Tennis üzrə ABŞ açıq çempionatının keçiriləcəyi elan edilib

Nyu-Yorkun qubernatoru Endryu Kuomo bu mövsüm tennis üzrə ABŞ açıq çempionatının keçiriləcəyini elan edib.Azərtac xəbər verir ki, turnir plana əsasən avqustun 31-də başlayacaq və sentyabrın 13-də yekunlaşacaq.Kuomo təşkilatçıların təhlükəsizliklə bağlı sərt tədbirlər görəcəyini də bildirib. Onun sözlərinə görə, tennisçilər turnir boyunca müntəzəm olaraq testdən keçəcək və onların qalacağı ərazi daim dezinfeksiya olunacaq. Onlara xüsusi nəqliyyat vasitəsi ayrılacaq və paltardəyişmə otağında sosial məsafə qaydası tətbiq ediləcək.N.Cokoviç başda olmaqla bəzi tennisçilər belə şərtlər altında çıxış etməyin əleyhinə olduqlarını bildiriblər.xeber100.com

Futzal üzrə “Avro-2022”nin təqvimi açıqlanıb

UEFA qadınlardan ibarət milli komandaların iştirakı ilə futzal üzrə “Avro-2022”nin təqvimini açıqlayıb.Azərtac xəbər verir ki, turnirin ilkin mərhələsinin görüşləri gələn il mayın 4-dən 9-dək, əsas mərhələsinin oyunları oktyabrın 19-dan 24-dək, final mərhələsinin qarşılaşmaları isə 2022-ci il martın 24-dən 27-dək keçiriləcək.xeber100.com

“Leyptsiq” klubunun hücumçusunun transferi rəsmiləşib

Almaniyanın “Leyptsiq” futbol klubunun hücumçusu Timo Vernerin İngiltərənin “Çelsi” komandasına transferi rəsmiləşib.Azərtac London klubunun saytına istinadla xəbər verir ki, İngiltərə təmsilçisi 24 yaşlı hücumçu ilə 5 illik müqavilə imzalayıb. Cari mövsümün sonunadək “Leypsiq”də qalacaq hücumçu iyulda yeni klubuna qoşulacaq.London klubu Verner üçün 47,5 milyon funt sterlinq ödəyib. Bunun 15 faizi Timonun 2016-cı ilədək oynadığı “Ştutqart”a çatacaq. Hücumçunun özü həftədə təxminən 170 min funt qazanacaq.Qeyd edək ki, almaniyalı hücumçu cari mövsümdə “Leyptsiq”in heyətində keçirdiyi 43 oyununda 32 qol vurub və 8 məhsuldar ötürmə edib.xeber100.com

İspaniya mətbuatının məlumatına görə…

“Barselona” futbol klubu qapıçısı Andre Ter-Ştegenlə müqavilənin müddətini uzatmaqla bağlı danışıqları davam etdirir.İspaniya mətbuatı xəbər verir ki, tərəflər danışıqlarda irəliləyiş əldə ediblər. Bildirilib ki, 29 yaşlı qapıçı ilə müqavilənin müddəti 2025-ci ilin yayınadək uzadılacaq. Onunla cari mövsümün sonunadək rəsmi müqavilə imzalanacağı gözlənilir.Qeyd edək ki, Ter-Ştegenin Kataloniya təmsilçisi ilə hazırkı müqaviləsi 2022-ci ilin yayında başa çatır.xeber100.com

“Bavariya” futbol klubu Almaniya çempionu olub

“Bavariya” klubu sona iki tur qalmış Almaniya çempionu olub.Azərtac xəbər verir ki, Münhen təmsilçisi buna Bremendə “Verder”ə 0:1 hesablı qələbəsi sayəsində nail olub. Bununla da tarixində ardıcıl 8-ci, ümumilikdə isə 30-cu dəfə çempion adını qazanıb.Qeyd edək ki, turnir cədvəlində ikinci pillədə qərarlaşan “Borussiya Dortmund” klubunun 66 xalı var və “Bavariya”dan 10 xal geri qalır.xeber100.com

“Azərreyl” klubu heyətini gücləndirib

Bakının qadınlardan ibarət “Azərreyl” klubu heyətini yeni voleybolçu ilə gücləndirib.Azərtac xəbər verir ki, yeni mövsümdən Çağırış kuboku yarışlarında mübarizə aparacaq Bakı təmsilçisi Anastasiya Bessonova ilə birillik müqavilə imzalayıb.Yığmamızın üzvü daha əvvəl yerli klublarla yanaşı, Sloveniyanın “Maribor” və Rumıniyanın “Alba” komandalarında da çıxış edib.Daha öncə Bakı təmsilçisi sloveniyalı Moytsa Pene, rusiyalı Anastasiya Mertsalova və millimizin üzvü Kseniya Pavlenko ilə müqaviləni artırıb, slovakiyalı Romana Hudeçova və yığmamızın oyunçusu Yuliya Kərimova ilə birillik müqavilə imzalayıb.xeber100.com

