“RİA Novosti”nin məlumatına görə…

Moskvanın qərbində oğurluqda şübhəli bilinən şəxs 3 polis əməkdaşını yaralayıb.“RİA Novosti”nin məlumatına görə, polis əməkdaşları naməlum şəxsi saxlamağa çalışan zaman xəsarət alıblar. Onlara müvafiq tibbi yardım göstərilib. Cinayətkar mənzillərin birində gizlənib. Onun yaxalanması istiqamətində zəruri tədbirlər görülür.xeber100.com

Birləşmiş Millətlər Təşkilatının hesabatına əsasən…

Yəməndə baş verən vətəndaş müharibəsi səbəbindən hər 100 nəfərdən 51-i əsas ərzaq məhsulları tapmaqda çətinlik çəkir.Anadolu agentliyi xəbər verir ki, bu məlumat Birləşmiş Millətlər Təşkilatının hesabatında əks olunub. Hesabatda 2016-cı il ərzində ölkənin bütün rayonlarında vətəndaş müharibəsindən zərər çəkən 5 milyondan artıq insana humanitar yardım çatdırıldığı, sentyabr və oktyabr aylarında isə 3 milyon 800 min nəfərə təcili tibbi yardım göstərildiyi qeyd olunub.Hesabatda, həmçinin vətəndaş müharibəsinin başladığı vaxtdan noyabrın 18-nə qədər 7 min 272 nəfərin öldüyü, 38 min 279 nəfərin yaralandığı bildirilib.xeber100.com

AFP agentliyinin məlumatına görə…

Uqandanın Albert gölündə baş verən gəmi qəzasında 30-a yaxın insan həlak olub. Bu barədə bazar ertəsi günü AFP agentliyi məlumat yayıb.Məlumata əsasən, hadisə bazar günü baş verib. Batan gəmidə yerli futbol komandasının üzvləri və azarkeşləri olub.Yerli polis idarəsinin nümayəndəsinin məlumatına görə, qayıqdakılar şənliyin gedişində göyərtənin bir tərəfinə yığışıblar. Nəticədə bərk yırğalanmağa başlayan qayıq çevrilib və 30-a yaxın insan göldə boğularaq ölüb.xeber100.com

TASS informasiya agentliyinin məlumatı…

Axtarış-xilasetmə xidmətləri Rusiya Müdafiə Nazirliyinin “Tu-154” təyyarəsinin Qara dəniz akvatoriyasında su səthinə dəydiyi təxmini yeri müəyyənləşdiriblər.TASS informasiya agentliyinə istinadla xəbər verir ki, operativ qərargahdakı mənbənin məlumatına görə, toqquşmanın güman olunan yeri müəyyənləşib və füzelyajın böyük parçaları orada ola bilər. Bu yer Qara dəniz akvatoriyasında uçuş zolağından altı kilometr məsafədə yerləşir və xeyli dərindir. Axtarış-xilasetmə əməliyyatlarına 30-dan çox gəmi və kater, 3,5 min nəfər cəlb olunub. Axtarış zonası kvadratlara bölünüb, həm akvatoriya, həm də sahil xətti nəzərdən keçirilir.Xatırladaq ki, “Tu-134” təyyarəsi bazar günü səhər Adler aeroportunda yanacaq doldurub havaya qalxdıqdan dərhal sonra qəzaya uğrayıb. Onun göyərtəsində 92 nəfər – hərbi qulluqçular, jurnalistlər, məşhur həkim Yelizaveta Qlinka (doktor Liza), həmçinin Rusiyanın Suriyadakı aviasiya qrupunu Yeni il münasibətilə təbrik etməyə gedən Aleksandrov adına hərbi ansamblın musiqiçiləri olub.Təyyarənin qalıqları qəzadan bir neçə saat sonra Soçi rayonunda sahildən 1,5 kilometr aralıda, suyun 50-70 metr dərinliyində aşkarlanıb. İndiyədək 11 nəfərin cəsədi tapılıb.xeber100.com

Kyodo agentliyinin yaydığı məlumata əsasən…

ABŞ və Yaponiyanın müdafiə nazirlikləri arasında Okinava prefekturasındakı hərbi baza ilə əlaqədar razılıq əldə olunub. Kyodo agentliyinin yaydığı məlumata əsasən, bu barədə Pentaqonun rəhbəri Eşton Karter məlumat verib.E.Karterin bununla bağlı bəyanatında deyilir: “Yaponiyanın sabiq müdafiə naziri Qen Nakatani ilə iyunda əldə etdiyimiz razılaşmaya uyğun olaraq, hər iki ölkənin nümayəndələri Yaponiyada ABŞ silahlı qüvvələrinin mülki və hərbi xidmətçilərinin sayı barədə ümumi razılığa gələ biliblər. Bu, məni sevindirir”.xeber100.ccom

