BRİCS zirvə görüşü Çində keçiriləcək

BRİCS-ə (Braziliya, Rusiya, Hindistan, Çin və Cənubi Afrika Respublikası) üzv ölkələrin dövlət başçılarının növbəti zirvə görüşü sentyabrın 3-5-də Çinin Siamen şəhərində keçiriləcək.Bu barədə Çin Xalq Respublikasının dövlət müşaviri Yan Cieçi BRİCS ölkələrinin nümayəndə heyətlərinin Çinin Nankin şəhərində keçirilən görüşündə bəyan edib. Növbəti zirvə görüşü “BRİCS: Daha parlaq gələcək üçün daha möhkəm tərəfdaşlıq” devizi altında keçiriləcək.xeber100.com

“Premium Friday” kampaniyasına start verilib

Cari həftədən Yaponiyada “Premium Friday” kampaniyasına start verilib. Kampaniyaya əsasən, bir çox şirkətlərdə hər ayın son cümə günü iş vaxtı saat 15:00-da tamamlanır.Yaponiya hökuməti və işgüzar dairələrin nümayəndələri tərəfindən həyata keçirilən kampaniyanın məqsədi istehlakçılar arasında müşahidə olunan durğunluğu aradan qaldırmaqdır.Ölkənin sənaye şirkətləri və qrupları, həmçinin ticarət rayonları kampaniya nəticəsində müştərilərin sayının artacağına ümid edirlər.xeber100.com

Enerji İnformasiya Administrasiyasının məlumatı

ABŞ-ın neft hasilatı 2016-cı ilin aprelindən indiyədək ilk dəfə gündəlik orta hesabla 9 milyon barrelə çatıb.Azərtac xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb. Bildirilir ki, ABŞ-ın xam neft hasilatı əvvəlki həftəyə nisbətən gündəlik orta hesabla 24 min barrel artımla 9 milyon barrelə yüksəlib. Bununla da, ölkənin neft istehsalı 46 həftədən sonra yenidən gündəlik orta hesabla 9 milyon barrelə çatıb.Neftin qiymətinin ucuzlaşması ilə əlaqədar ABŞ-ın xam neft hasilatı 2015-ci ilin aprelində gündəlik orta hesabla 9,6 milyon barreldən 2016-cı ilin sentyabrında gündəlik orta hesabla 8,57 milyon barrelə qədər geriləmişdi.xeber100.com

“ExxonMobil” şirkətinin məlumatına görə…

ABŞ-ın qabaqcıl enerji şirkətlərindən olan “ExxonMobil”in təsdiq edilən ehtiyatları 2016-cı ilin sonuna 20 milyard barrel neft ekvivalenti olub.Azərtac xəbər verir ki, bu barədə şirkət məlumat yayıb. Şirkətin təsdiqlənmiş ehtiyatları 2015-ci ilə nisbətdə 3,3 milyard barrel neft ekvivalenti azalıb.Son 10 il ərzində isə “ExxonMobil”in təsdiqlənmiş neft və qaz ehtiyatları təxminən 13 milyard barrel neft ekvivalenti artıb.xeber100.com

“Rosneft”in mənfəəti keçən il 2015-ci illə müqayisədə…

Rusiyanın ən böyük neft şirkəti olan “Rosneft”in xalis mənfəəti keçən il 2015-ci illə müqayisədə 49 faiz azalaraq 181 milyard rubl (təxminən 3,1 milyard dollar) olub.Azərtac xəbər verir ki, bu barədə şirkətin məlumatında deyilir. Bildirilir ki, şirkətin mənfəətinin azalmasına səbəb ötən ilin birinci yarısında neftin qiymətinin aşağı düşməsidir.“Rosneft”in 2016-cı ilin son rübündəki xalis mənfəəti isə 2015-ci ilin eyni dövrünə nisbətən 100 faiz artaraq 26 milyard rubldan 52 milyard rubla çatıb.Ötən il şirkətin ümumi satış gəlirləri 10 faiz azalaraq 4,9 trilyon rubla geriləyib. 2016-cı ilin sonuncu rübündə isə “Rosneft”in gəliri əvvəlki ilə nisbətən 21,4 faiz artaraq 1,4 trilyon rubl təşkil edib.xeber100.com

“Joint Organisations Data” şirkətinin məlumatı

Rusiya xam neft hasilatında Səudiyyə Ərəbistanını geridə qoyaraq dünyanın ən böyük neft istehsalçısı olub.Azərtac xəbər verir ki, bu barədə mərkəzi ofisi Ər-Riyadda yerləşən “Joint Organisations Data” şirkəti məlumat yayıb.Rusiya 2016-cı ilin martından indiyədək neft hasilatında ilk dəfə Səudiyyə Ərəbistanını geridə qoyub. Belə ki, ötən ilin dekabr ayında Rusiyanın neft istehsalı noyabr ayına görə 29 min barrel/gün azalaraq 10,49 milyon barrel/gün olub. Həmin dövrdə Səudiyyə Ərəbistanının hasilatı isə 10,72 milyon barrel/gündən 10,46 milyon barrel/günə enib. ABŞ isə 8,8 milyon barrel/gün neft hasilatı ilə üçüncü böyük istehsalçı olub.Dekabr ayında Səudiyyə Ərəbistanının neft ixracı da 8,26 milyon barrel/gündən 8 milyon barrel/günə geriləyib.xeber100.com