“Masters” seriyalı tennis turniri Nyu-Yorkda keçiriləcək

Sinsinnatidə nəzərdə tutulan “Masters” seriyalı tennis turniri Nyu-Yorkda keçiriləcək.Azərtac xəbər verir ki, bu barədə turnirin təşkilatçıları məlumat verib.Turnir “US Open”dən dərhal sonra təşkil olunacaq. Daha doğrusu təşkilatçılar tennisçiləri ABŞ-ın bir tərəfindən digərinə üzücü yol keçməməsi üçün belə bir addım atmağa məcbur olublar. İndiki vəziyyətdə ölkədə koronavirus sürətlə yayıldığından tennisçilər arasında yoluxma riskinin qarşısını almaq üçün hər iki turniri eyni şəhərdə keçirmək məqsədəuyğun sayılıb.xeber100.com

Sambo üzrə son qərar iyulun ortalarında veriləcək

Yekaterinburqun ev sahibliyi edəcəyi sambo üzrə Avropa çempionatının keçirilmə tarixi ilə bağlı son qərar iyulun ortalarında veriləcək.TASS informasiya agentliyi xəbər verir ki, bu barədə Ümumrusiya və Avropa Sambo federasiyalarının prezidenti Sergey Yeliseyev məlumat verib. S.Yeliseyev bildirib ki, Avropada hava nəqliyyatında vəziyyətdən asılı olaraq qitə çempionatının keçirilmə vaxtında dəyişiklik edilə bilər. Əgər hər şey normal olarsa, yarış sentyabr ayında keçiriləcək. Hər hansı bir problem olarsa, Avropa çempionatı ilin sonuna təxirə salınacaq.Onun sözlərinə görə, Yekaterinburq şəhərində Avropa çempionatına hazırlıqla bağlı bütün işlər plan üzrə gedir.Qeyd edək ki, sambo üzrə qitə çempionatının əvvəlcə mayın 22-24-də keçirilməsi planlaşdırılsa da, koronavirus pandemiyasına görə sentyabrın 17-21-nə təxirə salınıb. Yarış əvvəl nəzərdə tutulduğu kimi Yekaterinburqda keçiriləcək.Xatırladaq ki, ötən il təşkil olunan Avropa çempionatında Azərbaycan samboçuları 2 bürünc medal qazanıblar.xeber100.com

Türkiyə çempionatının XXVII turunun sonuncu qarşılaşmasında

İyunun 15-də futbol üzrə Türkiyə çempionatının XXVII turunun sonuncu qarşılaşmasında “Sivasspor” “Dənizlispor”u qəbul edib.Azərtac xəbər verir ki, görüşün taleyini bir qol həll edib. Meydan sahiblərinin hücumçusu Mustafa Yatabare komandasına qələbə qazandıran qolun müəllifi olub. Beləliklə, “Sivasspor” “Dənizlispor”u 1:0 hesabı ilə məğlub edib.Türkiyə çempionatında hazırda “Trabzonspor” 56 xalla turnir cədvəlinin liderdir. Onunla eyni xala malik olan “Başakşəhər” ikincidir. “Sivasspor” 52 xalla üçüncü, “Qalatasaray” klubu isə 50 xalla dördüncü pillə qərarlaşıb. Sonrakı yerlərdə “Beşiktaş” (44 xal), “Alanyaspor” (43 xal), “Fənərbağça” (43 xal) və digər komandalar gəlir.xeber100.com

2020-ci ilin “Golden Boy” mükafatına namizədlərin adları açıqlanıb

İtaliyanın “Tuttosport” nəşri 2020-ci ilin ən yaxşı 21 yaşadək futbolçusuna təqdim olunan “Golden Boy” mükafatına namizədləri açıqlayıb.Azərtac xəbər verir ki, birinci olaraq 100 oyunçudan ibarət siyahıda məşhur futbolçulardan Meyson Qrinvud (Mançester Yunayted), Eduardo Kamavinqa (Renn), Alfonso Devis (Bavariya), Anssumane Fati (Barselona), Filip Foden (Mançester Siti), Erlinq Holand, Ceydon Sanço (hər ikisi Borussiya" Dortmund), Kallum Hadson-Odoi (Çelsi), Takefusa Kubo (Malyorka, Reala məxsusdur), Daniel Maldini (Milan), Reyner (Real), Sandro Tonali (Breşiya), Ferran Torres (Valensiya) yer alıb.Mükafata namizəd olacaq 20 futbolçudan ibarət yeni siyahı oktyabrın 15-i açıqlanacaq.Qeyd edək ki, ötən il bu mükafatı “Atletiko”nun futbolçusu Joau Feliks qazanıb.xeber100.com