İtaliya çempionatının oyunlarının vaxtı dəyişdirilib

Futbol üzrə İtaliya çempionatının martın 4-də keçirilməsi nəzərdə tutulan 27-ci turun oyunlarının vaxtı dəyişdirilərək aprelin 3-nə və 4-nə təyin olunub.Azərtac İtaliya Futbol Federasiyasına istinadla xəbər verir ki, 27-ci turun tarixi bilinməyən yeganə oyunu “Milan” və “İnter” arasındakı görüşdür.“Milan” Avropa Liqasında mübarizə aparır, komandanın dörddəbir finala çıxmaq şansı var və ilk matç aprelin 5-nə planlaşdırılıb.“Atalanta”-“Yuventus” oyununun vaxtı qar səbəbindən dəyişdirildiyindən “Atalanta”-“Sampdoriya” qarşılaşması aprelin 11-də keçiriləcək.İtaliya çempionatının bazar günü matçlarının vaxtı “Fiorentina”nın müdafiəçisi və kapitanı David Astorinin ölümü ilə əlaqədar dəyişdirilib. Udine şəhərindəki “La 'di Moret” mehmanxanasında bazar günü futbolçunun meyiti tapılıb. Komanda bu şəhərdə “Udineze” ilə 27-ci turun oyunları çərçivəsində qarşılaşmalı idi. Bazar günü şəhər prokuroru Antonio de Nikolo oyunçunun ölüm səbəbinin ürəyinin dayanması olduğunu, lakin səhəri gün “qərəzsiz ölüm” maddəsi ilə cinayət işi açıldığını bəyan edib.xeber100.com

“Betis” klubu yeni müqavilə bağlamağa hazırlaşır

“Portu” futbol komandasının qapıçısı İker Kasilyas mövsümün sonunda “Betis”ə keçə bilər.Azərtac “A Bola” nəşrinə istinadla xəbər verir ki, əgər Kasilyas MLS-yə getməyə qərar verməzsə, İspaniya klubu 36 yaşlı oyunçu ilə müqavilə imzalamağa hazırdır.Daha əvvəl “Portu”nun kommunikasiyalar üzrə direktoru Fransişku Markeşa bildirmişdi ki, Kasilyas mövsümün sonunda komandanı tərk edəcək. Çünki klub məvaciblərə sərf olunan xərcləri azaltmaq fikrindədir.Kasilyas “Portu” komandasına 1998-ci ildən oynadığı “Real”dan 2015-ci ildə keçib. Cari mövsümdə o, meydana qeyri-müntəzəm çıxır və bu mövsümdə bütün turnirlərdə 21 oyun keçirib.xeber100.com

Azərbaycan millisi yoldaşlıq oyunu keçirib

Martın 6-da futbol üzrə 17 yaşadək qızlardan ibarət Azərbaycan millisi yoldaşlıq oyunu keçirib.Azərtac xəbər verir ki, “Dalğa Arena”da Ukraynanın müvafiq yaş qrupundan ibarət yığması ilə qarşılaşan millimiz 1:0 hesabı ilə qalib gəlib.Oyunda yeganə qolu Birgul Çelik vurub.xeber100.com

Həndbol Federasiyasının məlumatı

Martın 6-da həndbol üzrə Azərbaycan kuboku uğrunda yarımfinal görüşləri keçirilib.Azərbaycan Həndbol Federasiyasından Azərtac-a bildiriblər ki, yarımfinal mərhələsinin cavab görüşləri gözlənildiyi kimi maraqlı mübarizə şəraitində keçib. Qadın həndbolçuların mübarizəsində "Azərsu" komandası "İdman Akademiyası"na 37:22, "Nur" kollektivi "Qarabağ"a 31:22 hesabı ilə qalib gəlib.Kişi həndbolçuların yarışında isə "Məhsul" "Təhsil" komandasını 33:31, "Bakı" Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) təmsilçilərini 37:25 hesabı ilə məğlub edib. Beləliklə, yarımfinal mərhələsinin oyunlarının nəticəsinə əsasən, finalda "Azərsu" "Nur"la, "Məhsul" isə "Bakı" ilə qarşılaşacaq.Xatırladaq ki, final qarşılaşmaları martın 7-də keçiriləcək.xeber100.com

“PSG” futbol klubu “Real”ı qəbul edib

Futbol üzrə UEFA Çempionlar Liqasının səkkizdəbir final mərhələsinin cavab oyunlarına start verilib.Azərtac xəbər verir ki, günün əsas oyunu Parisdə keçirilib. “PSG” “Real”ı qəbul edib. Matçın 52-ci dəqiqəsində Dani Alvesin kobud səhvindən sonra Kriştiano Ronaldu hesabı açıb. Oyunun 65-ci dəqiqəsində hakimə etirazına görə Marko Veratti ikinci sarı vərəqəni alaraq meydandan qovulub. Meydan sahibləri oyunun 71-ci dəqiqəsində Edison Cavaninin vurduğu qol ilə hesabı bərabərləşdiriblər. Qonaq "kral" klubu 80-ci dəqiqədə hesabda yenə önə keçib. Kazemiro fransızları meydanın mərkəzinə dəvət edib. Komandaların cəhdlərinə baxmayaraq matçın sonunadək hesab dəyişməyib.Bu komandalar arasında ilk görüş madridlilərin 3:1 hesablı qələbəsi ilə başa çatmışdı. "Real" növbəti mərhələyə yüksəlib.Günün digər matçı İngiltərədə keçirilib. Səfərdə rəqibini 5:0 hesabı ilə darmadağın edən “Liverpul” öz meydanında “Portu”nu məğlub edə bilməyib. “Liverpul” 0:0 hesablı bərabərliklə növbəti mərhələyə yüksəlib.xeber100.com

