Xalq məclisi prezident seçkilərini noyabrın 14-nə təyin edib

Bolqarıstan xalq məclisi (parlament) bu gün keçirilən plenar iclasında növbəti prezident seçkilərinin noyabrın 14-də keçirilməsi barədə qərar qəbul edib.Bolqarıstan mətbuatı xəbər verir ki, təklifin lehinə 152 deputat səs verib, 25 nəfər bitərəf qalıb.“Xalq məclisi Bolqarıstan Respublikası prezidenti seçkilərini noyabrın 1-nə, bazar gününə təyin etməyi qərara alıb”, - deyə qərarda bildirilir.Xatırladaq ki, iyulda Bolqarıstan parlamentinə növbədənkənar seçkilər keçirilib. Seçkilərdə şoumen Stanislav Trifonovun “Belə bir xalq var” partiyası azacıq üstünlüklə qalib gəlib.xeber100.com

Vaksinasiyanın üçüncü mərhələsinin keçirilməsi planlaşdırılır

Orta hesabla hər üç macardan biri koronavirus əleyhinə peyvəndin üçüncü inyeksiyasına hazırdır, vətəndaşların yarısı isə pandemiyanın yeni dalğasından ümumiyyətlə qorxmur.“Hungary Today” nəşri xəbər verir ki, bu, ötən günlərdə ölkədə aparılan bir araşdırmanın nəticələridir. İyulun sonu və avqustun əvvəllərində keçirilən təmsilçilik sorğusu, yaşı 18-dən yuxarı olan insanların 28 faizinin pandemiyanın dördüncü dalğasından “heç qorxmadıqlarını”, daha 21 faizinin isə “qorxmamağı üstün tutduqlarını” göstərir - cəmi 49 faiz. Eyni zamanda, sorğu olunanların 9 faizi virusdan “çox qorxur”, üçdəbiri isə “pandemiyanın dördüncü dalğasının Macarıstana da təsir edəcəyi” qorxusundadır. Dördüncü dalğadan ən az qorxanlar tələbələr (69 faiz) və təqaüdçülərdir (61 faiz).Macarıstanda üçüncü vaksinasiyaya tələbat da yüksəkdir: 26 faizi mütləq vaksinasiya olunacaq, daha 31 faizi isə bunu bilmir, lakin ona daha çox meyillidir.Üçüncü peyvəndə tələbat kənd sakinləri üçün daha aşağıdır: bu fürsətdən istifadə etmək niyyətində olmayan 38 faizi ilə müqayisədə 18 faizi bunu açıq şəkildə istəyərdi.xeber100.com

COVID-19 virusunun yeni dalğası başlayıb

Moldovada COVID-19 virusunun yeni dalğası başlayıb. Ötən həftə, son üç aydakı hadisələrdə ən böyük artım qeydə alınıb.Azərtac yerli mətbuata istinadla xəbər verir ki, delta ştamının yayılması ucbatından onlara qarşı daha davamlı mövcud müalicə üsulları təsirini itirir."Əslində yeni bir koronavirus infeksiyası dalğası yaşayırıq. Yoluxanların sayının artması hər keçən gün daha çoxdur. Artıq sağalmış xəstələrin vəziyyətində belə kəskin pisləşmə müşahidə olunur. Xəstəxanaya yerləşdirmə statistikası narahatlıq doğurur", - deyə Moldova yerli mətbuatı yazır.Səhiyyə Nazirliyinin statistikasına görə, COVID-19 xəstələrinin peyvənd edilənlərinin yalnız 0,08 faizi xəstələnib. Təkrar xəstələnmə əksər hallarda, ikinci dozadan əvvəl olub.xeber100.com

Avqustun 9-da Yeni Zelandiya sahillərində zəlzələ baş verib

Avqustun 9-da Yeni Zelandiya sahillərində 5,5 bal gücündə zəlzələ baş verib.Azərtac xəbər verir ki, bu barədə ABŞ Geologiya Xidməti məlumat yayıb. Yeraltı təkanların episentri Blaff şəhərindən 1576,8, Danidin şəhərindən isə 1708 kilometr cənub-qərbdə, ocağı 10 kilometr dərinlikdə yerləşib.Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com

