Genişmiqyaslı xüsusi əməliyyat keçirilir

Qazaxıstan Milli Təhlükəsizlik Komitəsi Aktobe şəhərində genişmiqyaslı xüsusi əməliyyat keçirir. Bu barədə respublikanın informasiya və kommunikasiya naziri Dauren Abayev məlumat verib. Nazir əlavə edib ki, təfərrüatlar əməliyyat başa çatdıqdan sonra açıqlanacaq.Azərtac xəbər verir ki, “Sputnik Qazaxıstan” agentliyinin yaydığı məlumata görə, operativ tədbirlər neft emalı zavodu rayonunda keçirilir. Şəhərin müxtəlif yerlərində həbslər aparılır.Xatırladaq ki, bu ilin iyununda bir qrup şəxs Aktobedə iki silah mağazasına və hərbi hissəyə silahlı basqın etmişdi. Hücum nəticəsində 3-ü hərbi qulluqçu olmaqla, 8 nəfər öldürülmüşdü. Güc strukturları isə 18 cinayətkarı məhv etmiş, 8-ni tutmuşdular.Qazaxıstanda terror təhlükəsinin “sarı” səviyyəsi 2017-ci il yanvarın 15-dək qüvvədədir.xeber100.com

Yaponiya parlamenti yeni qanun layihəsi qəbul edəcək

Yaponiya parlamentinin aşağı palatası ölkə ərazisində kazinoların fəaliyyətinin leqallaşması barədə qanun layihəsini bəyənib. Qanun layihəsinin məqsədi ticarət mərkəzlərini, beynəlxalq konfransların keçirildiyi məkanları və kazinoları özündə birləşdirəcək kurort şəbəkəsinin inkişaf etdirilməsidir.Layihə hakim Liberal Demokratik Partiyasının (LDP) və müxalifətdə olan Dirçəliş Partiyasının əksər üzvləri tərəfindən dəstəklənib. LDP-nin koalisiya tərəfdaşı Komey Partiyasının üzvlərinin mövqeyi isə səsvermə zamanı haçalanıb. Bir çox müxalifət partiyalarının üzvləri səsvermədə iştirakdan boyun qaçıraraq zalı tərk ediblər. Onlar bildiriblər ki, LDP tərəfindən təşkil edilən səsvermə zamanı qaydalar pozulub.xeber100.com

BFMTV telekanalının yaydığı məlumata görə…

Fransanın Baş naziri Manuel Vals bu gün hökumət başçısı postundan istefa verib.Azərtac xəbər verir ki, BFMTV telekanalının yaydığı məlumata görə, Manuel Vals dünən axşam 2017-ci ildə keçiriləcək Fransa prezidenti seçkilərində iştirak etmək niyyətini açıqlayıb.Vals prezidentin iqamətgahı olan Yelisey sarayına çərşənbə axşamı günü səhər gəlib. Onun dövlət başçısı ilə görüşü yarım saatdan bir qədər çox çəkib. Yelisey sarayından bildiriblər ki, Fransa DİN-in rəhbəri Bernar Kaznev yeni Baş nazir təyin olunub. Ona Nazirlər Kabinetinin yeni tərkibini formalaşdırmaq səlahiyyəti verilib.xeber100.com

Lissabon müqaviləsinin 50-ci maddəsi müzakirə edilib

Britaniyada “Brexit” prosesinin necə olacağı ilə bağlı müzakirələr davam edir.Hazırda hökumət prosesin necə başlanmasına qərar verilməsi ilə bağlı ölkənin Ali Məhkəməsinə müraciət edib. Ali Məhkəmədə prosesin Lissabon müqaviləsinin 50-ci maddəsinə əməl edilib-edilməməsi ilə bağlı müzakirələr davam edir.xeber100.com

5,1 bal gücündə zəlzələ olub

Dekabrın 5-də Çinin Tibet Muxtar Rayonunda yerli vaxtla səhər saat 05:34-də zəlzələ olub.Çin Zəlzələ Şəbəkəsi Mərkəzinin məlumatına görə, 5,1 bal gücündə qeydə alınan zəlzələnin episentri dəniz səviyyəsindən 4700 metr yüksəklikdə yerləşən Nyainron qəsəbəsi yaxınlığında, 5 kilometr dərinlikdə olub. Yeraltı təkanlar bir neçə saniyə davam edib.xeber100.com

