PSJ futbol klubu ilə “Monako” üz-üzə gəliblər

Fransa Superkubokunun sahibi müəyyənləşib.Milli.Az xəbər verir ki, həlledici görüşdə son çempion PSJ ilə ölkə kubokunun qalibi "Monako" üz-üzə gəliblər. Çində keçirilən qarşılaşma Paris klubunun 4:0 hesablı qələbəsi ilə başa çatıb.Paytaxt təmsilçisinin heyətində qolları Anhel di Mariya (33 və 90), Kristofer Nkunku (40) və Timoti Vea (67) vurublar.

BATE klubu Çempionlar Liqasının III təsnifat mərhələsində

Belarusun BATE klubu Çempionlar Liqasının III təsnifat mərhələsində “Qarabağ”la keçirəcəyi oyunlar üçün iştirak ərizəsini UEFA-ya təqdim edib.Azərtac UEFA-nın rəsmi saytına istinadla xəbər verir ki, siyahıda 26 futbolçu yer alıb.Qapıçılar: Aleksey Çernıx, Anton Çiçkan, Denis Şerbiçki Müdafiəçilər: Aleksandr Filipoviç, Nikola Vasilyeviç, Nemanya Milunoviç, Yeqor Filipenko, Zaxar Bolkov, Artyom Şkurdyuk, Maksim Volodko.Yarımmüdafiəçilər: Yevgeni Yablonski, Yevgeni Beryozkin, Stanislav Draqun, Mirko İvaniç, Aleksandr Qleb, Aleksey Rios, İqor Staseviç, Dmitri Baqa, Alеksandr Nemirko, Mixail Qordeyçuk.Hücumçular: Nikolay Ciqneviç, Maksim Skaviş, Yasse Tuminen, İlya Sen, Vladislav Mukamedov, Kiril Yermakoviç.Qeyd edək ki, “Qarabağ” və BATE komandaları arasında ilk matç avqustun 7-də Bakıda, cavab görüşü isə ayın 14-də Borisovda olacaq. Hər iki qarşılaşma saat 21:00-da başlanacaq.xeber100.com

“Neftçi” futbol klubu müqavilənin müddətini uzadıb

“Neftçi” Mirabdulla Abbasovla müqavilənin müddətini uzadıb.Azərtac xəbər verir ki, iyirmi üç yaşlı hücumçu 2019/2020-ci illər mövsümünün sonunadək “Neftçi”də çıxış edəcək.Ötən mövsüm 30 oyunda 6 qol vuran Mirabdulla Abbasovun əvvəlki müqaviləsi 2018/2019-cu illər mövsümünün sonuna qədər idi.Qeyd edək ki, “Neftçi” bundan əvvəl Ruslan Abışov, Kirilo Petrov, Məhəmməd Mirzəbəyov, Emin Mahmudov, Rəhman Hacıyev, Anton Krivotsyuk, Soni Mustivar və Namiq Ələsgərovla müqaviləni yeniləyib.xeber100.com

Beynəlxalq Şahmat Federasiyasının reytinq cədvəlində

Azərbaycan qrossmeysteri Şəhriyar Məmmədyarov Beynəlxalq Şahmat Federasiyasının (FIDE) reytinq cədvəlində üçüncü yeri tutur.Azərtac xəbər verir ki, FIDE 2018-ci il avqustun 1-i üçün reytinq cədvəlini dərc edib.FIDE-nin rəsmi saytında bildirilir ki, 2018-ci il iyulun 1-i üçün reytinq cədvəlində 2801 xal ilə üçüncü yeri tutan Şəhriyar Məmmədyarov bu dəfə də həmin reytinq əmsalını və əvvəlki yerini qoruyub saxlayıb.Dünyanın ən güclü şahmatçılarının siyahısında birinci yeri yenə Norveç nümayəndəsi, hazırkı dünya çempionu Maqnus Karlsen (2841), ikinci yeri iddiaçılar turnirinin qalibi, amerikalı Fabiano Karuana tutur (2821).Siyahıda sonrakı yerləri çinli Din Lijen (2796), amerikalı Uesli So (2780), hollandiyalı Aniş Giri və rusiyalı Vladimir Kramnik (hərəyə 2779 xal), fransız Maksim Vaşye-Laqrav (2778), amerikalı Hikaru Nakamura (2777) və rusiyalı Sergey Karyakin tutur (2772).Azərbaycanın digər nümayəndəsi Teymur Rəcəbov da öz əmsalını (2751) və sıra nömrəsini (17) saxlayır. Reytinq əmsalını 2711-ə çatdırmış Arkadi Naydiç 47-ci mövqedən 33-cü yerə qalxıb. Dünya üzrə ilk yüzlüyə Azərbaycan qrossmeysterləri Rauf Məmmədov (2708, 38-ci yer), Eltac Səfərli (2676, 65-ci yer) və Qədir Hüseynov da daxildir (2665, 77-ci yer).Qadın şahmatçılar arasında ilk onluğa aşağıdakılar daxildir: çinli Hou İfan (2657), onun həmyerlisi Tszyuy Ventszyun (2565), ukraynalı Anna Muzıçuk (2563), rusiyalılar Aleksandra Kostentyuk (2558), Yekaterina Laqno (2556), Aleksandra Qoryaçkina (2534), çinli Tan Çjunyi (2529), rusiyalı Valentina Qunina (2528), ukraynalı Mariya Muzıçuk (2527) və gürcüstanlı Nana Dzaqnidze (2519).Dünyanın ən yaxşı yüz qadın şahmatçısının siyahısına azərbaycanlı Günay Məmmədzadə də daxildir. Reytinq əmsalı 2426 olan Günay bu siyahıda 39-cu yeri tutur.xeber100.com