Neft yataqları bloku icarəyə veriləcək

ABŞ hökumətinin tabeliyində olan Okean Enerji İdarəçiliyi Bürosu (BOEM) 2017-ci ilin martında keçiriləcək hərracda Meksika Körfəzindəki 48 milyon hektarlıq neft yataqları blokunu icarəyə verəcək.Azərtac xəbər verir ki, həmin bölgənin icarəyə verilməsi ABŞ Prezidenti Barak Obamanın 2012-2017-ci illəri əhatə edən 5 illik planı üzrə həyata keçiriləcək.“Körfəz 12” adlandırılan neft yatağı 9-11,115 fut arasında dəyişən dərinliyə malikdir. Yataq Luiziana, Missisipi və Alabamaya 3-230 mil arasında uzaqlıqda, 48 milyon hektar ərazini əhatə edir.Yataq üzrə hərrac 2017-ci il martın 22-də BOEM-in saytında onlayn qaydada keçiriləcək.xeber100.com

Rusiya Müdafiə Nazirliyinin məlumatı…

Rusiya Müdafiə Nazirliyinin qəzaya uğrayaraq Qara dənizə düşən “Tu-154” təyyarəsinin göyərtəsində 93 sərnişin olub. Müdafiə Nazirliyi təyyarədə olan sərnişinlərin adlarını öz saytında yerləşdirib.Rusiya Müdafiə Nazirliyinin son məlumatına əsasən Qara dənizdə qəzaya uğrayan “Tu-154” təyyarəsinin göyərtəsində 84 sərnişin və 8 ekipaj üzvü olub. Həlak olanlardan birinin cəsədi tapılıb.Qəzanın səbəbləri araşdırılır.xeber100.com

TASS informasiya agentliyinin məlumatına görə…

ABŞ-ın yeni seçilmiş prezidenti Donald Tramp BMT Təhlükəsizlik Şurasının İsrailə dair qətnaməsini şərh edib.TASS informasiya agentliyi xəbər verir ki, Donald Trampın fikrincə, BMT Təhlükəsizlik Şurasının İsraildən işğal olunmuş ərazilərdə məskunlaşdırma fəaliyyətini dərhal dayandırmağı tələb edən qətnaməsi yəhudi dövləti ilə Fələstin arasında sülh danışıqları prosesini mürəkkəbləşdirəcək.“İsrailin BMT-də dünənki böyük məğlubiyyəti sülh barədə danışıqları xeyli mürəkkəbləşdirəcək” - Tramp şənbə günü Twitter səhifəsində belə yazıb. “Çox pisdir, amma biz hər halda buna nail olacağıq”, - deyə o əlavə edib.xeber100.com

Britaniya hökuməti 440 milyon funtsterlinq vəsait ayırıb

Britaniya hökuməti super sürətli internet üçün 440 milyon funtsterlinq vəsait ayırıb.Layihəyə əsasən Birləşmiş Krallığın ən ucqar nöqtələri belə internet imkanlarından faydalana biləcək. 2017-ci ildə 95 faiz evlər internet ilə təmin ediləcək və 2020-ci ildə artıq Birləşmiş Krallığın 97 faiz əhalisi rabitə imkanlarına malik olacaq. Layihəyə əsasən internet sürətinin 100mb/s qədər yüksəldilməsi planlaşdırılıb.xeber100.com

“Malaysia Airlines”ın məlumatına görə…

“Malaysia Airlines” şirkətinə məxsus sərnişin təyyarəsi dekabrın 22-də qapılardan birində yaranan texniki nasazlığa görə London aeroportuna qəzalı eniş edib. Bu barədə şirkətin yaydığı məlumatda bildirilir.Hadisə Böyük Britaniyanın paytaxtından Kuala Lumpura uçan “Airbus A380” təyyarəsi Almaniyaya məxsus hava məkanında olarkən baş verib. Şirkətdən bildirilir ki, sərnişinlərin təhlükəsizliyini təmin etmək üçün kapitan təyyarənin geriyə dönməsi və qəzalı eniş etməsi barədə qərar qəbul edib.xeber100.com