İtaliya Daxili İşlər Nazirliyinin məlumatına əsasən…

İtaliyada keçirilən referendumda səslərin hesablanması başa çatıb. Konstitusiya islahatlarının əleyhdarları 20 faiz səs çoxluğu ilə qalib gəlib. Xarici KİV-lərdə yayılan məlumata görə, ümumxalq səsverməsinə çıxarılan qanun layihəsi 2014-cü ildə Matteo Rensi hökuməti tərəfindən irəli sürülmüşdü və parlamentdə, demək olar, iki il idi baxılırdı. Təklif edilən layihə əsasən Senatın rolunun və funksiyalarının dəyişdirilməsini nəzərdə tuturdu. Bu məsələ ölkənin əsas qanununda dəyişikliklə bağlı olduğundan referendum təyin edilmişdi.İtaliya Daxili İşlər Nazirliyinin məlumatına əsasən, “yox” cavabı seçicilərin 59,11 faizinin, “hə” cavabı isə 40,89 faizinin səsini toplayıb. Referendumda iştirak 65,47 faiz təşkil edib.Siyasi taleyini referendumun nəticələri ilə bağlayan Baş nazir Matteo Rensi qanun layihəsinin iflasa uğramasının məsuliyyətini üzərinə götürüb və istefa ərizəsini sabah ölkə prezidentinə təqdim edəcəyini bildirib.xeber100.com

Avstriyada keçirilmiş təkrar prezident seçkilərinin nəticəsi…

Dekabrın 4-də Avstriyada keçirilmiş təkrar prezident seçkilərində qalib gələn Yaşıllar Partiyasının keçmiş rəhbəri, müstəqil namizəd Aleksander Van der Bellen seçkidən sonra ilk çıxışında bütün dünyaya açıq, Avropa yönümlü prezident olacağını söyləyib. O deyib ki, bu seçki təkcə tarixi bir hadisə deyil, eyni zamanda, Vyanadan dünyaya göndərilən ümid və müsbət dəyişikliklər siqnalıdır.Yeni seçilmiş prezident “Brexit”, qaçqın problemi, terror aktları fonunda Avstriya seçicilərinin verdiyi qərarın və seçkinin nəticələrinin Avropanın digər paytaxtları üçün də ciddi çağırış olduğunu ifadə edib.xeber100.com

Təbii qaz boru kəməri layihəsi üzrə saziş imzalanıb

Mərakeş ilə Nigeriya arasında təbii qaz boru kəməri layihəsi üzrə saziş imzalanıb.Azərtac xəbər verir ki, bu barədə Mərakeşin Xarici İşlər Nazirliyindən edilən yazılı açıqlamada deyilir.Bildirilir ki, Mərakeş Kralı 6-cı Məhəmmədin Nigeriyaya rəsmi səfəri çərçivəsində bu ölkənin Prezidenti Məhəmməd Buxari ilə görüşündə Nigeriyadan Qərbi Afrika ölkələrinə və Mərakeşə təbii qaz nəqlini nəzərdə tutan layihə üzrə saziş imzalanıb.xeber100.com

Özbəkistan qanunvericiliyinə əsasən…

Bu gün saat 11.00-a olan məlumata görə, Özbəkistan keçirilən növbədənkənar prezident seçkiləri baş tutub.Bu haqda Özbəkistan Mərkəzi Seçki Komissiyasının sədri Mirzə-Uluqbek Abdusalamov Daşkənddə keçirdiyi brifinqdə məlumat verib. O bildirib ki, saat 11.00-a olan məlumata görə, 6 milyon 890 min vətəndaş səs verib ki, bu da seçicilərin 33 faizindən çoxdur.Özbəkistan qanunvericiliyinə əsasən, seçicilərin 33 səs verdikdə seçkilər baş tutmuş hesab edilir.xeber100.com

Avstriyada təkrar prezident seçkiləri keçirilib

Dekabrın 4-də Avstriyada təkrar prezident seçkiləri keçirilib. Bu, son səkkiz ayda üçüncü prezident seçkisidir.Seçkidən əvvəl əhali arasında aparılan sorğunun nəticələrinə görə, Yaşıllar partiyasının dəstəklədiyi müstəqil namizəd Aleksandr Van der Bellen və sağçı-radikal Avstriya Azadlıq Partiyasının (FPÖ) namizədi Norbert Hofer arasında gedən mübarizədə şanslar bərabərdir.Bu il mayın 22-də keçirilən prezident seçkilərinin ikinci turunda namizədlər arasında səs fərqi çox cüzi olmuşdu. A.Van der Bellen 30 min 863 səs çoxluğu ilə qələbə qazansa da, FPÖ Konstitusiya Məhkəməsinə şikayət edərək, 70 minədək seçki vərəqəsinin düzgün hesablanmadığını əsaslandıra bilmiş və seçkinin nəticəsinin ləğv edilməsinə müvəffəq olmuşdu. Oktyabrın 2-nə təyin olunmuş təkrar prezident seçkiləri isə məktubla səs verən seçicilərə göndərilən zərflərdə texniki nasazlığın müəyyən edilməsi üzündən dekabrın 4-ə təxirə salınmışdı.Seçkilər 6,4 milyon Avstriya vətəndaşı səsvermə hüququna malik olsa da, səsvermədə fəallıq gözlənilmir. Səkkiz ay davam edən yorucu seçki kampaniyası sanki namizədlərlə bərabər seçicilərdən də yan keçməyib.xeber100.com