələdiyyə Məclisi tərəfindən bu ayın sonunda səsverməyə çıxarılacaq 15 illik büdcə ilə Eyfelin yenilənməsi və təhlükəsizliyi təmin ediləcək.Parisin Sosialist Partiyasından olan bələdiyyə sədri Anne Hidalgo Parisin 2024-cü ildə keçiriləcək Yay Olimpiya Oyunlarına və “2025 Expo”ya namizəd olduğunu xatırladaraq həm Eyfel qülləsinin, həm də Parisin marka dəyərini artıracaqlarını deyib.Bələdiyyə məclisinin qəbul edəcəyi 15 illik plan üzrə hər il 20 milyon avro xərclənməsi planlaşdırılır.Dünyanın ən çox turist qəbul edən ilk 3 şəhəri arasında yer alan Parisdəki Eyfel qülləsini 2015-ci ildə təxminən 7 milyon turist ziyarət edib.xeber100.com

“Sberbank” robotlarla çalışmaq niyyətindədir

Rusiyanın "Sberbank"ı üç min əməkdaşını işdən azad edərək, onları robotlarla əvəzləmək niyyətindədir. "lenta.ru" xəbər verir ki, bu barədə bankın idarə heyətinin sədr müavini Vadim Kulik bildirib. Onun sözlərinə görə, robot-hüquqşünaslar artıq 2016-cı ilin sonunda işə salınıb. Hazırda robotlar digər istiqamətlər üzrə hazırlanır. Robotların əvəz edəcəyi bank əməkdaşlarının bir hissəsi yenidən təlim proqramında iştirak edəcək, digərləri isə ixtisar olunacaq.xeber100.com

Beynəlxalq Miqrasiya Təşkilatının məlumatına görə…

2017-ci ilin ilk 12 günündə Avropaya dəniz yolu ilə mindən çox miqrant və qaçqın gəlib.Azərtac xəbər verir ki, Beynəlxalq Miqrasiya Təşkilatının məlumatına görə, yanvarın 12-dək əsasən Yunanıstan və İtaliya vasitəsi ilə Avropaya keçən miqrant və qaçqınların sayı 1159 nəfər təşkil edib. Həmin müddətdə Türkiyədən Yunanıstana yalnız 430 miqrant keçib. Halbuki ötən ilim müvafiq dövründə onların sayı 22 min nəfəri ötmüşdü.Hazırda Avropa ikinci dünya müharibəsindən sonra ən ciddi miqrasiya böhranı yaşayır. Bu böhran ilk növbədə Yaxın Şərq və Şimali Afrika ölkələrindəki silahlı münaqişələrdən və iqtisadi problemlərdən qaynaqlanır.xeber100.com

Konstitusiyada dəyişikliklərlə bağlı…

Türkiyə Böyük Millət Məclisi ölkə konstitusiyasına dəyişikliklərlə bağlı təklifin üçüncü maddəsini qəbul edib.Anadolu agentliyi xəbər verir ki, maddənin lehinə 341, əleyhinə isə 139 səs verilib. Gizli səsverməyə 485 deputat qatılıb. Təklifin üçüncü maddəsinə əsasən, seçkilərdə iştirak üçün minimum yaş həddi 25-dən 18-ə endirilir, həmçinin hərbi qulluqçular millət vəkilliyinə namizədliklərini irəli sürə bilməzlər.xeber100.com

7,2 bal gücündə zəlzələ baş verib

Sulavesi dənizinin Filippin sahillərində 7,2 bal gücündə zəlzələ baş verib. Zəlzələ böyük dərinlikdə baş verdiyinə görə ciddi dağıntılara və sunamiyə səbəb olmayıb.Filippin Vulkanologiya və Seysmologiya İnstitutunun əməkdaşı Renato Solidum bildirib ki, dəniz səthindən 625 kilometr dərinlikdə yerləşən okean plitələrinin hərəkəti nəticəsində baş verən təkanlar ölkənin cənubunda yerləşən General Santos şəhərində hiss olunub. Zəlzələnin episentri Sulu əyalətindən 223 kilometr cənub-şərqdə yerləşib. Bununla yanaşı, təkrar təkanların baş verəcəyi də gözlənilir.xeber100.com