Güləş üzrə gənclərin Avropa çempionatı davam edir

İtaliyanın paytaxtı Romada güləş üzrə gənclərin Avropa çempionatı davam edir.Azərbaycan Güləş Federasiyasından Azərtac-a bildiriblər ki, çempionatda güləşin hər üç növü üzrə yığmamızın üzvləri mübarizə aparırlar.Çempionatın beşinci günündə 57, 65, 70, 79 və 97 kiloqram çəki dərəcələrində sərbəst güləşçilər mübarizəyə qoşulurlar.Bu çəki dərəcələrində Azərbaycanın idman şərəfini Əliabbas Rzazadə (57 kq), Elmar Kazımov (65 kq), Hacımurad Hacıyev (70 kq), Orxan Abbasov (79 kq) və Alimaqomed Alixmoyev (97 kq) qoruyacaqlar.Səkkizdəbir final mərhələsində təmsilçilərimizdən Əliabbas Rzazadə makedoniyalı Minir Redcepi ilə qarşılaşacaq. Elmar Kazımov Georgi Elbakidze (Gürcüstan) - Zoltan Vilhelm (Macarıstan) qarşılaşmasının qalibi, Hacımurad Hacıyev isə İveriko Julakidze (Gürcüstan) ilə görüşəcək. Mübarizəyə onaltıdabir finaldan başlayacaq Orxan Abbasov Tornike Kvinikadze (Gürcüstan), Alimaqomed Alixmoyev isə dörddəbir finalda Feyzullah Akturk ilə üz-üzə gələcək.Görüşlərin idarə olunmasında ölkəmizi beynəlxalq dərəcəli hakim Elman İsmayılov təmsil edir.xeber100.com

“Atletiko Madrid” klubu beşillik müqavilə imzalayıb

“Monako” klubunun hücuma meyilli yarımmüdafiəçisi Tomas Lemarın tibbi yoxlanışdan sonra “Atletiko Madrid”ə keçidi rəsmiləşib.Azərtac xəbər verir ki, “Atletiko Madrid” futbolçu ilə beşillik müqavilə imzalayıb. Madrid təmsilçisi T.Lemar üçün “Monako”ya 70 milyon avro ödəyib. O, yeni klubda 11 nömrəli formada çıxış edəcək.Fransalı futbolçu 2018-ci il dünya çempionatı zamanı Madrid klubu ilə müqavilə imzalamasına baxmayaraq, klub bu keçidi hələ də rəsmiləşdirməmişdi."Burada olduğuma görə çox xoşbəxtəm. Antuan Qrizman və Lukas Hernandes məni klub haqqında məlumatlandırdılar. Qəbul etdiyim qərardan çox məmnunam. Bilirəm ki, bu komanda çox işləməyi tələb edir və mən əlimdən gələni edəcəyəm”, – deyə T.Lemar bildirib.xeber100.com

Həndbol Federasiyasının məlumatı əsasında…

Azərbaycanın həndbol komandaları iyulun 15-də tətildən qayıdaraq məşqlərə start veriblər.Azərbaycan Həndbol Federasiyasından Azərtac-a bildirilib ki, avqustun 1-də qadınlardan ibarət "Azərsu" və "Azəryol" kollektivləri təlim-məşq toplanışları üçün Mingəçevirə gediblər. “Kür” Olimpiya İdman Mərkəzində 12 gün ərzində keçiriləcək təlim-məşq toplanışlarında məqsəd avrokuboklara və 26-cı Azərbaycan çempionatına hazırlıqdır.Avrokuboklardakı digər təmsilçimiz kişi həndbolçulardan ibarət "Bakı" komandası da həm qitə miqyaslı, həm də yerli çempionata hazırlıqlara başlayıb.xeber100.com

