Britaniya hökuməti 440 milyon funtsterlinq vəsait ayırıb

Britaniya hökuməti super sürətli internet üçün 440 milyon funtsterlinq vəsait ayırıb.Layihəyə əsasən Birləşmiş Krallığın ən ucqar nöqtələri belə internet imkanlarından faydalana biləcək. 2017-ci ildə 95 faiz evlər internet ilə təmin ediləcək və 2020-ci ildə artıq Birləşmiş Krallığın 97 faiz əhalisi rabitə imkanlarına malik olacaq. Layihəyə əsasən internet sürətinin 100mb/s qədər yüksəldilməsi planlaşdırılıb.xeber100.com

“Malaysia Airlines”ın məlumatına görə…

“Malaysia Airlines” şirkətinə məxsus sərnişin təyyarəsi dekabrın 22-də qapılardan birində yaranan texniki nasazlığa görə London aeroportuna qəzalı eniş edib. Bu barədə şirkətin yaydığı məlumatda bildirilir.Hadisə Böyük Britaniyanın paytaxtından Kuala Lumpura uçan “Airbus A380” təyyarəsi Almaniyaya məxsus hava məkanında olarkən baş verib. Şirkətdən bildirilir ki, sərnişinlərin təhlükəsizliyini təmin etmək üçün kapitan təyyarənin geriyə dönməsi və qəzalı eniş etməsi barədə qərar qəbul edib.xeber100.com

TASS informasiya agentliyinin məlumatı…

Rusiyanın İrkutsk şəhərində tərkibində spirt olan "Boyarişnik" lasyonundan zəhərlənərək ölənlərin sayı 71 nəfərə, zərərçəkənlərin sayı isə 117 nəfərə çatıb.Bu barədə TASS-ın müxbirinə Rusiya Səhiyyə Nazirliyinin regional nümayəndəliyindən bildirilib. Məlumatda bildirilir ki, zərərçəkənlərin biri gecə ərzində xəstəxanada dünyasını dəyişib. Hazırda tibb müəssisələrində 37 nəfər müalicə alır.İrkutskda tərkibində spirt olan məhsulların satışı qadağan edilib. Qadağa ticarət nöqtələrində yoxlamalar başa çatanadək qüvvədə olacaq.Faktla bağlı araşdırma aparılır. Kütləvi zəhərlənmə ilə əlaqədar şübhəli bilinən 12 nəfər saxlanılıb.xeber100.com

Hökumət 2017-ci il dövlət büdcəsinin layihəsini bəyənib

Yaponiya hökuməti 2017-ci maliyyə ili (2017-ci ilin martından 2018-ci ilin aprelinədək) üçün dövlət büdcəsinin layihəsini bəyənib. Onun ümumi həcmi bu dəfə rekord həcmdə - 97,45 trilyon yen (831 milyard dollar) məbləğində müəyyən edilib.Büdcə layihəsində əsas məxaric bəndi kimi sosial təminat sahəsi göstərilir və bu istiqamətdə 32,47 trilyon yen (278,36 milyard dollar) vəsaitin yönəldilməsi planlaşdırılır ki, bu da əvvəlki illə müqayisədə 1,6 faiz çoxdur.Hökumət müdafiə xərcləri üçün də böyük məbləğdə vəsaitin ayrılmasını nəzərdə tutur. Bu vəsait əsasən dəniz piyadaları qüvvələrinin formalaşdırılmasına sərf olunacaq. Hərbi xərclər artıq beşinci ildir ki, artırılır. Layihəyə əsasən, gələn il müdafiə xərclərinin 1,4 faiz artırılaraq, 5,13 trilyon yenə (44 milyard dollar) çatdırılması planlaşdırılır.xeber100.com

Rusiya Dövlət Dumasının saytı yazır…

“Türk axını” (Turkish Stream) qaz boru kəməri həyata keçirilməsi üçün 7 milyard avro investisiya qoyulacaq.Rusiya Dövlət Dumasının saytına istinadla xəbər verir ki, iki boru kəmərindən ibarət “Türk axını” layihəsinin reallaşdırılması üçün lazım olan investisiya daha əvvəl “Cənub axını” layihəsi çərçivəsində həyata keçirilən xərclər də daxil olmaqla təxminən 7 milyard avro olacaq. Boru kəmərinin sualtı hissəsinin dizaynı, tikintisi və işlənməsi Rusiya tərəfindən həyata keçiriləcək. İlk boru kəmərinin quru hissəsinin inşasını Türkiyə tərəfi icra edəcək. Qaz tranziti üçün olan quru hissəsi üzrə işləri isə tərəflər yarı-yarıya həyata keçirəcək.xeber100.com