UEFA Çempionlar Liqasının final mərhələsində

Martın 7-də futbol üzrə UEFA Çempionlar Liqasının səkkizdəbir final mərhələsinin növbəti iki oyunu keçiriləcək.Azərtac xəbər verir ki, Londonda “Tottenhem” komandası doğma meydanda İtaliyanın “Yuventus” klubunu qəbul edəcək. Bu komandalar arasında Turində oynanılan ilk görüş 2:2 hesablı heç-heçə ilə başa çatıb.Digər oyunda isə İsveçrənin “Bazel” klubu səfərdə İngiltərənin “Mançester Siti” komandasının qonağı olacaq. İngiltərədə keçirilən görüşdə “şəhərlilər” 4:0 hesabı ilə qələbə qazanıblar.Hər iki görüş Bakı vaxtı ilə saat 23:45-də başlayacaq.xeber100.com

“Bakı Marafonu-2018” keçiriləcək

Mayın 13-də “Bakı Marafonu-2018” keçiriləcək. “Küləyə qalib gəl” şüarı altında keçirilən Bakı marafonu ardıcıl üçüncü ildir ki, təşkil olunur.Fonddan Azərtac-a bildiriblər ki, idmanın inkişafına dəstək göstərmək, sağlam həyat tərzini təbliğ etmək, insanları xeyirxah amallar ətrafında bir araya gətirmək məqsədi daşıyan “Bakı Marafonu-2018” layihəsinin eksklüziv tərəfdaşı “Azercell Telekom” şirkətidir. Marafon Dənizkənarı Bulvar İdarəsinin, Bakı Olimpiya Stadionunun dəstəyi ilə təşkil olunacaq. Layihənin icrasını isə Sport Marketing Group (SMG) şirkəti həyata keçirəcək.“Bakı Marafonu-2018” Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edəcək.xeber100.com

Türkiyə Super Liqasının 24-cü turuna yekun vurulub

Futbol üzrə Türkiyə Super Liqasının 24-cü turuna yekun vurulub.Azərtac xəbər verir ki, turun mərkəzi qarşılaşmasında 44 xalla çempionatda üçüncü sırada qərarlaşan "Beşiktaş" komandası yeddinci sıradakı "Trabzonspor"la səfərdə oynayıb.Son çempion "Beşiktaş" rəqibin qapısından iki cavabsız top keçirərək xallarının sayını 47-yə çatdırıb və ilk sıralarda qərarlaşan "Qalatasaray" və "Başakşehir" komandaları arasındakı xal fərqini azaldıb.Gərgin idman mübarizəsi şəraitində keçən görüşün 71-ci və 78-ci dəqiqələrində Rayan Babel dubla imza atıb.Qeyd edək ki, hazırda turnir cədvəlinə hesabında 50 xal olan "Qalatasaray" başçılıq edir. Eyni xala malik "Başakşehir" ikinci yerdə qərarlaşıb. "Beşiktaş" 47 xalla üçüncü, "Fənərbaxça" 44 xalla dördüncü yeri tutur.xeber100.com

UEFA Çempionlar Liqasının final mərhələsi çərçivəsində

Martın 6-da UEFA Çempionlar Liqasının səkkizdəbir final mərhələsi çərçivəsində iki cavab oyunu keçiriləcək.Azərtac xəbər verir ki, günün mərkəzi görüşündə Fransa təmsilçisi “PSJ” doğma meydanda Madridin “Real” klubunu qəbul edəcək. Bu komandalar arasında ilk görüş madridlilərin 3:1 hesablı qələbəsi ilə başa çatıb.Digər qarşılaşmada isə İngiltərənin “Liverpul” klubu Portuqaliyanın “Portu” komandası ilə üz-üzə gələcək. İlk görüşdə səfərdə 5:0 hesabı ilə qalib gələn “Liverpul”un dörddəbir finala adlamaq şansı olduqca yüksəkdir.Hər iki görüş Bakı vaxtı ilə saat 23:45-də başlayacaq.xeber100.com

Basketbol birinciliyinin final oyunları keçirilib

244 nömrəli tam orta məktəbdə Binəqədi rayon orta ümumtəhsil məktəbləri arasında oğlanların basketbol birinciliyinin final oyunları keçirilib.Azərtac xəbər verir ki, 115 nömrəli tam orta məktəbin komandası yarışı birinci pillədə başa vurub. 244 nömrəli tam orta məktəbin komandası ikinci, 314 nömrəli tam orta məktəbin kollektivi isə üçüncü olublar.Yarış Binəqədi Rayon İcra Hakimiyyətinin dəstəyi, Binəqədi Rayon Gənclər və İdman İdarəsinin təşkilatçılığı ilə keçirilib.Mükafatçılar idarə tərəfindən diplom və medallarla təltif olunublar.xeber100.com