Gürcüstan parlamenti 2021-ci ilin dövlət büdcəsinə düzəlişlər edib

Gürcüstanda bu il 7,7 faiz iqtisadi artım proqnozlaşdırılır.Azərtac xəbər verir ki, Gürcüstan parlamenti bununla bağlı 2021-ci ilin dövlət büdcəsinə düzəlişlər edib.Parlamentin 85 deputatının səs verdiyi sənəddə iqtisadi artım 7,7 faiz səviyyəsində müəyyən olunub.Gürcüstanın maliyyə nazirinin birinci müavini Giorgi Kakauridze bildirib ki, planlaşdırılmış yüksək artım büdcə gəlirlərini artırmağa imkan verəcək.Qeyd edək ki, Gürcüstanın dövlət büdcəsinin əvvəlki redaksiyasında 2021-ci il üçün iqtisadi artım proqnozu 4,3 faiz olub.Beynəlxalq Valyuta Fondu Gürcüstan iqtisadiyyatında 7,7 faizlik artım proqnozundan sonra hökumət büdcəyə yenidən düzəlişlər edib.xeber100.com

Fransa Milli Assambleyası yeni qanun layihəsi qəbul edib

Fransa Milli Assambleyası koronavirus epidemiyası ilə bağlı sanitar sənədin (peyvənd sənədi) istifadəsinə dair qanun layihəsini qəti şəkildə qəbul edib. Qanun layihəsi 60 saat müzakirələrdən sonra 156 lehinə, 60 əleyhinə və 14 bitərəf səslə qəbul olunub.Azərtac xəbər verir ki, sanitar sənədin istifadə dairəsinin genişlənməsi, tibb işçilərinin məcburi peyvənd edilməsi, COVID-19 virusuna yoluxma təqdirində 10 günlük təcrid olunma layihənin əsas tədbirləri arasındadır.Sanitar sənədin 50 –dən çox insanın toplaşdığı istirahət və mədəni tədbirlərdə tələb olunacağı bildirilib. 12-17 yaş kateqoriyasından olan yeniyetmələrdən sanitar sənədin sentyabrın 30-dan etibarən tələb olunacağı qeyd edilir.Sanitar sənəd tələb olunan sektorların işçiləri avqustun 30-dan peyvənd sənədini təqdim etməlidirlər. Peyvənd sənədi olmayan işçilər aylıq məvacibi ödənilmədən işdən uzaqlaşdırılacaq.Saxta sanitar sənəddən istifadə edənlər 135 avro cərimə ediləcək.xeber100.com

Gürcüstan parlamenti dövlət büdcəsinə əlavə və dəyişiklikləri təsdiqləyib

Gürcüstan parlamenti 2021-ci ilin dövlət büdcəsinə əlavə və dəyişiklikləri təsdiqləyib. Büdcə gəlirləri 1 milyard 175 milyon lari artırılıb.Azərtac xəbər verir ki, Gürcüstan maliyyə nazirinin birinci müavini Giorgi Kakauridze parlamentin iclasında büdcəyə təklif olunan əlavələr və dəyişikliklər barədə məlumat verib. Bildirilib ki, əlavə dəyişikliklərdə ölkədə ümumi daxili məhsul istehsalının həcmi 3,4 faizdən 7,7 faizədək artacaq. Büdcə kəsiri isə 7,6 faizdən 6,9 faizə endirilib.Yeni büdcə zərfində hökumətin borcu 54,6 faiz nəzərdə tutulub. Bundan başqa, hökumət vergiləri 1 milyard 114 milyon lari artırıb. Dövlət büdcəsindən isə təxminən 19,5 milyard lari xərclənəcək.Bununla yanaşı, pandemiya ilə əlaqədar olaraq səhiyyə xərclərinə 446 milyon lari əlavə edilir. Hazırda bu rəqəm 846 milyon lari təşkil edir.xeber100.com