“The Harris Poll” nəşrinin versiyasına görə…

Amerikalı istehlakçılar arasında keçirilmiş sorğunun nəticəsi əsasında “The Harris Poll” nəşri tərəfindən tərtib edilmiş korporativ brendlərin nüfuz reytinqində “Samsung” korporasiyası 40 pillə aşağı enib.Nəşrin məlumatına görə, 2017-ci ildə “Samsung” həmin reytinqdə 49-cu yerdə qərarlaşıb ki, bu da Cənubi Koreya brendinin ötənilki nəticəsi (7-ci yer) ilə müqayisədə xeyli aşağıdır. Həmçinin məlumata əsasən, “Samsung” son 3 ildə daima dünyanın aparıcı brendlərinin onluğunda olub.“dailycomm.ru” saytı xəbər verir ki, “The Harris Poll” nəşrinin versiyasına görə, “Amazon” internet riteyleri bu nüfuz reytinqində birinci pillənin sahibidir. “Apple” korporasiyası reytinqdə beşinci, “Google” və “Tesla Motors” şirkətləri müvafiq olaraq 8-ci və 9-cu yerləri tutublar. Yüksək texnologiyalı şirkətlərdən başqa, həmçinin “Wegmans” və “Publix Super Markets” supermarketlər şəbəkələri, “Johnson & Johnson” əczaçılıq nəhəngi, “UPS” logistika şirkəti, “The Walt Disney Company” korporasiyası və “3M” innovativ istehsal şirkəti reytinqə düşüb.Analitiklər “Samsung”un nüfuzunun kəskin azalmasını uğursuz “Galaxy Note 7” smartfonu ilə izah edirlər. Bundan başqa, şirkətin rəhbərliyinin hakimiyyətin ən yüksək eşelonlarında korrupsiya qalmaqalında iştirakı “Samsung”un nüfuzuna böyük xələl gətirib.xeber100.com

“Prezidentlər günü”ndə növbəti etiraz aksiyası keçirilib

Fevralın 20-də Birləşmiş Ştatlarda “Prezidentlər Günü” bayram kimi qeyd edilir. Dünən ölkənin bir neçə şəhərində Prezident Donald Trampın əleyhinə etiraz aksiyaları keçirilib.Los-Anceles, Çikaqo və Nyu-York şəhərlərində “Bu, mənim prezidentimin günü deyil” adlı kütləvi aksiya keçirilib. Kampaniyanın təşkilatçılarının planlarına uyğun olaraq, nümayişçilər Prezidentin “cəfəng” fərmanlarına, qadınların reproduktiv hüquqlarına, immiqrasiya və qlobal istiləşmə probleminə münasibətdə Trampın yürütdüyü siyasətə etirazlarını bildiriblər.Dünən Manhettenin mərkəzindəki “Tayms-skver”də Prezident Donald Trampın immiqrasiya siyasətinə qarşı “Bu gün mən də müsəlmanam” şüarı altında etiraz aksiyası keçirilib. Ekspertlər bu aksiyaları Trampın inauqurasiya mərasimindən bir gün sonra keçirilmiş “Qadınların yürüşü” zamanı başlanan etiraz aksiyaları seriyasının davamı adlandırıblar.xeber100.com

“Türk axını” qaz boru kəməri layihəsi çərçivəsində…

Rusiyanın enerji nəhəngi “Gazprom” şirkəti ilə İsveçrənin “Allseas” şirkəti arasında Rusiya təbii qazının Türkiyə və Avropaya nəqlini nəzərdə tutan “Türk axını” qaz boru kəməri (Turkish Stream) layihəsi çərçivəsində ikinci boru kəmərinin tikintisi üzrə müqavilə imzalanıb.Azərtac “Gazprom”a istinadla xəbər verir ki, “Türk axını”nın dəniz hissəsində inşa ediləcək ikinci boru kəməri üçün “Allseas” şirkəti ilə müqavilə imzalanıb. “Allseas” şirkəti müqavilə üzrə Qara dənizdə 900 kilometr uzunluğunda boru kəməri inşa edəcək.Xatırladaq ki, “Gazprom” ötən ilin dekabrında “Türk axını”nın dəniz hissəsində inşa ediləcək ilk boru kəmərinin tikintisi üzrə müqaviləni də “Allseas” ilə imzalayıb.Qeyd edək ki, “Türk axını” ilə Rusiya təbii qazının Türkiyədən keçməklə Avropaya çatdırılması nəzərdə tutulur. Kəmərlə ümumilikdə 31,5 milyard kubmetr qazın Avropanın, qalan hissəsinin isə Türkiyənin daxili tələbatının ödənilməsi üçün istifadə edilməsi planlaşdırılır. Layihə üzrə hər biri 15,75 milyard kubmetr tutuma malik iki boru kəmərinin inşa edilməsi nəzərdə tutulur. İlk boru kəmərinin Türkiyəyə, ikinci kəmərin isə zəruri zəmanət təmin olunacağı təqdirdə Avropaya çatdırılması planlaşdırılır. “Türk axını”nın Qara dənizdən keçəcək hissəsi üzrə borular 2017-ci ilin ikinci yarısında çəkiləcək.“Gazprom” “Türk axını” layihəsinə bu il ərzində 42 milyard rubl (təxminən 704 milyon dollar) sərf etməyi nəzərdə tutur. Şirkət layihə üzrə keçən il 23,5 milyard rubl sərmayə qoyuluşu həyata keçirib.xeber100.com

“Sinxua” agentliyinin məlumatı

Ötən gün Əfqanıstanın şimalında havaların kəskin şaxtalı keçməsi səbəbindən 14 nəfər donaraq ölüb.Azərtac xəbər verir ki, bu barədə “Sinxua” agentliyi məlumat yayıb.Təbii fəlakətlər üzrə idarənin rəhbəri Əziz Rəhman Аymaq bildirib ki, ölənlər arasında uşaqlar da var.xeber100.com