ABŞ-ın 44-cü Prezidentinin xalqa müraciəti…

ABŞ Prezidenti Barak Obama yanvarın 10-da Çikaqodakı “Makkormik-pleys” mərkəzində vida nitqi ilə çıxış edib. Prezident Amerika xalqına müraciətlə qeyd edib ki, son səkkiz ildə ABŞ bir sıra göstəricilər üzrə irəliləyişə nail olub.Obama Amerika cəmiyyətinin problemləri barədə söhbət açaraq qeyd edib ki, ABŞ-da demokratiya üçün əsas təhlükə mənbələrindən biri irqçilik və iqtisadi qeyri-bərabərlikdir. O, terrorizmin dünya nizamı və Birləşmiş Ştatlar üçün təhdid olmasını da xatırladıb.ABŞ-ın 44-cü Prezidenti Amerika xalqına müraciət edərək ölkənin siyasi həyatında daha fəal olmağa, öz seçki hüququndan və siyasətdə iştirak etmək azadlığından istifadə etməyə çağırıb.xeber100.com

NHK televiziya kanalının məlumatına əsasən…

ABŞ silahlı qüvvələri radarlar tərəfindən çətinliklə qeydə alınan F-35 qırıcı təyyarələrinin Yaponiyanın qərbində yerləşdirilməsinə başlayıb.NHK televiziya kanalının ABŞ hərbi-dəniz piyadaları korpusuna istinadla yaydığı məlumatda bildirilir ki, yanvarın 10-da 10 ədəd F-35 təyyarəsi Arizona ştatında yerləşən aviabazanı tərk edib. Həmin təyyarələrin bir neçə gündən sonra Yaponiyanın Yamaquçi prefekturasındakı İvakuni bazasına çatacağı və buradakı köhnə FA-18 qırıcılarını əvəz edəcəyi gözlənilir.Yeni görünməyən qırıcı təyyarələr ilk dəfə olaraq ABŞ-dan kənardakı aviabazaya yerləşdiriləcək. Bu təyyarələr, həmçinin qısa məsafədən havaya qalxma və şaquli enmə qabiliyyətinə malikdir.xeber100.com

SS-520 kosmik raketi təqdim edilib

Yaponiya Aerokosmik Məkanın Mənimsənilməsi Agentliyi kiçik süni peykləri orbitə çıxara bilən, çox da baha başa gəlməyən kosmik raket təqdim edib. Uzunluğu 10 metrdən az olan raketin diametri təqribən 50 santimetrə bərabərdir.Agentliyin əməkdaşları bu raketi yanvarın 11-də ölkənin cənub-qərbində yerləşən Uçinoura Kosmik Tədqiqatlar Mərkəzindəki uçuş meydançasından kosmosa buraxmağı planlaşdırırlar.SS-520 raketi uzunluğu 35 santimetr, çəkisi 3 kiloqram olan süni peyki orbitə çıxaracaq. Həmin süni peyk Yerin fotolarını çəkəcək və məlumatları yerdəki idarəetmə mərkəzinə göndərəcək.xeber100.com

TASS informasiya agentliyinin məlumatı…

Almaniyanın sabiq federal prezidenti Roman Hertsoq 82 yaşında vəfat edib.TASS informasiya agentliyi xəbər verir ki, Roman Hertsoq (Xristian-Demokratik İttifaqı) 1994-cü ildən 1999-cu ilədək Almaniya Federativ Respublikasının prezidenti olub.O, 1934-cü il aprelin 5-də Landshut şəhərində (Bavariya) doğulub. Münxen Universitetini bitirib. 1966-cı ildə Berlin Azad Universitetində dövlət hüququ kafedrasına başçılıq edib. Karlsrue Federal Konstitusiya Məhkəməsinin sədri olub, Baden-Vyurtemberq torpağının Daxili İşlər Nazirliyinin başçısı vəzifəsində çalışıb. 1994-cü ildə birləşmiş Almaniyanın il prezidenti seçilib. 1999-cu ildə bu vəzifədə onu Yohaness Rau əvəz edib.Almaniya dövlətinin hazırkı başçısı Yoahim Qauk Hertsoqun həyat yoldaşı Aleksandre fon Berlihingenə başsağlığı verib. “O, Almaniyanın milli şüurunu formalaşdıran dahi şəxsiyyət olub”, -deyə Qauk qeyd edib. Onun fikrincə, Hertsoq “əhalinin əksəriyyətinin simpatiyasını və hörmətini qazanaraq vətəndaşlar və siyasətçilər arasında qarşılıqlı anlaşmanın möhkəmlənməsinə böyük töhfə verib”.xeber100.com