III Yalta beynəlxalq iqtisadi forumu keçiriləcək

2017-ci il aprelin 20-22-də III Yalta beynəlxalq iqtisadi forumu keçiriləcək."lenta.ru” xəbər verir ki, forumda iştirakçılar kosmik texnologiyalar və süni intellekt, mədəni irs kimi bir sıra məsələləri müzakirə edəcəklər. Mədəni irsin qorunub saxlanması ilk dəfə müzakirələr proqramına daxil olacaq.Tədbir üç tematik bloka bölünəcək: “Dünya”, “Ölkə”, “İnsan”. Birinci blok beynəlxalq biznes baxımından Rusiyada iqtisadi vəziyyətin müzakirəsinə həsr olunacaq. Tədbirdə xüsusilə, Rusiyanın dünya iqtisadiyyatında yeri, biznes-tərəfdaş kimi qarşılıqlı təcrübə, xarici investorlar üçün imkanlar məsələlərini nəzərdən keçirmək planlaşdırılır.Forumda dünyanın 30-dan çox ölkəsindən nümayəndələrin iştirakı gözlənilir.xeber100.com

“Mobility Report”un hesabatına əsasən…

İsveçin “Ericsson” telekommunikasiya avadanlığı istehsalçısı tərəfindən tərtib edilmiş “Mobility Report”un hesabatına əsasən, 2022-ci ilədək dünyada beşinci nəsil (“5G”) şəbəkələrinə qoşulmuş təxminən 550 milyon qurğu qeydə alınacaq.Şirkətin analitiklərinin proqnozuna görə, Şimali Amerika “5G” şəbəkələrinin yayılma tempinə görə lider olacaq: 2022-ci ilə bu regionda mobil rabitə abunəçilərinin 20 faizi yeni yüksəksürətli texnologiyadan istifadə edəcək. Müqayisə üçün, Asiya-Sakit okean regionunda bu göstərici 10 faiz təşkil edəcək.xeber100.com

ABŞ-da prezident seçkilərinin ikinci mərhələsi keçirilib

Dekabrın 19-da ABŞ-da prezident seçkilərinin ikinci mərhələsi keçirilib. Bu mərhələdə Seçkiçilər Kollegiyasının nümayəndələri birbaşa seçkilərdə səs vermiş seçicilərin səslərini “təsdiqləyirlər”.Beləliklə, yeni seçilmiş Prezident Tramp 538 seçici səsindən 304-nü toplayaraq ABŞ-ın 45-ci prezidenti olacaq (qalib gəlmək üçün 270 seçici səsi toplamaq zəruridir). Bəzi ictimai qruplar seçkiçiləri Trampın əleyhinə səs verməyə vadar etmək üçün kampaniyalar başlayıblar, lakin bu kampaniyalar uğursuz olub.xeber100.com

France Press agentliyinin məlumatı…

Almaniyanın Daxili İşlər Nazirliyi Berlinin mərkəzindəki Yeni il yarmarkasında baş vermiş faciənin terror aktı olduğunu etiraf edib.Bu barədə France Press agentliyi məlumat yayıb. Bazar ertəsi günü axşam naməlum şəxs yük avtomobilini yarmarkaya toplaşmış insanların üstünə sürüb. Azı 12 nəfər həlak olub, 48 nəfər yaralanıb.Hadisədə şübhəli bilinən şəxs tutulub. Onun 23 yaşlı pakistanlı qaçqın olduğu bildirilir.xeber100.com

100 sərnişin təyyarəsinin satışına dair müqavilə imzalanıb

İran Hava Yolları (“İran Air”) ilə Fransanın təyyarə istehsalçısı “Airbus” şirkətinin rəsmiləri arasında 100 sərnişin təyyarəsinin satışına dair yekun müqavilə imzalanıb. “IRNA” xəbər verir ki, İran Hava Yollarının baş direktoru Fərhad Pervereş müqavilənin Tehranda “Airbus” şirkətinin rəsmiləri ilə imzalandığını və “Airbus”dan 100 təyyarə alınmasına dair yekun razılığa gəlindiyini bildirib. Müqaviləyə əsasən, gələn il 7-8 təyyarə İran Hava Yollarına veriləcək.O, müqavilənin təqribən 10 milyard dollar dəyərində olduğunu qeyd edib: “Əvvəlki razılaşma 118 təyyarəni əhatə edirdi, lakin “A380” tipli təyyarələri almaqdan imtina etdik və buna görə də, laynerlərin sayı 100-ə düşdü”.xeber100.com