Rusiyada “Qarabağ” futbol klubu yaradılıb

Rusiyada yaşayan azərbaycanlılar “Qarabağ” futbol klubu yaradıblar.Klubdan Azərtac-a bildirilib ki, Ussuriysky vilayətində yaradılan futbol klubunun oyunçularının əksəriyyəti azərbaycanlılardan ibarətdir. Klubun yaradılmasında məqsəd Qarabağın adını yaşatmaqdır.“Qarabağ”ın formasında çıxış edən həmyerlilərimiz şəhər çempionatına qatılıblar. 9 oyunu 6 qələbə, 3 heç-heçə ilə başa vuran komanda şəhər çempionatında ikinci yerdədir.Üçüncü tur sentyabr ayında keçiriləcək.xeber100.com

Güləş üzrə Avropa çempionatı davam edir

Romada güləş üzrə gənclər arasında Avropa çempionatı davam edir.Azərtac xəbər verir ki, çempionatın ikinci yarış günündə 60, 67, 72, 82 və 97 kiloqram çəkidə yunan-Roma güləşçiləri mübarizəyə qoşulub.Məhəmmədəli Həsənov (67 kq) Çexiya və Moldovadan, Ülvi Qənizadə (72 kq) isə Ukrayna, Litva və Ermənistandan olan rəqiblərini üstələyərək yarımfinala vəsiqə qazanıb. Yarımfinalda hər iki güləşçimizin rəqibi Gürcüstan idmançıları olub.Gərgin və maraqlı keçən qarşılaşmada rəqibini üstələyən Ü.Qənizadə finala yüksəlib. Həlledici görüşdə onun rəqibi Rusiya idmançısı olacaq.Yarımfinalda uduzan Məhəmmədəli Həsənov isə bürünc medal uğrunda görüşə haqq qazanıb.Final görüşləri avqustun 1-də Bakı vaxtı ilə saat 20:00-da başlayacaq.xeber100.com

UEFA Çempionlar Liqasının II təsnifat mərhələsinin cavab matçında

Avqustun 1-də Ağdamın “Qarabağ” klubu UEFA Çempionlar Liqasının II təsnifat mərhələsinin cavab matçında Albaniya təmsilçisi “Kukesi” komandasını qəbul edəcək.Azərtac xəbər verir ki, səfərdə keçirdiyi ilk oyunda qolsuz heç-heçə edən Qurban Qurbanovun yetirmələri doğma meydanda azarkeşlər önündə qələbə qazanmağa çalışacaqlar. Ağdam təmsilçisi bu görüşdə yeni transferləri - Con Delarj və İnnosent Emeqaranı da meydana çıxara bilər.“Qarabağ” komandası “Kukesi” səddini keçəcəyi təqdirdə BATE (Belarus) – HİK (Finlandiya) qarşılaşmasının qalibi ilə üz-üzə gələcək. Məğlub olan komanda isə UEFA Avropa Liqasının III təsnifat mərhələsində “Torpedo” (Gürcüstan) – “Vikinqur” (Farer adaları) matçında üstün olan klubla qarşılaşacaq.Görüş Bakı vaxtı ilə saat 21:00-da başlayacaq. Oyunun slovakiyalı baş hakim Peter Kraloviç idarə edəcək.Xatırladaq ki, dünən UEFA Çempionlar Liqasının üç oyunu keçirilib. Səfərdə rəqibinə 0:1 hesabı ilə məğlub olan Moldovanın “Şerif” klubu evdə Makedoniyanın “Şkendiya” komandasını sınağa çəkib. Görüş qolsuz heç-heçə ilə yekunlaşıb. Bununla da “Şkendiya” mərhələ adlayıb.İlk oyunda İsrailin “Hapoel” komandasını beş cavabsız qolla darmadağın edən Xorvatiyanın “Dinamo” klubu cavab oyununda məhsuldar heç-heçə (2:2) sayəsində adını növbəti mərhələyə yazdırıb.Slovakiyanın “Spartak” klubu Trnavada Polşanın “Legiya” komandasına 0:1 hesabı ilə uduzub. Lakin ilk görüşdən 2:0 hesablı qələbə ilə ayrılan “Spartak” iki oyunun nəticəsinə görə bu turnirdə mübarizəni davam etdirəcək.xeber100.com