Rusiya Prezidenti Vladimir Putinin Qurban bayramı münasibətilə təbriki

Rusiya Prezidenti Vladimir Putin ölkə müsəlmanlarını Qurban bayramı münasibətilə təbrik edib.Azərtac xəbər verir ki, Rusiya Prezidenti millətlərarası razılığın, mədəni rəngarəngliyin qorunub saxlanmasında İslam dəyərlərinin əhəmiyyətini qeyd edib. V.Putin vurğulayıb ki, kökünü əsrlərdən götürən Qurban bayramı insanları xeyirxahlığa, ədalətə, imana çağırır.Prezident qeyd edib ki, bütün dünya dinlərinin təməlini təşkil edən bu yüksək humanist, mənəvi ideallar Rusiya cəmiyyətinin birləşməsinə xidmət edir.xeber100.com

İtaliya hökuməti Avropa Komissiyası ilə razılığa gəlib

İtaliya hökuməti illərdən bəri dövlət subsidiyaları hesabına ayaqda dura bilən “Alitalia” aviaşirkətinin yerini tutacaq yeni aviaşirkətlə bağlı Avropa Komissiyası ilə razılığa gəlib.Azərtac xəbər verir ki, “Italia Trasporto Aereo“ (ITA) adlanan yeni şirkət oktyabrın 15-də fəaliyyətə tam hazır vəziyyətdə olacaq və ilk uçuşlar da həmin ərəfədə baş tutacaq. Qeyd edilib ki, Avropa Komissiyası ilə əldə edilən əməli və balanslaşdırılmış razılaşma yeni şirkətin nizamnamə kapitalının artırılmasına da imkan verəcək.İtaliya mətbuatının məlumatına əsasən, rəsmi Brüssel və Roma arasında gedən danışıqlarda əsas mövzu yeni aviaşirkətin “Alitalia”dan tamamilə müstəqil olması olub. Əks halda “ITA” “Alitalia”nın indiyədək dövlətdən aldığı maliyyə vəsaitlərinə görə üzərinə öhdəlik götürməli olacaqdı. Bu da yeni yaranan şirkətin ilk gündən ağır maliyyə yükü altına girməsi demək olardı.İtaliyanın nəqliyyat naziri Enriko Cionannini bildirib ki, “ITA” ilə həm milli, həm də beynəlxalq bazarda rəqabət qabiliyyətinə və yüksək inkişaf perspektivinə malik yeni mühüm İtaliya aviaşirkəti yaranıb.xeber100.com

Türkiyə Böyük Millət Məclisində anım mərasimi keçirilib

Türkiyə Böyük Millət Məclisində (TBMM) 15 İyul-Demokratiya və Milli Birlik Günü ilə əlaqədar şəhidləri anım mərasimi keçirilib.Azərtac xəbər verir ki, Prezident Rəcəb Tayyib Ərdoğanın iştirak etdiyi mərasimdə əvvəlcə Türkiyənin dövlət himni səsləndirilib, şəhidlərin əziz xatirəsi bir dəqiqlik sükutla yad edilib.Sonra Türkiyə Prezidenti Rəcəb Tayyib Ərdoğan və TBMM-nin sədri Mustafa Şəntop çıxış ediblər.Çıxışlarda 2016-ci il iyulun 15-dən 16-na keçən gecə ölkədə legitim hakimiyyəti hərbi yolla ələ keçirmək üçün törədilən hərbi çevriliş cəhdinin səbəb və məqsədlərindən, bu xain cinayətin qarşısını almaq üçün Türkiyə xalqının göstərdiyi qəhrəmanlıqdan və şücaətdən danışılıb. Şəhid və qazilərin ünvanına xoş ifadələr səsləndirilib.Qeyd edək ki, tədbirdə ölkəmizi Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi, deputatlar Asim Mollazadə, Nigar Arpadarai, Nəsib Məhəməliyev və Erkin Qədirlidən ibarət heyət təmsil edib.xeber100.com